ــد

[ــد @daellx_]

لازلت أقول الحيّ بيصادف الحيّ
رغم إني أواجه معاك ألف عدّه

قيدين في رجلي وقيدين فيدي
وبيني وبين الوصل عشرين شدّه

وش اللي مجلّس طيوفك حواليّ
وانا مسافر روحه بدون ردّه ؟

[ــد @daellx_]

مابقى عقب وجهك وجهٍ أخشى وداعه
وين أبلقى بعدك اللي يرمّم حطامي ؟

[ــد @daellx_]

بكيتك وانا اللي مابكى غير من فرقاك
وببكيك لين إن المخاليق تبكيني

كسرني رحيلك جعل جنة عدن مثواك
تلاشت عزومي وذبلت زهَرة سنيني

عسى الله يغفرلك .. كثر ماعطت يمناك
وعسى الله يصبّرني كثر مابكت عيني

[ــد @daellx_]

- أعيادنا مبتُوره
ومهما بلغت من الألفة
والزحام وسائر مظاهِر الفرح
تبقى ناقصه ..
كما قال الشاعر الغريفي /
لا يُنهك المرء الا من فقد والدية
كخيمة ذات ريحٍ لم تجد عمداً

[ــد @daellx_]

فقدت يمنى كفك اللى كان لـ أيامي عُمر
كفٍ حشمني من غثى الدنيا وعيني غارقه

كفٍ معلمني الحياة و كان لـ أحزاني صبر
واليوم ضاقت دنيتي و ياليت بس اعانقه

[بَلاغَة @Blagha1]

"وتَقلقِين ؟
واللهُ رَبكِ ورَبُّ كُلّ العَالمينْ"

[ــد @daellx_]

المشاعر من بعد فقدك يتيمه
ياحبيبتي مالها من غبتِ والِي
من فقدتك مابقى لـ الناس قيمه
أو بالأحرى من فقدتك وش بقالي

[ــد @daellx_]

"رجف غصن الجريد وصارت ورود الربيع أشواك
و بان الفقد في وجه .. الصبور الثابت الكامي

ودريت إنك رحلت وغاب حسّك والقبر مثواك
و ماتت بسمة الحي .. العتيق ببارد أنسامي

ثبتت بوقفة الشامخ .. و أنا منهار من فرقاك
وتسارع نبض قلبي لين صار النبض بعظامي"

[ــد @daellx_]

مانسيتك لو سليّنا بهالحياة
ولو ضحكنا مع اللي يضحكُون

أدعي اللّٰه في سجُودي وكل صلاة
ينزل الرحمات لك مثل المزُون

وياعسّاك تقُول في قبرك وصاه
ليت أهلي عن كل نعيمي يعلمُون

[ــد @daellx_]

عسى عيدك بالجنة أجمل أمي حبيبتي
وعسى هالروح بأعلى جنان الخلُد مسرورة

[ــد @daellx_]

﴿ رَوحٌ ورَيحَانٌ وجَنَّةُ نَعِيمْ ﴾
اللهم ارحم أمواتنا وأجعل قبرهم مُناراً مُستضاء لا يُشكون فيه ظلمه ولا ضيق وبشرهم بروح و ريحان و جنةٍ و نعيم

[ــد @daellx_]

" انا فؤادي من اللوعات ماهو خلي
واصوم لكن شفوف قلوبنا ماتصوم

يا الغايب اللي لو الدنيا تردك علي
عيدت والعيد باقي له ثلاثين يوم "

[ــد @daellx_]

همومي بحر و اشوف قربك فريق انقاذ
اربك مع الايام .. بتحاول انقاذي ؟

[ــد @daellx_]

أنا سيّد أفكاري ما أحب أتبع التنوير
قناعاتي اللي داخلي .. موجز أحزاني

ما أعيش الحياه اللي تجي وفق فكر الغير
شعوري عميق ومنطقي منطق إنساني

ولاني بحاجه حُب واهم ، ولا تقدير
أنا نصفي الأول .. وأنا نصفي الثاني

[ــد @daellx_]

"يا أنفعل وأقوم الدنيا على ساق
يا أستكن وما تحركني الحرايق"
-عديّم الوسطيه-

[ــد @daellx_]

بعد موت روحك كن مالله خلق لي حس
يدين الحياة بجذوة النار .. تنهشني

أنا ما وحشني في حياتي وجودك بس
وجود الحياه بكبرها معكْ .. يوحشني

[ــد @daellx_]

اللي علي الاجتهاد .. أما القبول
سبحان من يهب القبول لمن يشاء

لقيت في صمتي مفاتيح القفول
يوم ابتسم فالجهر واحزن فالخفاء

مع احترامي للمشاعر عرض وطول
مافيه أجمل من شعور الاكتفاء

[ــد @daellx_]

يعمّ الهُدوء ويستثير السُكون الصوت
وأنا بين صوت العقل واحساسي الجايش

ماضيَّعني وذوَّقني الموت قبل أموت
الا عقلي المتحرّص وقلبي الطايش

أشوف الحياة جْنازةٍ في بطن تابوت
لكنّي رغم كل الصعوبات متعايش

ترا ما أصعب من الموت واللي خلاف الموت
إلّا الفترة اللي لا أنت ميّت ولا عايش