Fahad

[Fahad @ck95]

اللهُم إني اخاف القبر ووحدته وظُلمته ، اللهم ارحمني عندما اغادر الدنيا، اللهم أنر قبري وثبّتني عند السؤال ، اللهم احسن خاتمتي وسخرلي من يدعو لي بعد وفاتي يا ارحم الراحمين

[Fahad @ck95]

ارحلي يا غريبه لو رحيلك ممات
وعانقي كل هقوه خيّبت من هقى

لو رسمتك خيال ولو جمعتك شتات
كيف ابتبع دروبك والحياه محقى

مابقى في عيونك صبر للمقبلات
ولا بقى دمع فيها طاح مدري رقى

ماعلى القلب بعدك من هوى الفاتنات
كن ربي خلقنا فالحياه اصدقاء

[Fahad @ck95]

عقب المواصل تاه درب المحبين
وكلٍ جنى من عقب هجره حصيله

إن جيت بتشره .. تحدّ السكاكين
وإن جيت بتسامح حمولي ثقيله

مرّت سنه والبال بين العناوين
مقفي ولا لي في مواصلك حيله

[Fahad @ck95]

يوم اشوف النود يطرق ويتمايل عودك
ميلة حبال المواصل يوم بيّدك تلوى

آيةً بالحسن متعدي رسوم حدودك
( التأمل فيك تقوى والتفكر تقوى )

ان نطحك اللي قبالك راح يتبع ذودك
وان قفاك يشوف قدامه هوال البلوى

[Fahad @ck95]

يا قايد الركب امهلني قبل لا تروح
دام النظر حيلة اللي في كلامه شرق

صوت النداء الاخير اللي ملاه الوضوح
يا كثر ما وقّف احلامي على مفترق

فيني من الضيق ما يعقد حجاج المزوح
حتى السكينه تلاشت والامان انسرق

اليا نجيتو من الطوفان يا اصحاب نوح
من ينجي اللي تغشّته الدموع وغرق

[Fahad @ck95]

مرحبا في وصالك بعد طول الغياب
وغيبةً دون سبه .. جرحها يقتلك

بين لحظة لقاك وبين لحظة عتاب
لو عيوني تكلم قالت اشتقت لك

[Fahad @ck95]

من يديك أسرفي بـ الحب من ما لديك
قبل لا ينجرف " عمر الغلا " ، و انجرف

لو عزومي على دربك عزوم الدريك
يمكن أضيع لكن ماني ( بـ منحرف )

صح ما قلت لك من قبل بـ إني ابيك
بس دايم اجي لك جيّة المعترف

اتركيني اموت بـ عنفوانك وفيك
ادري إني ليا من مت ، مت بشرف

[Fahad @ck95]

ممل أحلامي ورى سور المعاليق الهشيمه
ليلها الموعود ما له غير لبّاس العمامه

كم لي اغنّي على ليلاي واطرد كل غيمه
الهوى ما عاد خلا العاشق , يوضح كلامه

كل صدمه تفجع احساسي , عواقبها وخيمه
تبتدي مثل الحياه , و تنتهي مثل القيامه
- حمود بن فارس الهاجري

[Fahad @ck95]

زملّيني من هواجيس الغياب اللا إرادي
ان ذبحني طاري الفرقا وش انتي مستفيده

واعبري بي لا اغدي عادي وانا ماني بعادي
الحريص تورّده للموت غلطته الوحيده

[Fahad @ck95]

يوم قلبي جاك ينزف من صوابه
شاف في عينك معاذير وتضمّد

ماسألت شفيه خايف من جوابه
ادري انك مستحي منتب تعمّد

فاقدك فقد المدينه للصحابه
والوحي والفتح ولـ جرّة محمد

[Fahad @ck95]

قلبي لغيرك ؟ شي ماهو ف ايديه
وابعد عليه من السماء للاراضي

ابطى وهو قبلك يخمه ويخطيه
واقنعته ان ما كل لاعب رياضي

الناس من بعدك هلا وانت لبيه
الحاضر انت وماضي الناس ماضي

[Fahad @ck95]

إن نسيتك ؟ فـ أعرف إني موارى فالتراب
و إن تذكرتك عسى الله يسامح و يهدي
- مطلق بن شويه

[Fahad @ck95]

اكتب لغيره والقصايد تجي فيه
كن القصايد حالفه ما تخونه
-متعب التركي

[عمر الهيت @3alheet]

من بعد ما ذبحتني بالهجر ذبح
وخليت يوم فراقنا .. يوم عادي ،

ماعاد تغريني " احبك " على الصبح
ولا عاد تكسرني " اغاني عبادي "

[Fahad @ck95]

أطلبيني كل شيء إلا التهاون في المبادي
من تهاون في المبادي يا عسى ربي يهينه

عاشقٍ غادي بحبك والله إن ماهو بغادي
لو ورا حبك يبيع العمر ويضيّع سنينه

[Fahad @ck95]

كيف جرحك ما برى وانت يدّينك دقاق
وليه جرحك ماخذا يوم جرحك فيّ شهد !

بسمة البارح ، خطفها الحزن بـ يد الفراق
لوّحت لي في يديها " وداعاً يا فهد "

[Fahad @ck95]

تمادي وان نويتي ذبحتي .. ما لـ البرا مردود
تحلويت المنيّه واحتضنت السيف والسياف
-عمر الهيت

[Fahad @ck95]

انا عاشقٍ لاهوب منهي ولا مأمور
من الضيق مايملا من الراحه لراحه

دعيتيه باسمه من حوالي ثلاث شهور
وهو من ثلاث شهور ما عيّن الراحه

يشوف الغلا فعيونك الناعسات الحور
مثل من يشوف الموت فعيون ذباحه

[Fahad @ck95]

المصافح بالقلوب اصدق من مصافح الايادي
اسمحي لي .. كل يوم اصافحك وانتي بعيده
-صالح النشيرا

[Fahad @ck95]

كل ما قلت انا سامح ونفسي معيفه
انتكس ، وأرجع أحبّك ولا ادري علامي

[Fahad @ck95]

وين أيمّم شوف عيني وأنا أخيلك سراب
كل ماضمّيت زولك .. تلاشى من يدي !