دوس

إنسان

الردي راسه مثل راس كبريت
ماا يقدح الا مرةٍ .. فـي حياته

[دوس @dosrl0]

شوف واسمع العلم يا صاح
عطيتك من التقدير ما تستحقه

حطيتك دوا وللقلب مفتاح
واكتب قصيدي اليوم وأعدّه

لا تلحقني اللوم عقب شق الإصباح
ولا تزعل إن جيت للصلح ردّه

خاطري زعلان وفيه كثر الأنياح
وأنت ولا همك وتمشي بصدّه

شف الأكيد ووارد الحب وضّاح
حب الكريم اللي لأهله يودّه

أعطيك فرصه ولا عقبها إصلاح
إن جات ربي اللي زاد من عنده

وإن رحت والله لخلي الجرح سفّاح
وأدفن عمرٍ ضاع وسط المودّه

حاولت أبعد لكن الود ذبّاح
وش غاية الغلا وكثر المحبّه

لا مصالح ولا تصالح ولا صفاح
مثل الذرى تذري به الريح هدّه

دوس 🖋️

[دوس @dosrl0]

انا شاقني بالحيل منظر حمام شهار
صلاة العصر يوم انحدر بأسفل الوادي..

لحظني شبكني ثم قفّى وانا محتار
دفعني غرامي له على غير معتادي..

تطاير حمام الشوق والقلب مني طار
تلاعب جناحه بالهوى لعب بفوادي..

أنا امّا حصلي يا سعد يمهم مسيار
تراهم سبب ذبحي إلَى جاك نشَّادي

الشاعر الامير / خالد الفيصل

[دوس @dosrl0]

سلم على اللي جميله في بني عمه
وقدام الاجناب تمدح كرمة ايمينه

وسلم على اللي لاجيته ساعة الغمه
تسـابق اشفاه ،، وعيونه ،، وكفينه

أتقدّر الروس بالهومات ، و الهمه
ويقدر السيف من حده قبل زينه

الفقر ما يردع الطيّب عن القمه
والمال مثل الردي يبغا من يهينه

بعض الرياجيل مثل الدلو فالجمه
مطيحه ورفعته ماهيب في ايدينه

الشاعر / محمد الرويبخ

[دوس @dosrl0]

البارحه راسي تصافق طواريه
والنوم ماله يمة العين حروه

يلعب براسي صوت صلف المشاريه
ذيبٍ عوا يبغي عشا امه وجروه

وأنا على الدنيا من الهيه للهيه
ماهمني شهره ولا جمع ثروه

همي وغمي واحدٍ يوم الاقيه
كني مريض وشوفته محو قروه

الشاعر / ضيدان بن قضعان العرجاني

[ابلج @_ABLAJ]

غرني منسب خواله وعمه والجدود
ما دريت إن به ردين من صلب اجودي

[بسطام @______H55]

«لعل الغيبه تزيد الغلا .. و تلهّف الأرواح
و أعوّد لك بشوقٍ يختلف عن ماضي أشواقي»

[دوس @dosrl0]

انتي السحر ودرة الكون في فسح الفضا
انتي المزن اللي سقى الأرض القاحله

وانتي نور القمر لا جاء في عمق السما
وانتي اللولو وسط البحور الهايله

مبسمك يشفي جروح القلب لا زاد العنا
وشامتك السودا من ورا الهدوم القاتله

لو ربي ما خلق فالكون إلا انتي فدا
حسّي يقول انك من جنة الخلد نازله

دوس 🖋️

[دوس @dosrl0]

لا صار ما يغضبك فارتح وطوّل البال
صبرك على نقص العقول من المبادي

واعرف اللي حاكرٍ في صدره غلال
بيذوق الغيض في صدره مثل نار الوقادي

شمّر كفوفك لا لفت حزات الأبطال
طحن الرخوم مثل طحن الرَّحى في البوادي

واسمع ترا كلمة الغر لا تزيد ولا تعتال
الحسود يموت لا شاف زحول الهنادي

والقروم ترقى سنود في صم التلال
والضعيّف يخمخم عيشته من الجوادي

ولا ضاق وقتك فدحم بصفو الرجال
وافلّج صكات الزمن بقدح الزنادي

وانكتب ربي وانعكس هقو الجبال
الذكر يبقى لو ياتي اليوم الي فيه المنادي

دوس 🖋️

[١٤٢٥ۿ @d9y_9]

" مرحبا / 5:21 May

- انا اكره " الوداع " لأنه نهاية شعور تعودنا عليه
نهاية سوالف ، وضحكات وأيام كان فيها الطمانينة
اكره الحظه الي يصير فيها الصمت اطول من الكلام
——— في سياق ذالك يقول ( عبدالله بن عون )

« قدم الموادع — نحسب إنّا قويين
وعند الوداع أثر أضعف الناس حنّا »

[دوس @dosrl0]

يالله يا عالم السر والغيب
عارف خفايا النفس وماتكتمه

جيتك وانا ربح الهنا و المواجيب
والخاسر الباير دروبه تهلكه

أدعيك يا اللي للرجا ما تخيّب
سبحان علمك مادونك احدٍ يدركه

ما هزني الهم وكبر الشنا والمصاعيب
محتزم بربٍ يشق الموج ويفلجه

ماخوفٍ يراودني ولا شك ولا ريب
في ذرى اللي كل عسرٍ يسهّله

دوس 🖋️

[دوس @dosrl0]

لا سقى الله جيتي صوب بيتك يوم جيت
زادت العلة وأنا طارشٍ قضاي شان

يا وليفي كل ما جابك الطاري بكيت
أتذكر صافي الحب منك والحنان

انتحيت لـ نجد عني وأنا عنك انتحيت
كل ما قفى زمانٍ يجي عقبه زمان

والله اني لا اقضي العمر كله ما نسيت
وإن غلاك بداخل الكبد ضاق به المكان

كل ما قلت اقدر الصبر منك ما قويت
مثل مقروعٍ من الماء وهو عاده ضمان

جزت عن غيرك ومن جملة البيض انتهيت
من بدا المشراف ما عاد يقنع بالطمان

جات بي الأقدار للبيت وأنا دريت
جية صارت لروحي عذاب وامتحان

الشاعر / عامر بن نوطان المري الله يرحمه

[ّ @9cveu]

على القلب وسمٍ من غلاته سوات القوس
غدا كنه وسم الدوسري لـ العصا سنه :)

[دوس @dosrl0]

ياذيب لا تحذر من الذيب
كلٍ على راس المعالي راسي

عاده لجيت ف راس المراقيب
اعوي عوا الي يدور لزناتي

ان جيت وحدي قصيب العراقيب
وان جاو ربعي خلو المر حالي

طبعنا نمشي دروب المشاكيب
خوض الوغى فوق فعل المعادي

نكفي ونسقي ضيفنا بالتراحيب
ماخشينا الموت لو هو بادي

دوسرٍ ناطا روس المغاليب
ووسمنا ينعاز في كل البلادي

اكفخ راس علو المشاهيب
ونخوض لجّة الحرب وقت المنادي

دوس 🖋️

[دوس @dosrl0]

@Alshaikh2 جعل اعمارهم طوال ع العز والطاعه الله يحفظ دولتنا وحكامنا .

[دوس @dosrl0]

@z776vu @xrxf66 @z776vu
صح الله لسانكم قصيدٍ جزل ووالله ونعم ياثنين 👏🏽🩵

[دوس @dosrl0]

للحزن ساحاتٍ بصدري مثل ساحات القتال
فيها الاصيل من المهار تعوّد بخيالها

ولا يطفي حر مابي من حرايق وأشتعال
الا الدموع اللي من عيوني يهل هلالها

لازال فيها دمعتينٍ للفراق ولاتزال
ذكرى هنوفٍ كل يوم أحطّها وأشتالها

راحت عسى الله مايلحقني مشاريه الرجال
تقول كنّي ماخلقت من التراب الاّلها

عزّ الله أنّي مانسيت أفعالها بنت الحلال
لعل ربي مايجازيها بسو أفعالها

أكبر جريمه ترتكبها فالهوى من وسع بال
هذي ضحاياها بقلبي شيدوا تمثالها

وشلون تهجرني وأنا مالي على الهجر أحتمال
وشلون تهملني وأنا مانيب أطيق أهمالها

وشلون تقطعني بسيف البعد قطّاع الوصال
وأنا لو أقطع عرق قلبي ماقطعت اوصالها

وشلون ماتشتاق,,ماترحم,,ماتذكر,,ماتسال
وشلون ماتطلق يدينٍ كبلت بأغلالها

وشلون مايطري عليها لاتفيت فالظلال
متشبثٍ لاوقفت جنبه قعد بظلالها

مكسور خاطر والسوال أعووووذ من ذل السوال
ياما أنتظر من برج هاتفها يبث أرسالها

لكنّ مال الآدمي حيله لامن الحظ مال
الميله اللي فال ربي خير له من فالها

هي افقدتني من هنا وأنا فقدت الاتصال
من يوم راحت لارسايلها ولا جوالها

ياقسوة الايام والحظ الردي والاتكال
على مقولة ( للمواقف واللزوم ارجالها )

يالله دخيلك من تردّاية نصيب وشين فال
من حيرة آمري ليت عندي حيلةٍ وأحتالها

أن أرخصت قدري وطاحت قيمتي والهجر طال
قولولها تترك مكابرها وتاخذ بالها

أنا من اللي فوق فوق و فوق فوق و عال عال
تركد ويركد عمّها معها ويركد خالها

لاوصلت للحد هذا لانقاش ولاجدال
تبعد وتنكف الامور دقاقها وجلالها

لو المفارق صعب والنسيان ضرب من الخيال
ارخاي راسي لايروق الها ولايحلالها

احفظ لها قيمة غلاها وأنتظرها من شمال
وإذا نستني هذي الدنيا وهذا حالها

أمّا أني أنساها نسى الله من نسى ذاك القبال
ياااااصبّ روحي صب دلتّها على فنجالها

قولولها لاستخسرت فيني ريالين أتصال
تهدي على ( جمعية الصم البكم ) جوالها

الشاعر الكبير / مدغم بن عايض السبيعي @medghem

[دوس @dosrl0]

يالله ياقادر على بعـث الأمـوات
يا جاعلاً بيـن الأوادم تفـاوت

وغير التفاوت بالهياكل والأصوات
أرزاقهـم و عقولهـم ماتسـاوت

يارب الأرض و يابديع السماوات
فرق هواجيسـاً بقلبـي تخـاوت

وابرج العيـنٍ ماتهنـا بغفـوات
دايم تشاوتها الطواري مشـاوت

وروحٍ يلايمها من الهـم لقـوات
هذا لها أكثر من سنه ماتشـاوت

وقلبٍ يخمنه هواجيسـه أفـوات
مثل الطيور الجارحـه لاتهـاوت

خطراً بعد قلوا إرجـال المـروات
يلذع كما تلـذع فيـوز الكتاوت

الشاعر / عبدالله بن عون العتيبي

[‏᷂عسر٨٨ @Qhta10ni]

ياوجودي وجد عودٍ من الفرقاء حزين
فاقد أخ يعمد الخطايا في ذراه

كل ما شاف المعزين صوبه مقبلين
هلت دموعه ووقف على حنوه عصاه