Eslam Nouh

عايش في عالم اللاشئ وبحاول الاقي هنا اي شئ

[Amr Fahmy عمرو فهمي @AmrFahmy2007]

ريتويت ياجماعة يمكن نكون سبب إن السماعة دي ترجع
ولاحولا ولاقوة الا بالله

[آلَآء @alaa_shahwan99]

اللينك اللي فوق حطيتو غلط

https://t.co/ddVRF3BmXe

[صلاح بديوي @bedewi110]

دكتور نسا ف مستشفى النور الخيرية في المطرية ، فاتح بطن مريضة و بيولدها قيصري ، فجأة المستشفى حصل فيها حريقة و ولعت وهو شغال وكله جرى ينجو بحياته ..
وفي وسط ريحه الدخان وأصوات الهلع و الرعب اللي حواليه في كل مكان كان الراجل دا علي قدر عالي من الثبات و التركيز و المهاره السريعه فإنه يكمل عمليته و يولد الست ويخرج بيها علي بالتولي علي إيده هى والجنين بسلام من قلب الحريق العنيف اللى تسبب في وفاة 3 آخرين رحمات الله تغشاهم وتقبلهم الله من الشهداء ..

و بما إن الراجل دا مأخدتش أبسط حقوقه من رد الجميل بكلمه شكر ولا إعلام سلط الضوء عليه كنموذج مشرف مش ترايندات الهايفة اللي بيجروا وراها ، فإحنا بنوجه له كل الشكر و العرفان

للدكتور / علي الدسوقي
أستاذ النساء و التوليد بمستشفي الحسين الجامعي🤍❤️ نموذج مشرف ونفتخر بية جميعا ونمبر وان الحقيقي 🤍💙🤍💙🤍💙

[Aｍ尺⚡ @EngAmr2000]

الراجل الطيب ده اسمه حسين
فجأة الدنيا لفت بيه وعمل حادثة فضل يتعالج منها سبع سنين وفي الاخر رجله تم بترها وخسر كل فلوسه وبقى شغال في الشارع عشان يصرف على بيته

حسين مبيعرفش يستسلم وقال حتى لو نصي مقطوع هكمل عشان ولاده مالك اللي عنده عشر سنين وعمار اللي عنده خمس سنين وبيقول انه رغم اللي حصله لكنه نزل واشتغل اي حاجة عشان يجيب قرش حلال
​
بيحكي ان اللي حصل في رجله كان بسبب تشخيص غلط من دكتور بعد كسر بسيط وبدل ما يعالجه بوظله رجله واضطروا يقطعوها من فوق الركبة ورغم كل ده بيقول الحمد لله وراضي بقضاء ربنا وشايف ان الستر هو اهم حاجة
​
عم حسين مركب طرف صناعي جابه بمساعدة فاعل خير ومطلع بطاقة خدمات متكاملة وبيدفع تلات الاف جنيه ايجار شقة غير فواتير الكهربا والمية والغاز وبيقول ان الحركة بالطرف الصناعي متعبة جدا
​
اكتر حاجة بيتمناها دلوقتي سكوتر كهربا وبيشتغل عشان يحوش تمنه ويقدر يشتريه
عشان يسهل عليه الشغل والحركة لان المشي بيتعبه جدا ومبيقدرش يكمل طول اليوم

الله يرزقه من فضله ويرزق كل واحد بيسعى وشقيان 🤲

- تقرير حازم عبد الصمد

[Dalia gamil @daliagamil2009]

روحت اتبرع لمستشفى أبو الريش للأطفال ، وأول ما وصلت شفت طفل متكفن ، يجى أربع أو خمس سنين من طوله على إيد باباه ، وواحد مستنيه بموتوسيكل ، ومامته بتجرى وراه ومعاها واحدة ، بيقولوا لو ملقناش ميكروباص هنتصرف ونيجى ، وفضلوا يجروا في الشارع ورا الموتوسيكل ، اللى هو مفيش تاكسى ياخدوا ابنهم فيه ، مش معاهم فلوس ..

وأنا اتسمرت مش فاهم حاجة ، وفهمت بعدها من واحدة كانت واقفة جنبى طفلة يجى ١٢ سنة ..

قالتلى: ده كان داخل على رجله ، واتوفى ، مامته كانت بتقول كدة وهى بتصرخ ..

لهجتها صعيدية ، قالتلى أنا من أسوان ، بس لينا قرايبنا قاعدين عندهم ، جه أخوها يجى تلات سنين ، لقيت فى إيده كانيولا يا حبيبى ، وواقف جنبها الولد حافى ..

أى وقت بالليل تعدى جنب سور المستشفى ، هتلاقوا ناس نايمة في الشارع ؛ دول أهل الأطفال اللى جوه مش معاهم إمكانيات يأجروا مكان يباتوا فيه ؛ فبيناموا في الشارع

وكمان ساعات يندهوا على أهل الطفل ، محتاجين لبن .. محتاجين دواء .. يعنى منتهى الذل ..

دخلونا للمدير الإدارى ، الراجل رحب بينا ، وجاب لنا مدير الخدمة الاجتماعية ، طلعنا مكتبه وجاب ملف فيه حالات محتاجة ..

أطفال محتاجة علب لبن ، ومفيش إمكانية ، يعنى ممكن يموتوا عشان مفيش لبن ..

طفله عندها ٨٠ يوم ، عاوزة أنبوبة أكسجين ،، ومفيش إمكانية ، وأهلها بيلفوا يدورا على حد يسلفهم ..

طفل محتاج دوا بألف جنيه ، وحالته خطيرة ، مش مع المستشفى غير ٢٠٠ جنيه ، وكمان تبرعات ..

وحالات كتيييييير مش قادر أوصفها ، بس دول اللى فاكرهم ..

المستشفى فيها أورام وقلب مفتوح وفشل كلوى ،

فبقوله: يا فندم ليه مش عامليين دعايا ؟!

قال لي: احنا مش معانا نصرف على الدعايا ..

التبرع إنك تساهم فى علاج حالة ، أو تتكلف بروشتة ، وهما يبلغوك محتاجين كام ؟؟

أو تعين أسر فقيرة مش لاقية تاكل ، وليها حالات عندهم ..

فيه أسر جاية من أدغال مصر ، وفى أسرة مش معاها موبايل ، متخيليين إنهم قاعدين في الشارع ، عشان لو حصل حاجه محدش هيعرف يوصلهم ..

أى جنيه بتدفعوا بيبعتوا عالواتس صورة بالفاتورة ،

الراجل قال: إحنا هنا بفضل ربنا ، وتبرعاتكم هى اللى ساندانا ..

انا مكنتش ناوي خااااالص أقول لحد ، بس بعد اللى شفته بعينى ، وأد ايه الناس دى محتاجة ومحدش يعرف عنهم حاجة ..

دول أطفال بتموت ، وأطفال فى حضانات ، وأطفال عندها أورام ، واللى عندها أيام وتموت ، وأطفال صمامتها مسدودة ، وعندها أكتر من ثقب ، وأمهات شفتها شايلة عيالها صغيرييييين ، وفى إيديهم الكانيولا ، كنت عاوز أبكي جنبهم ..

حمدت ربنا على كل نعمة مش حاسين بيها ، وإن الحمد لله أولادي كويسين ..

ربنا يجيرهم فى مصائبهم ..

لو كل واحد فينا أقل الايمان ، خد خمسين جنيه وراح هناك ، أقسم بالله ممكن تنقذ طفل ،

احنا بنشترى تفاهات كل يوم ، وكولا وشيبسي وشوكولاته وبناكل بأكتر من كده ، أكننا مش هناكل من بره يوم ..

ممكن كل كام واحد أو واحدة وصحابهم ، يلموا من بعض ويتصدقوا كل شهر هناك ، وخلوا كل مرة نية حلوة للصدقة الجميلة دى ..

مرة تنجح ، مرة تتجوز ، مرة يطول فى عمر أهلك ، مرة لمتوفى، والله والله ربنا اكرم مننا ؟ احنا اللى محتاجين ده مش هما ..

طولت عليكم وياريت تعملوا شير ؛ عشان الكل يشوفوا

إبداء بنفسك وساعد غيرك ..

مستشفى أبو الريش للأطفال ، فيها اطفال بتموت عشان أهلهم مش معاهم ٥٠ جنيه يجيبوا علاج ..

اللي عاوز يتبرع يروح بنفسه، ويجيبلهم علاج أو دم أو يتبرع فى حسابهم فى بنك ناصر الاجتماعي وفيه وسيلة سهلة للتبرع عن طريق خدمة فوري ..

المستشفى معندهاش فلوس ؛ علشان تعمل دعاية زى مستشفى 57 أو مجدي يعقوب ، فخلينا احنا نبقى الدعاية بتاعتها ......

شير فى الخير ..

عايزين نشير علشان الناس تساعد ....

والخير دوار ... شير فى الخير

دعوة للتبرع لمستشفى أبو الريش للأطفال ..

ربنا يتقبل ..

لا تستصغروا فعل الخير .. فربما كانت هي المنجية ..

( علي فكرا احنا نقدر نعمل احسن اعلان للمستشفي دي نحط الكلام دا ف جروبات وع صفحات دا لو مش هتقدر تتبرع ليها غيرك ممكن يشوف الكلام دا وربنا يقدروا ويساعد
#مستشفى_ابو_الريش_للاطفال
منقول

[Aｍ尺⚡ @EngAmr2000]

الموقف ده حصل مع المذيع أحمد جمال وكانت بطلته ست مصرية أصيلة اسمها مدام نادية

​مدام نادية بتشتغل من بيتها وعندها مشروع صغير للأكل البيتي بتسعى منه بالحلال وعاملة صفحة اسمها طبخي وأفكاري

​هي كانت نازلة رايحة تسلم أوردر فيه خمس وجبات مكرونة وبانيه وكفتة تكلفته ٥٠٠ جنيه

بعد ما جهزت الأكل وتعبت فيه وكلفته وراحت لحد العنوان العميل قفل تليفونه وكنسل الأوردر ورفض يستلم الأكل

​وقفت في الشارع ماسكة الأكل في إيدها ومصدومة من اللي حصل لكن نصيبها الجميل خلّى المذيع يشوفها ويسألها عن سبب زعلها وحكتله اللي حصل

​المذيع فتح الأكل قدام الكاميرا وشاف نضافته وجودته ، وجبة محترمة جدا بـ ١٠٠ جنيه واستغرب إزاي ست محترمة زي دي بتشتغل وتتعب عشان تساعد أسرتها بالحلال بقى لها ٥ سنين صفحتها فيها ٥ آلاف متابع بس !

في حين إن ناس تانية بتعمل حاجات ملهاش قيمة وتوصل للملايين في كام شهر

​وعشان يجبر بخاطرها اشترى منها الأوردر بالكامل وطلب من كل الناس ودعاهم يدعموا صفحتها ويقفوا جنب الست الجدعة دي

​"وَاللَّهُ يَرْزُقُ مَنْ يَشَاءُ بِغَيْرِ حِسَابٍ"

[🦅🦅Noura Al-Hakim @hkem_el]

حاله انسانيه صعبه جدا جدا شوفتها بالصدفه قولت انزلها يمكن يكون حد مننا ربنا جعله سبب ان مشكلتها تتحل وتحقق حلمها
دي الطفله ندى محمود شافعي من بني سويف عندها تليف رئوي وضعف في عضلة القلب عايشة على جهاز تنفسي بتشيله على كتفها هى لا بتطلب مساعده ماليه ولا شىء هي بس بتطلب تتعلم والدها بيقول رغم حرصها على الدراسة إلا انها بتسقط لغيابها عن التقييمات
اسرتها بتناشد مديرية التعليم بمراعاة ظروفها
لان البنت نفسها تتعلم اتمنى صوتها يوصل للوزارة وتراعي ظروفها

[Eslam Nouh @e_noh]

@Elsayedelmorr ربنا يسعدك يارب

[Eslam Nouh @e_noh]

@bassemelnour @SwvlEgypt حصلت معايا من سنتين وفضلت انا ومراتي واقفين علي الطريق الساعه 9 بليل
حاجه قمة قلة الأدب

[𝓐𝔅𝔇𝔈𝔈𝔑 @aabdeen24]

ست مصرية بتودع جارتها السودانية

أهل #مصر و #السودان الحقيقيين مش لجان الموساد إللى على السوشيال ميديا.

[محمد المصطفىٰ @MohamedlMostafa]

#مأساة_إنسانية.. الشقيقان «أمير وعمرو» من #ذوي_التوحد، يعيشان بلا عائل بعد رحيل والديهما ويتعرضان للاستغلال وتم سرقة شقتهما -بالكامل- تقريبًا (ناس بتطلع تخبط تديهم أي فلوس وياخدوا اللي في الشقة، وطبعًا غير ان وجودهم وحدهم بيعرضهم لكوارث ممكن تطولهم ومَن حولهم، لأنهم ربنا يحفظهم مش بيبقوا مدركين اخطار تصرفاتهم بحكم حالتهم)

الفيديو بيطلب مساعدة تدخلهم دار رعاية متخصصة، وبيطلب صرف معاشهم لانهم مش عارفين يصرفوه بسبب صعوبة الاجراءات

[Sherin Helal @sherinhelal555]

دي ست مصرية قررت تكافح وتفتح باب رزق ليها وفتحت مطعم فعلا من اسبوعين بالظبط، لكنها خرجت في فيديو بتبكي بسبب إن البيع قليل والإيجار غالي وقرب إنها تدفعه ومفيش دخل يغطي الإيجار حتي لحد دلوقتي

وده عنوانها امبابه- أرض الجمعيه - شارع الظافر - الترسانه
وده رقم تليفونها 01288051800
أتمني القريب من عنوانها يساعدها ويطلب من المطعم
Salma Flavors ودي لينك البيدج بتاعتها

https://t.co/ZiCQtgkkgA

[Mohamed 3nan @3nan_ma]

كارثة تانية من اللى مش راضين يخلصوا ،انقذوا البنت دى .. البنت حرفيا مدمرة وشها متشوه وعنيها ضايعه من الضرب ،موجودة مع الراجل ده في وش كارفور الهانوفيل وهو بيقول بنته ومامتها ماتت من 5 أيام ومستحيل يكون ده كلام حقيقى، الله اعلم البنت ممكن يكون بيحصل فيها ايه، ياريت حد من المسؤولين يتدخل انقذوا البنت… الناس لما حاولوا ياخدوا البنت أخدها وجرى..!!

@moiegy @MOSS_Egypt

[Mohamed 3nan @3nan_ma]

هل ده يرضي ربنا واحده تنطرد وتنام فى الشارع وتبقي معرضة للخطر هي وابنها بالشكل ده …. حماتها رمياها فى الشارع هى وابنها زى ماانتوا شايفين ..

شيماء ابوالفتوح 31 سنه ومعاها طفل اسمه إياد 6 سنين من وادى النطرون بالبحيرة متجوزة بالإسكندرية وجوزها اتحبس فى قضية مخد..رات .

واضح الطفل فى المدرسة لانه نايم على شنطة المدرسة وهدومهم جنبهم هى لا عارفه تروح ولا عارفه حد تانى فى اسكندريه نامت فى الشارع هى وابنها عند مسجد القائد ابراهيم عند رصيف مسرح عبدالمنعم رياض .. نتمنى حد يساعدها يا @MOSS_Egypt ولا انتم تخصص ضيوف السيسي

@Amradib
وانتم @CabinetEgy مش هتبطلوا تصيف وترجعوا تشوفوا شغلكم ؟!

[موكشا @yrfvm7md]

انتو ازاي عايشين من غير السحر ده
بص يمعلم لو بتلعب اي لعبة على الموبايل او بتستخدم برامج وكل دقيقتين يطلعلك اعلان يفصلك وتضطر تستنى 30 ثانية فانا لاقيت حل فشيخ هو بصراحه مش بتاعي بس لما جربتو واشتغل قولت انقله ليكم
هتدخل الاعدادات عندك وتكتب في البحث فوق private dns او dns الخاص هيظهرلك اختيار ادخله ، واختار اخر واحده غالبا هتكون مكتوبه custom dns وهتكتب الجمله اللي هحطهالك ف الربلاي بالنص هسيبهالك عشان تنسخها
وارجع افتح اي لعبه او اي تطبيق اعلاناته مزعجه هتلاقيها اختفت تماما كأنك شاري نسخه مدفوعه ولا برامج حجب اعلانات ولا غيره

[Moaz @muminbiallah]

📌 منقول لو حد يقدر يفيده

اتعمل لمعظم التيم layoff
من شهرين و انا متجوز و عليا مسئوليات و بدور علي اي فرصه
Senior Full-Stack Developer (php laravel & vuejs) 6 years experience

ال CV:
https://t.co/LJaiRIu5l4

[Aｍ尺⚡ @EngAmr2000]

اللي شايفينها قدامكم دي بنت اسمها عالية بتحكي إنها عملت عملية من حوالي 3 سنين، ولكن للأسف العملية أتعملت غلط وسببتلها عاهة مستديمة كارثية ، وهي عدم القدرة على التحكم في وسيلة الإخراج

عالية المفروض كانت تخرج من العملية وتعيش وتكمل حياتها، ولكن بالعكس.. حياتها اتدمرت أكتر وأكتر بدون أي ذنب غير أنها وثقت في الطبيب الغلط

رفعت قضية على الدكتور، وأخد حكم بالحبس سنة مع الشغل والنفاذ، ولكن لم يتم تنفيذ الحكم لحد الآن لأن الدكتور هربان..

عالية قالت إنها بقالها سنين بتعاني في حياتها، ودلوقتي بتاخد جلسات علاج طبيعي، ولكن بتشتغل كـ مسكن للوضع الصحي فقط.. والعلاج بتاع عالية عبارة عن صمام بيتركب، بس للأسف الصمام والعملية مكلفين جدًااا

وقالت إنها لجأت للتأمين الصحي، ولكن اكتشفت إن التأمين مش هيتكفل بالعملية فلجأت أنها تعمل العملية على نفقة الدولة ولكن برضو منفعش !!
وهي كل اللي بتناشد بيه ، أنها نفسها تعمل العملية وتعيش عادي زي باقي الناس

ربنا يشفيها ويعافيها ويشفي كل مريض

- منقول

[Eslam Nouh @e_noh]

حاسس اني هموت بسبب الشغل ده والله
كمية عبث وتخلف مش طبيعية

[Eslam Nouh @e_noh]

@7azem122 هون علي نفسك وهونها عليه
هي مش مقياس علي النجاح في الدنيا خااالص الاجتهاد ربنا عمره ما هيضيعه أن شاءالله الخير كله ليه في المستقبل