دوسّـر

عُنفوان زهور الأعمار قافيها المراح

[دوسّـر @dwsr01]

ودّك الرجال يفحص مضامين الكلام
قبل لايهرج يجيبه مثل طلع الثمر

في طريق الصمت حافظ على ربط الحزام
خايف السرعه توديك لنهاية ممر

والله ان بعض المجالس مجّمع للأثام
كنها من كثرة ذنوبها حانة خمر

من يجنب مرتع الشر مالحقه ملام
ومن يذوق المر ماعقبه الا ادهى وامر

عايض العاطفي

[دوسّـر @dwsr01]

سعادة الرجل الكرامه بدنياه
لو ما عليه إلّا سمايل هدومه

ابن جدلان

[دوسّـر @dwsr01]

كم حاجةٍ قلت ما أبيها و انا ابيها
من عزّة النفس والا ذل الاحباطي

خالد مبارك

[دوسّـر @dwsr01]

يا عشير الروح والله مـ ابدّل بك عشير
لو فقد وجهك جماله وعودك سكْبته

المحبه تدخل القلب مثل المستجير
سوّد الله وجه قلبٍ ما يثني ركبته

لهفة الخاطر على شوفتك لهفة غرير
مستحيل يقاوم الشوق مهما يكبته

من عشق مثلك ما فكّر يتوب ويستخير
لين يلقى من جراير حبيبه نكبته

[دوسّـر @dwsr01]

عطتني عزْلة اخلاصي معك نسيان من نادمت
كتبتك و انطوت صحفي عليك و جفّت اقلامي

[دوسّـر @dwsr01]

من عرفني يعرف اني سيده وباموت سيده
ومستعد اغير اصحابي ولا اغير نظامي

من جهلني يمكن يعذرب مزاياي الحميده
مثل حبّي لاعتزال العالم وقلّة كلامي

علي ال صبيح

[دوسّـر @dwsr01]

النفوس تْبين بين التسامي والخضوع
حطّ ميزان المواقف وتعرف ساسها

سعود مبارك

[دوسّـر @dwsr01]

في ليالي العيد تحلى المظاهر و النشيد
و فرق بين الأنفس الخاسره و الرابحه

أعتقد مافيه عيدٍ على الأنفس سعيد
كود نفسٍ في شواطي هواها سابحه

[دوسّـر @dwsr01]

ماني بصوب الكلام الهيّن الهيّن
اللي يقولونه : اللي يستحقونه

الله عطاني وقار الشايب الديّن
اللي مطـاليق عدوانه يحبونه :)

[دوسّـر @dwsr01]

عش حياتك ذيب بين الدّها والانتباه
الرجل توكل حقوقه لا زادت طيبته

محسن بن مترك

[دوسّـر @dwsr01]

يالبيه يـ اللي كل ماقلت لي لبيه
عطيت الهموم ايعاز والضيقه إباده

انا العارف اللي منطقه يربك معاديه
وامامك رهين .. تربكه عين وقلاده

مع الناس صلف الا معك ليه مدري ليه
يجيني شعور ما اعرف .. اميّز ابعاده

لك الخافق اللي مانزل قبلك احد فيه
ولك الدعوه اللي بين مصحف وسجاده

[دوسّـر @dwsr01]

مري على بال القصايد وأغنيك
بيتٍ على فارق قصيدي يبدّا

أنتي سحابة شعر محدٍ يجاريك
ما أنتي بـ شطرٍ في خيالي وعدا

إذا أنكشفت فالسما عز واليك
الأرض تفرح بك وتطرب وتندّى

ما الله جعل لك فالبشر من يحاليك
وما غير حسنك بـ المنايا يفدّى

[دوسّـر @dwsr01]

لعل ربٍ جمع يوسف ويعقوبي
يلمِّني مع حبيبي وأتهنى به

اللي من أجله ما غير أحسّب ذنوبي
والقلب كنّ الدبا الحنان يرعى به

أحتل طيش المشاعر و أخلف اسلوبي
و جميع ما مرني منه أتهجى به

ابن جدلان

[دوسّـر @dwsr01]

القلوب السّود و الوجه الرصاصي
مالها عندي مقام .. ولا شفاعه

و شذبت العرقوب ماهي بـ اختصاصي
دين , مدري مرجله , مدري قناعه

و جعل وجهي ما تسوده المعاصي
و جعلني ما اسوّد وجيه الجماعه (:

[دوسّـر @dwsr01]

تذكر يوم إنك جيتني ياغريب الدار
أبشّر بشوفك كاني أبشّر بمولود

فتحت لك صدري ياحبيبي زرار . . زرار
هذا بيتك وبيت أمك وبيت أبوك العود

و تحتلّني و تحطني دولة أستعمار
و أنا في السعوديه تحت راية إبن سعود

مدغم أبوشيبه

[دوسّـر @dwsr01]

على عيدك مبارك تاقف امال انتظاري سيد
هي اللي كانها ما جات منك مالها شاغر

عبدالله ال لزيوح

[دوسّـر @dwsr01]

عن اسرارنا اللي بينا مستحيل ابوح
انا لي مكاني يا غناتي ولي قدري

ماودي تحاتي حبّنا ياحبيب الروح
انا قبل احبك واحد من بني مدري (:

[دوسّـر @dwsr01]

منتظر لي حلم استقبل جنابه واستضيفه
ونتعانق بالمشاعر ونتصافح بالأيادي

مجتهد وادري حمله منكبي ماهي خفيفه
واطلب الله ما يخيبني على كثر اجتهادي

المعالي تغري الانسان لونها كليفه
والمبادي تجعله يرقى على روس المبادي

[حزمي بن سعد @hazme20154]

تعـلـمـنا من الايات درس و من زمنـا درس
هذا في المصحف شهوده وذا في الواقع شهوده
.
الاول قد حصل لـ النمل والثاني حصل للفرس
مع سليمان وجنوده و مع سلمان وجنوده🇸🇦

[دوسّـر @dwsr01]

يقبل الانسان ما جاه من كفّ الغيوب
الصبر دربٍ تشوف الفرج فـ انهايته

والتشكي للعرب قلة إيمان وعيوب
والتعفف باب عزٍ ترفرف رايته

لا تخاف من الفقر والمصايب والخطوب
دام لك ربٍ تحت قدرته .. واعنايته

اطلب الله يغفر اللي عليك من الذنوب
واطلبه في كل ليله و يوم هدايته