𝐀𝐥-𝐒𝐢𝐧𝐚𝐟𝐢

[𝐀𝐥-𝐒𝐢𝐧𝐚𝐟𝐢 @e2vvil]

اللهم صلِّ وسلم وبارك على نبينا محمد

[𝐀𝐥-𝐒𝐢𝐧𝐚𝐟𝐢 @e2vvil]

مانيب شاكي ضيفتي للمخاليق
اخاف احد يدري بكثري وقلّي

دام الرجال اسرارهم ف الصناديق
مانيب شاكي لو اموت بمحلّي

-سالم بن جخير

[𝐀𝐥-𝐒𝐢𝐧𝐚𝐟𝐢 @e2vvil]

يا زين طبع الركاده .. والأدب والوقار
ويا شين قوم الكبر والجهل وأسلوبهم

كم واحدٍ كنت أظنه من صفوف الكبار
و إذا تـكلم دريت إنه — من صغارهم

[𝐀𝐥-𝐒𝐢𝐧𝐚𝐟𝐢 @e2vvil]

لاضاق صدري من هموم تولاه
وزاد العماس وقام صدري يفوحي

يامعذربين التتن لولاه لولا
لولا شرابه ياعرب وين أروحي

لولا شراب العظم يوم أني أملاه
اكوي به الجمره اويكــوي جروحي

مع دلة صفرا على النار مركـاه
أقصر ابصبتها على كيف روحي

فنجالها يشدي خضاب الخونداه
الجادل اللي عند اهلها طموحي

[𝐀𝐥-𝐒𝐢𝐧𝐚𝐟𝐢 @e2vvil]

" ليلةٍ " فيهـا عـلى قلـبي .. زبنـتي
ليتني غايب هذاك اليوم عنها

كنت أحبـك واستلذك يـوم كـنتي
مهرةٍ ما ضاع من كفي رسنها

إن وزنـتي منطقك وإن مـا وزنـتي
ما لـ عبرات العيون إلا وطنها

الزمن وقف على ذكـراك .. وانـتي
غلطةٍ عيا العمر يدفع ثمنها

[𝐀𝐥-𝐒𝐢𝐧𝐚𝐟𝐢 @e2vvil]

يكفيني أغيب وخاطري ماجاك منه قصور
يكفيك اتذكر كل ليلة لهفة عناقي

تذكر يوم اخليك تباهى كبريا وغرور
يوم اني أتحدى بك وأخيب هقوة الهاقي

تذكر يوم أعذرك وانت لا صادق ولا معذور
ادور لك عذر وأصدقه واكذب أحداقي

تذكر يوم جيت من الحزن متضايق ومكسور
فرشتلك الضلوع وقلت لك ياسيد عشاقي

[𝐀𝐥-𝐒𝐢𝐧𝐚𝐟𝐢 @e2vvil]

يوم أنا عايفٍ فيك العوض والبدايل
بعتني بيعة اللي سامحٍ من حلاله

—بندر الدويش

[𝐀𝐥-𝐒𝐢𝐧𝐚𝐟𝐢 @e2vvil]

كل ماصديت منه قرب دونه
وكل ماقرّبت منه قال مابي

اطرقٍ لبى السحى اللي في عيونه
هو سبب شوقي وهو سبّة عذابي

- علي الدعيه

[𝐀𝐥-𝐒𝐢𝐧𝐚𝐟𝐢 @e2vvil]

@Fars511q شرعت بيبان صدري هبوب الذكريات
كل ماكني تشاليت منك تهبني

وكل ماقلت اتماسك واحاول فـ الثبات
مرني طيفك ودنق علي يحبني

- ناصر الحمادين

[𝐀𝐥-𝐒𝐢𝐧𝐚𝐟𝐢 @e2vvil]

ياوليفي كل ماجابك الطاري بكيت
أتذكر صافي الحب منك والحنان

والله أن أقضي العمر كله ما نسيت
وإن غلاك بداخل الكبد ضاق به المكان

كل ماقلت أقدر أصبر منك ما قويت
مثل مقروع من الماء وهو عاده ضمان

جزت من غيرك ومن جملة البيض انتهيت
من بدا المشراف .. ما عاد يقنع بالطمان !

ابن نوطان

[𝐀𝐥-𝐒𝐢𝐧𝐚𝐟𝐢 @e2vvil]

ياوليفي كل ماجابك الطاري بكيت
أتذكر صافي الحب منك والحنان"
- عامر بن نوطان

هذا البيت تدمع له العين صراحه ذا قال خالد عون

[𝐀𝐥-𝐒𝐢𝐧𝐚𝐟𝐢 @e2vvil]

انتيِ بوجه " السبيعي " وايسر ضلّوعه
سمي على قلبه . . ونامي على ذراعّـه :)

[𝐀𝐥-𝐒𝐢𝐧𝐚𝐟𝐢 @e2vvil]

ساعة قريت رماح باللوحة يمين
اديت لـ سبيع ابن عامر تحيه

رماح دار سبيع وسبيع غالين
تاريخهم تفخر به الأبجدية

سيوف من وحد بلاده على الدين
واغلب رجال الدعود الفيصليه

قد قالها قبلي ملوك وسلاطين
واوراق فأماره بنجد العذيه .

[𝐀𝐥-𝐒𝐢𝐧𝐚𝐟𝐢 @e2vvil]

لاشفتهـا جاني عن الهرج صـادوف
ما غير أهز الراس ��ثل الخواجه

لافي الغيداني

[𝐀𝐥-𝐒𝐢𝐧𝐚𝐟𝐢 @e2vvil]

شرعت بيبان صدري هبوب الذكريات
كل ماكني تشاليت منك تهبني

وكل ماقلت اتماسك واحاول فـ الثبات
مرني طيفك ودنق علي يحبني

- ناصر الحمادين

[𝐀𝐥-𝐒𝐢𝐧𝐚𝐟𝐢 @e2vvil]

@FHD____Q8 ابرك من الهوبال في صحصح البيد
جعل الجرب ياكل جنوب المطايا

😂😂😂

[𝐀𝐥-𝐒𝐢𝐧𝐚𝐟𝐢 @e2vvil]

تناقض فارس الحشار يوم يقول :

يابو سعود المحبّه فاقه وفاقه
ترا البنيات ماتنفع محبتها

أليا بغيت المحبه حب لك ناقه
اللي تمادا على خشتك خشتها

وعقبها قال :

من ذاق له مضحاه عند اتلع الجيد
نهار لعب مقرمزات ��لشفايا

ابرك من الهوبال في صحصح البيد
جعل الجرب ياكل جنوب المطايا

[𝐀𝐥-𝐒𝐢𝐧𝐚𝐟𝐢 @e2vvil]

بين حب الجواب وبين كره السؤال
القلب لو تاه ما ينزل عليه الوحي

لازلت قد الفراق وقد حلو الوصال
لو المفارق مصيبه والوصال أريحي

يا زين والطق في موت المشاعر حلال
إلى متى وأنت لا مقبل ولا منتحي؟

يا مقربك لو دعيتك بس كلمة تعال
أثقل على خاطري من حاجة المستحي

[𝐀𝐥-𝐒𝐢𝐧𝐚𝐟𝐢 @e2vvil]

لاشفت المعاتب قلّ حاول تروح هناك
أنا لا وصلت لمرحلة " صمت " فارقني !

_ صالح النشيرا وانا(:

[𝐀𝐥-𝐒𝐢𝐧𝐚𝐟𝐢 @e2vvil]

وشلون اشوفك واعامل لهفتي بـ اعتدال
والداهيه .. لو يشوفك راح في داهيه :)

[𝐀𝐥-𝐒𝐢𝐧𝐚𝐟𝐢 @e2vvil]

إنثنى من دونه الحظ واللي كان كان
ودارت الدنيا علينا مثل دور الرحا

إنمحا اللي كان بيني وبينه من زمان
بس حبه مثل ماهو وعيا ما انمحا ..