ودك الرجال دون احلامه يكون انتحاري
يقدم بعقل الوليد ويضرب بسيف المغيره
اما أنا دايم طموحاتي تجاور لسواري
ما التفت يم القليل ولا التفت يم الصغيره
اتركوني كل ما مني تعرضت البراري
امتشتت من زماني صابني بالوقت حيره
ماطمعت الا بكسب دونها انياب الضواري
ما اتقدم له ضعيف العزم و اليمنى القصيره
انكسر و ارجع و اكافح ما يطيحني انكساري
و اتعلم من زماني موقفي واقول خيره
عصيميٍ دون سده يلجم الضاه الهذاري
ماعلم في وسط صدره غير علام السريره
ماسعيت الا بخوة من حفظ عنده وقاري
الرفيق اللي صنع بالطيب له تاريخ سيره
الرفيق اللي على طاريه يزداد افتخاري
لاوقف بالكايده يكفيك عن ميقاف غيره
يارب وجهني طريق الصالحين
بدايته ونهايته ، سترة نجاه
رفعت نفسي عن دروب التافهين
اللي ولا دربٍ يشد الانتباه
اما حياة الطيبين الغانمين
ولا حياةٍ ماوراها من غناه
اللي حسبته من قروم الطيبين
الوقت ماقصر وبين لي خفاه
يزين طبع الناس ، ولا مايزين
كلٍ على حسب العمل يلقى جزاه
سامح الله من خَذا مني هدوّي وارتياحي
لين حدّني على بعض الامور .. اللي ماابيها
مرحله مدري متى تعتقني ، وتطلق سراحي
ما قدرت آعيشها ولا أنتقل لـ اللي يليها
لو تساعدني خطاوي رجلي .. بحزة مراحي
من يساعدني على روحٍ يدب الشوق فيها