خليّف

نقطة إنجذاب الجميع فوبيا مزمنه

[خليّف @deem_860]

يا لقاي بذاتي المتغرّبه ، عن ذاتي
يارضا نفسي على خير الزمان وشرّه

أنت جيت وجابك الله عقب طول شتاتي
وعوّدت فيك السنين الذابله مخضرّه

نظرتي ، ذوقي ، سواليفي ، غناي ، سكاتي
ودي أعرف لـ إرتباط اللي معك وش سرّه!

فيك من حزني ، كثر مافيك من ضحكاتي
فيه أحد قال أنت تشبهني قبل هالمرّه !

[خليّف @deem_860]

ياغرة العيد شفتك من ورى الخصلتين
يمين سيفٍ حدب ويسار سيفٍ حدب

من نفحة العود الأزرق هبّ ريح الحنين
وأنا على الماضي أدور على أدنى سبب

والغالية عذرها مهما تغلت سمين
الحب وهبة من الله والله اللي وهب

[خليّف @deem_860]

" يا نديمة طواريق الهوى وشلون اردّ اعتباري
من وجيه السنين اللي تنحّت فيك واقفى رحبها

في خفى النفس شي ٍمظهره ربي وشيّ مْتواري
وشرهة ٍ ما قدرت ادرى عواقبها ولا اخفي سببها

اتنشد عليك ان ناض برق وما لوجهك مواري
وانتي اول مواري ضحكة ٍ بالروح مالله كتبها "

[خليّف @deem_860]

سمحت من الهوى وانت الهوى وياك ! ما ينعاف
عزوفي كان عزله عن دروب استنزفت عطفي

احس ان كل لحظاتي بدونك في الحياة ؟ إسراف
ابي لي عمر ثاني ، عمر واحد معك ! ما يكفي

وداعي معذِره ، يالراحلين ، وللوداع : اعراف
اعرف اشتاق ما اعرف اتمسّك في يد المقفي

سعود مهدي

[خليّف @deem_860]

مخاواة السهر والهم والليل الطويل
عزل عن زخرف الدنيا وعن لذاتها

قضى عمري على الموال هذا كل ليل
وراح الوقت في ود العلوم وهاتها

هواجيسٍ ترود البال ماطاها ثقيل
ومع تكرارها صرت اعرف حزاتها

ضيوفٍ ما تميز فالكريم و فالبخيل
ليا عسعس هويد الليل جت باوقاتها

[خليّف @deem_860]

شي عادي تطلع الشمس ويغيب الهلال
والوعد مع غيبة الشمس .. مره ثانيه

[خليّف @deem_860]

النصر وش مسوي في حياته

[خليّف @deem_860]

لا زالت طلاليات الصباح دافع معنوي للحياه الباهته

[خليّف @deem_860]

تغير علي الوقت واخذني من اقصاي
ياوجدي على خبري من اول وياصبري

عسى وضعي المزري يزينه الزمان الجاي
مابي من عطاه الا اني ارجع على خبري

[خليّف @deem_860]

في زحمة الإعجاب و هتاف الحضور
وش مطمعي بـ غيرك و أنا كلي معك

أحيان تأكلك المظنه بلا شعور
و أنت الذي تحكم فؤادي بـ إصبعك

ما أخترتك من الناس يا وجه السرور
لـ أجل أزعزع من ثباتك و أفزعك

لوّك تشوف آثار حبك بـ الصدور
كان إقتنعت إني محال أستشبعك

[خليّف @deem_860]

من شفايفها صباح الخير شكل وطعم ثاني
أه لو تدري وش تسوي صباح الخير فيه

[خليّف @deem_860]

يداومون اللي عليهم الإعتماد
و يريّحون اللي مامنهم فايده

[خالد مبارك @khladmbark505]

حبنا للشعر خلانا نسجل صوته/والقصايد كلبوها ودنا نسمعها
والصحيح المبدع اللي لاسمعت بيوته/كنه ماخذها من اقصى القلب ومرجعها
خالد

[رفعان العرجاني @Refaan_alarjani]

استر ماواجهت ياتالي نهارالربوع
طلبت ربي ولااطلب منّك إلا الستر

قاومت ستّ الليالي الماضية فـ السبوع
ونجحت في الالف ميل وطحت فـ آخر متر

[خليّف @deem_860]

حتى اللي بيني وبينه معرفة من زمان
على كثر ما عرفني .. ما عرفني عدل

[خليّف @deem_860]

ونتي ونة مريضٍ على ذرو الفراش
كل ما قالوا تشالا يجدبه المرض

عيني اللي دمعها كل ما ونيت جاش
كن وسط صبيّها مس عودٍ معترض

[خليّف @deem_860]

مساء الخير

[خليّف @deem_860]

عايدوني ياجماهير والدعوه بسيطه

[خليّف @deem_860]

يا نجمة مرّت من الليـل ساعــه
في الثلث الآخر مع طلوع الثريــا

نظرت نظرة خوف مدري شجاعه
واثره مغير النور من صدر هيّــا

غروٍ لعبّي لعب طفـل الرضاعـه
واليا طلبته بعض الأحـوال عيّـا

يا سرع طرقة رمشها وارتفاعـه
العين فيها النـوم والقلـب حيّا

[خليّف @deem_860]

الحياة اللي معك عشتها جنة ونار
علقيها في رقبتك ترى دمي هدر

والبسيني مثل مايلبس الليل النهار
واشرقي بي وأغربي بي على شمس وبدر

وأدفنيني في بياضٍ نشع فيه الحمّار
عاشقٍ فارق حياته على مفرق صدر !

سعود مبارك