َٰ

براءة الطّفل المدلل ورجاحة العقل الثقيل .

[َٰ @eilr___]

مابقى من راس مالي غير . . راسي
" راسي اللي فدوته كل ماخسرته " .

[َٰ @eilr___]

أنتي أخير ماجابت بطون الليالي
واهني من يعرّب فيك منسب عياله

[َٰ @eilr___]

باب أبوك اللي يطقونه طوال العمار
واهني من قام حظه وجاكم طارقه

كنت أبيه ومن سبقني بحسن الأختيار
والله ان حظه قوي والسعد ما فارقه

شبه وضحاً في كنف من يحطون الهجار
فوق خد اللي لـ قلب أخو بدوا سارقه

تيّهوها فـ الصياهد مرب أم الحوار
وعمّقوها لين صارت علامه فارقه

عناد القثامي

[َٰ @eilr___]

في قلبي شلون بلقى للأوادم مكان ؟
وانتي مليتي فراغه .. بـ الغلا من إلى !

[َٰ @eilr___]

ولا وجهك له أشباه ولا زولك شبية لزول
ولا صوتٍ سوى صوتك تفززني تراحيبه

[َٰ @eilr___]

" منتِ وجهٍ يعاف ولا أنتِ صوتٍ يمَل
أنتِ من تتعب الارواح لـ اسعادك

ليلةٍ في محيّاها القمر مكتمل
لايق تكون ليلة يوم ميلادك "🤍

[َٰ @eilr___]

- يامرحبا ومسهلا ، وبعد
"كل سبل الأرض لا تقف أمام خير كتبه اللّٰه لك"

ويقول فيها الشاعر /
" توكل على اللّٰه ، واترك الهم والوسواس
لا خاب الرجا بالناس ، ما خاب عند الله"

[َٰ @eilr___]

«لو تجوب البسيطه و تعبر ما بين دار و دار
ما تلقى مثل قلبي لو تشوف عيونك اشباهي»
- فهد بن بجاد

[َٰ @eilr___]

- السلام الداخلي يبدأ من نقطة واحدة
" اعتزال من لا يوالف قلبك"

وقيل في ذلك/
"صدتي عن بعض خلق الله غنيمة
مايوالف قلبي القلب المصدي"

[َٰ @eilr___]

أنتي من يومك أعجوبه ونسلك نسل حور
ما تعدّوك العذارى .. مشي ولا حبي❣️

[َٰ @eilr___]

انتي عن الذل والحقران مرفوعه
والناس في خدمتك ورضاك طماَّعه

سمي وقولي ترىٰ كلمتك مسموعه
واليا سكتي نقول السمع والطاعه

اهم شي التعب والضيقه واللوعه
لايرتدي وجهك الوضّاح وشعاعه❣️

[َٰ @eilr___]

عقِب ما ضاقت بي الوسيعة
أسألك الفرج يا ربّ

[َٰ @eilr___]

ماشبّهتْك امّك على قايد الغيد
الّا انّ مالك فـ المخاليق ، شروى

ماسمّتك صدفه على جافل الصيد
شافت ظبي فـ عيونك ، وشافت أروى

ترعى فياض الواسعات المساويد
وبالوارفات مْن الرموش اتّذروى

انا بجاه الله تعالى من الكيد
وبجاه من عنْه الاحاديث تروى .

[َٰ @eilr___]

حمدتك على خير وحمدتك على مكروه
وسبحانك اللي — لا ألتجى عبدك أنصفته

[َٰ @eilr___]

وقوف المنهزم قِدم الليالي والظروف احلاف
يهون .. ولا وقوف المنتصر لامن خسر ذاته.

[َٰ @eilr___]

الإنسحاب وإغلاق الابواب وتغيير الأماكن ليس دليلاً
على وجود البديل بل هي مرحلة الإلتفات للنفس
بعد استنزاف الفرص

وفي رواية أخرى :
« عطيتك من كرم قلبي وأنا ماني بحاتم طيّ
أحاول فيك لكني عجّزْت أعرف مفاهيمك»

[َٰ @eilr___]

" يالله عسَى شملٍ يلمّ الصالحيِن يلمّني "
ــ مبلغ الغايَه من هالحيَـاة الفانيّه

[َٰ @eilr___]

"بين ترحال ومنافي وغربه وإغتراب
لا المدائن تحتويني ولا صدر القرى."

[َٰ @eilr___]

- إفقد كل شيء لكن" لا تفقد الأمل بالله "
اسعى ورا احلامك وطموحك

ومن زاويه اخرى يقول فارس بن هضيب /

" مدام باقي حياة اكيد .. باقي طموح
لا تقتل أحلام عمرك وأنت توك شباب "

[َٰ @eilr___]

- المرء لايحتاج الكثير ليكون عزيزاً
يحتاج فقط أن لا يبيع مبادئه مقابل أي ثمن
مهما كان هذا الثمن مغرياً

وقيل فيها/
"كم حاجةٍ أرخصتها لاجل مبداي
راحت وانا بتطيح كبدي عليها"

[َٰ @eilr___]

أحبّك . . ولو عادت جميع الوجيه اغراب
خذيتك أمان . . يشرّد الخوف من طيبه

اشوف الحياه اللي مع الناس ملح وذاب
واشوفك . . يقـين يقطع الشك والريبه

ابيع السنين اللي بدونك بـ رخص تراب
واساوم على اللحظه معاك انت باللي به ❣️