ℛ𝟗

قلبي خويّي.. ما لقلبي معازيب

[ℛ𝟗 @e9_raa]

يدبر أمرك بينما أنت تحارب قلقك، بينما أنت غارق في أفكارك، بينما تخشى وقوع مخاوِفك، بينما أنت تسعى خلف رغباتك، بينما أنت في تمام الضياع ويقين الرجوع يدبر أمرك لأنه أعلم منك بحالك."

[ℛ𝟗 @e9_raa]

1. Aug .2026 ❣️

[ℛ𝟗 @e9_raa]

سلام الله عليك من أول الدنيا ليوم الدين
يابو قلبٍ حنانه يستتر بالمظهر القاسي

أعرفك زين وأدري انك حبيبي وتعرفني زين
ولو كل بداٍ لـ الثاني انه صار متناسي

[ℛ𝟗 @e9_raa]

كيف ارسمك واترجم احساسي حروف
والصمت لــه معنى وصمتي كــلاما ..

[عمر الوهيطي @whe6i_]

نقض ليل الشتاء قافٍ من .. لحون البطا مفتول
وصحى جرحي على صوت الرقيبه يوم مشذوبه

على صدك ملامة خافقي .. يا فكري المشغول
لو ان عذرك سمين و كلمتك عذبه و محسوبه

يمّر الليل .. و يطل النهار .. بـ وجهه المخذول
وانا اللي كن عيونه عن شعاع الشمس محجوبه

اغامر .. و اتمنى .. و " الاماني سيفها مسلول "
واداري دمعةٍ من ضحكة محياي منهوبه ..

ياملهوف الحشا مدري مِن القاتل مَن المقتول
ما دام ان وصلك عقوبة مثل ما هجرك عقوبة

حبيبي والله اني .. بين ضيق .. وبين قِل حلول
سوات اللي كلاه الهمّ من .. " راسه لـ عرقوبة "

عزاي ان ما بقى لي غير صوتك فـ الضمير يجول
وآكابر ، و اجحد جروحي معه ، و امجد عيوبه

وكثر ما كنت اماري في عيونك واشقر المجدول
اوصيّ، كل عاشق لا يبكي عين .. محبوبه ):

يقولون الليالي تطوي الماضي طوي واقول ؟
انا للحين اضيع ان ذعذع النسناس من صوبه

تدور أوهام .. وصله كل ليلة .. لين دار الحول
ونار الشوق كنها من ضلوع الصدر محطوبة

فراغات السطور اللي تهيّب عقلي المذهول
تجرّي كل كلمة من شعور الصدق مسلوبه

عسى عامٍ تجلى به ثغرك وهرجك المعسول
فدا ليلٍ بعده تدور .. الغفران و التوبة

انا من علق فـ صدرك قصيده " وزنها من لول "
( كتبها ) والزمان يقول له .. ( ماهيب مكتوبة )

[ℛ𝟗 @e9_raa]

عيدك مبارك يا حلي وداري واغترابي
لا حياة إلا معك لو كانت حياتي بدونك
كانك من اخطائي خطاي أجمل من صوابي
الخطأ محبتي لك ولا الخطا في جنونك؟
راضي أعيشك أمل واطرد بإنتظارك سرابي
لو ربيعي وسط دياري مجدبة بترقب مزونك
غلاك بعمري زهرة أرق من زهرة شبابي
ولا أرق من الزهور إلا عيد به عيونك

[مزهـاف @iioxrs]

سليلة كبار ومجدهم ما يبا الايضاح
نجيبة حرار وحرتن من بطن حرّه

تومّي بقلبي مثل طيرن على الملواح
وانا ما بعد سلمت قلبي لاحد مررره

اجيها علي هموم وارجع وانا مرتاح
كبار المشاكل عقبها اصغر من الذره

لو اجي لها والهم كنه حصاة رزاح
تفاهق همومي مثل ما تفهق الغرّه
—عبدالله السيحاني

[ℛ𝟗 @e9_raa]

أرتوي من عز نفسي و إنفرادي
ولا سألت الغيم عن برق ورعد

غيمتي راسي و مرباعي فؤادي
وما يقل الفيض لو طال الأمد

في غيابي بأس و عنادي بلادي
وفي حضوري يغتـرب مني بلد

رافع قدري عن قصار الأيادي
فوق عرشٍ ما يطوله أي أحد

من بغاني سقت له عذب الودّادي
و من تركني قلت له .. درب السعد .

[ℛ𝟗 @e9_raa]

"أسرجت ظلِّي في مسافات الغياب
ولا أدري أنا الراحل؟ ولا الأثر سراب

[عبدالله السرحاني @abduallh_h1]

كل فزة شمس، أهدي لك قصيدة
خايف إنك ، عن حياتي .. تغربين

ولو تغيب الشمس، تبقين الوحيدة
مشُرقة، تسطع على روحي ، وتبين

ما أبي في دنيتي ، شمسٍ جديدة
بس أبيك ، أنتِ بعمري تشرقين

مشرقك يمحي ، مواجيعٍ شديدة
ومغربك جرحي .. وآلام السنين !

عبدالله السرحاني

[ℛ𝟗 @e9_raa]

كل عام وأنتم بخير وعافية يارب
الله يجعلنا من صوامه وقوامه ويتقبل منا ومنكم صالح الأعمال 🌷

[أخبار السعودية @SaudiNews50]

عاجل:

رؤية هلال رمضان في تمير..
وغدا الأربعاء أول أيام رمضان بالسعودية .

[ℛ𝟗 @e9_raa]

عـسى لي أثر طيّب ومواقف وذكرى خير
و نفـسٍ تنّـول اللي اتمـناه يـاربي

ولا تبتليني بالسعي في نصيب الغـير
ولا تضيّـع سنيـني وأنا ادور لطبي

وهبّ لي بصيره ما توردنّي التقصير
تميز قلوب النـاس في كرهي و حبي

ونورنيّ أشوف الحقيقه مثل ما تصير
أنا اشوف الاشياء مثل ما يشتهي قلبي❣️

[ℛ𝟗 @e9_raa]

عساه عامٍ تقبل علينا السحايب — و بوجهنا
الأفراح ما تقفيّ ، آمييين

[ℛ𝟗 @e9_raa]

عشرتك ماهيب منسيّة ولا مسليّة
وين ما أحوّل تحوّل وين ما أرقى ترقى

عاد صوتك فـ أذني . . و عاده ألذّ أغنية
عادها طيوفك تخاطفني لا ناحت الورقا

و عاد صورتك بـ رموش الذاكرة محميّة
و عاد في قدرك مقادير الأوادم غرقا❣️

[ℛ𝟗 @e9_raa]

أنت يا روح القصايد ويا ملح البيوت
يا الهوى اللي كل ماصد عنْه يفرّني

كل ما جيت أكتب أبيات ولا أجرّ صوت
اتـّجـه لك كنّ سلك الحرير يجرّني

لك علي أنّي ماحطك على لسان الشموت
و لي عليك أن كان صدرك تضايق مرني

[ℛ𝟗 @e9_raa]

جعل غيمٍ يوسّع خاطرك ، ما يزول
وجعل كل الليالي فيك .. متباركه ❣️

- ناصر مناحي .

[ℛ𝟗 @e9_raa]

غنّت الأرض و الطاري لا ذعذع نسيمه
قمت اغنيك ، و الشتويه أول شهرها

يا عسى كل ماشدّيت . . تلحقك ديمه
وين ماجيت لك ديره ترشرش مطرها

[ℛ𝟗 @e9_raa]

يارب لو خاب التعب ما قصر حدود الطموح
لا بد من يوم أنتهض — وأجاور النجم بسماه

[ℛ𝟗 @e9_raa]

وغيّرت وجهات نظري في كل شي .. أمّا غلاك؟
وجهة نظر « باعيش واموت » ما غيّرتها
❣️

[ℛ𝟗 @e9_raa]

من أيامنا وش عاد باقي من الاعمار
اذا منت مداوي جروحي لاتجرحني

[ℛ𝟗 @e9_raa]

لاهان الغلا في نظرتك وش بقى ماهان ؟
تفقّد حبيبي قلبك اللي بهَت لونه

خسرتك وصبري عنك ماكان بالإمكان
لا زالت حياتي في مواصلك مرهونه

أجامل بعض الأحيان وأزعل بعض الأحيان
وأعيش الصراع الذاتي اللي يقولونه

إذا فيه أحد ممكن عليه الشعور يبان
" أنا والله إللي يعرفونه من عيونه "