☁️

Me first, then you in everything 🤍

[☁️ @enzi5f]

أستغفرالله وأتوب اليـه ..
سبحان الله وبحمده سبحان الله العظيم ..
الله أكبر الله أكبر الله أكبر ..

[☁️ @enzi5f]

غـيـرك بغـاني بـ المحبـه وانـا مابيـه
دام انت عندي ، وش ابي بواحدٍ ثاني

تراني ليا شفتـك اسج الفكـر واشقيـه
واشوف القمر واقول عندي قمر ثاني

[☁️ @enzi5f]

اعذرني ان خاب ظنك يعشيري
بغت تزين الظروف وغيرت رايها

[☁️ @enzi5f]

همي وغمي واحدً يوم الاقيه
كني عليل وشوفته محو قروه

واليوم هذا يـ اوله ويـن تاليه
والنوم ماله يمة العين حروه

[☁️ @enzi5f]

ماودي ادعي عليك ويقبل الله دعاي
واشوف حالتك من عقب الدعا تندمر

الله يغفر خطاك ويحسن الله عزآي
عن كل لبيه بلساني وتآمر آمر

اعذارك الكاذبة طوفتّها من وفاي
لين اصبح العذر ماله خانه ولا ممر

بغيب لي غيبتة ماهيب فتره وجاي
لا والله اللي صدق .. غيبة عمر

[☁️ @enzi5f]

ان خيّروك بناطحين المواجيب
صيري لنطاح النوايب خطيبة

[☁️ @enzi5f]

مع الناس قلبي شايب لاجلس مسمُوح
كنك لا جيته فز لك جاحد كبره

معك من تهاليل الغلا ما يرد الرّوح
مثل ما معك هجر يحده على قبره

[☁️ @enzi5f]

مدري اذا تقرا شعري وتوحيه
وتسمع ما بين ضلوعي صوتٍ ينادي

قلبٍ يحبك ياعجب كيف تشقيه
وانا أحسب انك بالمحبة ضمادي

سويت ما أقدر ، وش اللي تبغيه
متى على وصلي تمد الأيادي

سرقت من عمري ولا قلت لك ليه
وخذيت قلبي والعيون رقادي

ارحم حبيبك ياحبيبي وراعيه
دامك دواء جروحي وغاية مرادي

[☁️ @enzi5f]

صحيح الليال تحدّنا لين ضاقت غصب
لكن عاد فينا بـ وجه صكَّاتها زمّة

مادام الليالي ما تبي غير ميّت قلب
فـ أنا اللي ضلوعه ما لقت قلبٍ تضمّه"

[☁️ @enzi5f]

كنت أبيك تصير شي وكنت شي ثاني
والخطأ ما هو خطاك انا الخطأ بعيونه

خاب ظني ليت ظني فيك ما خلاني
أبني أحلامي على حاجه ماهي مضمونه

[☁️ @enzi5f]

لكعتنا سود الأيام ونعرف اللكيع
ونتغيشم ولا حنا ، ما حنا بغشما

[☁️ @enzi5f]

يميّزك الدلع عن كل غيداء عودها مفتول
لقاك المشهد إللي ما تملّ العين تكراره

كحيلة طرف عاجيّة ترايب فاحمة مجدول
"مزيّنك الترف ما زيّنك خلخال و سوارة"

تمرين المكان و تتركين الكل بك مذهول
حوالينك عيونٍ شاخصه وقلوبٍ منهارة

[☁️ @enzi5f]

أدري إن الصامل اليا حب له غندوره
شي عادي يوم يرهن عدّته ... وسلاحه

يوم أدقق في معالم خصرك و ديكوره
يقدر الشاعر يطوق كفه ... ومسباحه

الخطوط الحمر في سلم الغلا محضوره
بس انا احب اتعدّا خطوطها : ب الراحه

العبي في مقطع مرئي ب صوت وصوره
و أوعدك لا أخلد إسمك في شداد الساحه .

[☁️ @enzi5f]

معاد بي شدة على طرد السراب
ومراقبة شمس توارت لـ الغروب

أما وجود يلوي ذراع .. الغياب
ولا غياب يفضح الوصل الكذوب

[☁️ @enzi5f]

كل ماهب من يمه نسيم الهبايب
صار لـ الشوق صوت وللشعور ارتباكه

غاليٍ غاب عن عيني ولا زال غايب
رغم غيبته ماله وسط قلبي شراكه

[☁️ @enzi5f]

لاتشتكي يازيد قل السعاده
يازيد انا طالبك لا تشتكي لي

همي عبدني في حياتي عباده
يازيد عيى لا يخلي سبيلي

[ٌ @ajm7i]

14 فبراير :

لكن الوضع هو هو ماتغير و الزمان يشين
و حبك كل يوم يزيد في العين الشقاويّه !

[A @_2ilie]

تقهويني فناجيلك غلًا ومارد لك فنجال
لك الله لو تمر سنين ما هزيت فنجالي .

[☁️ @enzi5f]

لا تخاف من البطا ولا المسافة
وتسأل اسئلةٍ وقايعها عنيفة

صحّ قلبي قاسي وفيني جلافة
ومن ورا الاضلاع ماتوحي رجيفة

غير بُعدك من كثر مانيب أخافه
أرفض الرجَّال.. وآعاف الوظيفة

[☁️ @enzi5f]

آلدلك بالعين ماودي اروح
والقلب مابين الأمَرَيِّن حاير
الاول مره مع الوقت بيروح
والثاني مره بوسط الضماير
ماودي ان العين في سري تبوح
وانتَّ خساره من كبارالخساير
ياصاحبي مالي من البعد مصلوح
حكم على الوقت والوقت جاير
ان قاله الله قبل ماتزهق الروح
لاجيك من بين المخاليق زاير

[☁️ @enzi5f]

مال الكسور بخاطر الوجد جابر
ومال الدموع بحاجر العين مرما

صدورنا لصكات بقعا مقابر
وافواهنا عن ذكر الاوجاع طرما