خلوها .

عامل الناس مثل ماتحب ان يعاملك الله "

[محمد المقحم @mohamed6290]

عَزم الرَجل ما يَظهر إلا عند زَرقات السهوم
وإلا الرخا حتى الهَنوف تهوش دون إخوانها

وصل العطياني

[محسن بن مترك @aprvip]

صاير لي وقت فيني من العالم نفور
واجتماع الناس معاد احبه وهتويه

سر صدري له حمايه وله كلمة مرور
برمجت نقالت الهرج ماتقدر عليه

ماقدر يفتح لـ صمتي من ادراجه عبور
الا مستثنى مكانه ،، ونّصٌ ،، ومايليه

حرر سكوتي سؤال وسطر بين السطور
فيه ليه وكلمتين وعلامه بعد ( ليه ؟ )

ان قدرت احذف همومي ورى سبع البحور
ماقدرت اخفي الملامح عن عيون النبيه

يارفيقي وانت تعرف ماني راعي غرور
ليه تزعلني وانا صدري الي فيه فيه

كان منت بـ داري اني بـ معرفتك فخور
سود الله وجه ضنك على مايحتويه

لا تعاتبني على الصده وقل الظهور
ولا تناقشني على شي مابيه وتبيه

يستلذون الغياب ويعافون الحضور
كل ذو عقل مفكر وذو راي وجيه

ادري انك منصح وكل زور فيه شور
وتدري اني لا ابسط كفوف ولا اعبد وجيه

مغنيتني عزة النفس عن كل معثور
وعن مكان مايليق بـ مقامي يوم اجيه

لا اعتلى صوت النفاق وصدح صوت الفجور
وبتدا ضحك المنافق وتطبيل السفيه

صد قلبي صدة الطيب الي مايبور
لين بار الوقت في سعيه وبارو ذويه

مكتفي عن مجلس مهرج ونقال زور
برفقت اهل العرف والراي والعرض النزيه )؛