عبدالله.

ضلعٍ يرحب بك وضلعٍ يهلّي ..

[محسن بن مترك @aprvip]

علموه ان هل الوادي سباع ضواري
كان يحتاج للاحداث تفسير رويا

وان عطونا ولاة الامر الامر الوزاري
نقدر نجيب راسه في غمارة سكويا ):

[عفاس بن حرباش @3faas]

راسٍ تحته الجبال وراس تحته متون
يا راس مجد الجزيره لألف عامٍ مضى

مجدك يثير العقل واسمك يثير الجنون
وما همك اللي سخَط ما دام شعبك رضى

حنا معك وين ما تبغى وفي ما تكون
وجّه بنا للقدر وابشر بنا في القضاء

في عشرة أعوام عشنا مجد عشرة قرون
خطوه على اليابسه والثانيه في الفضاء

[عبدالله. @ca_wl]

الحـوثي اللـي يـدوّرها تحصـلها
لو عاش باقي العمر في حجره ابرك له

المملكة شامخه ماهو بـ واصلها
بدري عليه و على ٢٠ من شكله :)

#السعودية_العظمى #الشرقية

[عبدالله. @ca_wl]

المملكة دونها رجال يحمونها 🇸🇦

[عبدالله. @ca_wl]

أحبّك . . ولو عادت جميع الوجيه اغراب
خذيتك أمان . . يشرّد الخوف من طيبه

اشوف الحياه اللي مع الناس ملح وذاب
واشوفك . . يقـين يقطع الشك والريبه

ابيع السنين اللي بدونك بـ رخص تراب
واساوم على اللحظه معاك انت باللي به

[عبدالله. @ca_wl]

يفدى مواعيدك شعوري فالبداية والختام
والعمر لامن ضاع معك / يضيع جعله مايدّل

واجد حديثي عنك في روحي عدا روحي الملام
انا أحبّك . . و اللي يحبّك حبيبي ما يمل

معاك انا اقبل الإختصار بكل شي / إلا الكلام
خير الكلام بـ صوتك المعزوف ما طال ودلّ :)

[عبدالله. @ca_wl]

اعتراف صدقي :

قالت انت تموت فيني وقلبك مايخون
والتفت الها من اعماقي وصارحتها

قلت انا ميّت وميّت وميّت ومغبون
يعني فوق الارض احبك واحبك تحتها

[عبدالله. @ca_wl]

يا غريبه .. يوم جيتي واعلن العمر إغترابه
إكحلي عين المسا ولا استخيري .. ياغريبه
اعبري حول المشاعر وانثني مثل السحابه
وانحري عنق الغريب من القوافي و إفتدي به
انتي .. أكبر من شعور يفقد العاقل صوابه
وانتي اكثر من كلام يقدر الشاعر يجيبه

[عبدالله. @ca_wl]

أرحبي ياللي تزاحم لك أسراب القلوب
كنّها تزاحم الناس في مَشعر مِنى

أشكريني يوم أحنّك من كبار الذنوب
وأعذريني يوم أزيدك مع العنوه عنا

الضمير الحيّ نوع من أنواع الحروب
يا ضمير مدوّر المصلحة نوم الهنا

ما قدر يكسب محبتك يا الظبي اللعوب
« غير أنا واعوذ بالله من كلمة أنا »

[عبدالله. @ca_wl]

في عيونك رد ثار و معركه و حروب رِده
وصوت خيل وحد سيف وضرب رمي بوارديه

وفي نحرك الصلح والهدنه وطيبٍ فاح ندّه
والامان اللي يجي عقب الحروب العالميه . .

[عبدالله. @ca_wl]

خاطرك يستاهل أرضيه لو تزعل شْعوب
والله إن أرضيه لو الزمان يحدّني

لا تحاتي يا حبيبي متاهات الدروب
كل ما زلّيت عن درب حبك قدّني

هدّني من روع فرقاك يا أعز مْحبوب
طالبك في كل ليله تعال وهدّني

وكل ما استغفرت من ربي وقررت أتوب
" قامت أنسام الهبايب عليك تردّني " !

[عبدالله. @ca_wl]

يجيني ليا من قالت أسمي برود عظام
برود العظام اللي يجي راعي السكر :)

[عبدالله. @ca_wl]

ودي أصوّر . . " جمال الطلّه الجذابه "
وأنتي أجمل من جمال الصوره الشعريه :)

_ جراح العتيبي

[عبدالله. @ca_wl]

غلاك أكبر من الواقع من الشرح ومن التعبير
ليّا شفت المشاعر ما توصف قدرك أعذرها

على طاري غلاك الله يمسي طلتّك بالخير
ياحلو الليلة اللي في ملامح وجهك أسهرها

أحبك والمحبة ما لها غير الوصل تبرير
تمعن كلمة أحبك على أذنك يوم أكررها

[عبدالله. @ca_wl]

"أنا أجامل في جَميع الكلِمات إلا "لبّيه" أحس هذي بالذّات ينطقها القلب وليس اللسان"

- الحاكم

"يا لبيّك الحنونه يا وجودي منك يا لبيه
أنا لبيه عندي بـ الغلا والحب مرهونه"
- سعود بن مبارك

[عبدالله. @ca_wl]

صمتك حديث وطيفك وجيه جلاس
انا افهك لو كان ما يفهمونك

كل الكلام الي _ يقولونه الناس
احب منه الي تقوله عيونك ):

[عبدالله. @ca_wl]

في ليلةٍ من ليالي الحبايب أكتشفو وحدة قياس جديدة وهي ،، " بوسة متر "

* العيطموس اللّي هدب عينها سام
طول رقبتها عشر بوسات باالضبط (:

[عبدالله. @ca_wl]

أختصر مطحس بن حمد الوفاء بالعهد والمحبّه
مثل يوم قال :
لازال عهدي في مكانه وأنا إياي
والله ما يتشمّت علينا عدانا

حفظت حُبك غصب عن كل وشّاي
وغصبٍ عن اللي طامعٍ في حدانا
« بمعنى طال الزمن ولا قصر لازال مكانك ثابت »

[عبدالله. @ca_wl]

في ليلةٍ فيها يزيد اشتياقي
سريت للي ما تزعزع غلاها
في دربها لو ينكسر عظم ساقي
ما طحت دام نهايته في لقاها
يكفيني من العمر ساعة تلاقي
فيها اعتنقها وارتوي من شفاها

[عبدالله. @ca_wl]

معك كل الدروب ميسّره وموفقه توفيق
و بسماتي ملت وجهي ، وترحابي وضحَ فيني

لقيتك للدروب الموحشة ذخر وللضياع رفيق
وعقب رمضى العمر وياك تو تزهر بساتيني

عليك الله وأمانه من ليال البعد والتفريق
وسوء الظن لا يدخل حبيبي " بينك وبيني " .