نايف جهز الشلوي

[سلمان بن عبدالعزيز @KingSalman]

نستذكر في هذا اليوم المجيد تأسيس دولتنا المباركة، التي أقامها الأجداد على كلمة التوحيد، وتحقيق العدل، وجمع الشتات تحت راية واحدة؛ بما حقق بفضل الله تعالى الأمن والازدهار.

[سلمان بن عبدالعزيز @KingSalman]

نهنئكم بشهر رمضان المبارك، ونسأل الله تعالى أن يبارك لنا ولكم وللمسلمين في هذا الشهر الفضيل، وأن يتقبل منا ومنكم صالح الأعمال، وأن يديم على بلادنا الأمن والرخاء.

[Khalid bin Salman خالد بن سلمان @kbsalsaud]

أرفع التهنئة لمقام سيدي خادم الحرمين الشريفين، ولسمو سيدي ولي العهد رئيس مجلس الوزراء -حفظهما الله- بمناسبة حلول شهر رمضان المبارك.
كما أهنئ منسوبي وزارة الدفاع، وجنودنا البواسل، وذوي شهدائنا، سائلاً المولى عز وجل أن يديم على وطننا أمنه وازدهاره في ظل القيادة -أيَّدها الله-.

[نايف اباالعون @naif_abalaon]

رجلٍ يجي تكميل عند المشاكيل
ورجلٍ طلع بين المشاكيل صيته

هذا يدل بيوت كل الرياجيل
وهذا يدلون الرياجيل بيته

#نايف_اباالعون

[د.ريما الشايع ⚜️ @RML11A]

يارب في ليلة الجمعة إجعل لنا نصيباً من الرحَمة ، والمَغفرة ، والفرج ، والسعادة ، والرزق ، والهداية ،
اللهُم في ليله الجمعه أغفر لنا ذنوبنا وأرحمنا اللهُم في ليله الجمعة نستودعك دعوة تسكن قُلوبنا ،

#صلوا_عليه_وسلموا_تسليما #ليلة_الجمعة
#يوم_الجمعة #صباح_الخير

[بدر بن سلطان الدويش @B1SD_]

روس قومً من خلقنا الله وحنا قاده
ما مسحنا بشت شيخ ولا تبعنا جرهّ

ما نراكي غير كفوً يرتكي لشداده
فوق سرج الخيل ولا فوق كور الحره

والله إنا من على عد الروى وراده
مزبنن للي شكى ضيم الزمان وشره

لاتدورنا ليا هب النسيم أنواده
غير في يومٍ نهاره يلتهب من حر��

[محسن بن مترك @aprvip]

ياليت المقافي ذود ،، والامنيه مقهور
ومن نام تحت الارض لمن دعي يصحى

الايام كنها تاخذ آهل الوفاء بالدور
طحاطيحها موتان ،، وابطالها جرحى

ياكم كفنت سود الليالي طوال شبور
وكم غربت مستوطن وزعلت فرحى

من احزانها المنتوج ونه ودقت زور
وحال ٍ مثل عود على المنجره يلحى

تعلمت منها روس عرف ودواهي شور
وقلت النبط من صدر الابداع و الفصحى

ترى الي يحاول ينصح اهل العمي والعور
مثل من يحاول يزرع المسك فالبطحى

تنق اخوياك ولا تبدي على الممرور
الي مع مرور الوقت رفقته ماتمحى

مايعرف يخون الخوه ولا يعرف يبور
على اهل العذل بالذات مالد ولا اوحى

الى جا نهار فيه ��م الرجال يفور
وحدر سيل يوم الشر باهل القشر وانحى

يطيحون هراج السعه طيحت المكسور
الى عودت بيض الليالي نحر وضحى )؛

[عناد الشيباني @enadm1]

ترانا سعوديين .. والعز راس المال
لبسنا ��لمعزه قبل نلبس عمايمنا

نعيش بشموخٍ فيه لـ الحاقدين اذلال
ما نحسب حساب الحاسد اللي يهاجمنا

حمينا وطنا بالمواقف وبـ الافعال
��من دون حده ما تراخت محازمنا

واذا ماثبتنا دون حده ثبوت جبال
ما نستاهل نسمّى وتذبح تمايمنا

من الصدق والتعظيم والقدر والاجلال
لاشفنا العلم يطرخ وقفنا وسلمنا

تحت شجرة ال سعود نلقى ذرى وظلال
وفي شجرة ال سعود ما احدٍ بلايمنا

هنا قادة الامه هنا مضرب الامثال
ترى ملوكنا ال سعود لا احدٍ يكلمنا

لنا حاكمٍ يشرب فناجيل كل مْحال
ولا فيه حاكم فالدول مثل حاكمناا !

اليا علموكم كيف " تقرون فالفنجال "
هذا اللي على " شرب الفناجيل علمنا "

[صالح النشيرا @saleh_neshaira]

يامصلح تعلّم نهج مصلح ولد عيّاد
على شان ماتبلش مع الناس بـ المره

ترى الاجودي ماهو يكدر صفو الاجواد
ولاعادهم .. يبغون .. خيره ولا شرّه

عسى الله يجيب الغيث وانا على استعداد
اغني .. لكم .. فـ اليوم طاروق ( مغترّه )

يازين .. المطر بالذات لاعم كل بلاد
خصوصاً قطر والمملكة ديرة ال مره 🇶🇦🇸🇦

من إيماننا بـ الله ماناخذ علوم أرصاد
تهب .. الهبوب ويدفن الذاري الجرّه

نشوف التغافل موهبه والسكوت جهاد
لكن ماقبلنا يشمت العبد فـ الحرّه

[عبدالعزيز الحارثي @alharthi_3z]

موهبة شعرية لافتة وحضور مميز يستحق بكل جدارة التتويج بالمركز لما يقدمه من إبداع وصدق إحساس وقوة طرح .

#دعم_عبدالله_الحارثي

[سهم @1SMi_]

يصادف اليوم ميلاد خادم الحرمين الشريفين الملك سلمان بن عبدالعزيز حفظه الله ورعاه 🇸🇦

اللهم أحفظه بما تحفظ به عبادك الصالحين ووفقه لكل ما تحبه وترضاه، وسدد خطاه و��ارك له في عمره و أجعله ذخرا للإسلام والمسلمين يارب العالمين 💚

#ذكرى_ميلاد_الملك_سلمان
#الملك_سلمان_90_سنة

[مسعود آل شعفول @masuod974]

ي��كثر الريا و الزيف في تالي الايام
لكن ليه اخلي كلمة الحق في صدري ؟

جعل من يطيب و غايته كلها الاعلام
فدا من يطيب و خايف الناس لا تدري

[محسن بن مترك @aprvip]

حتى الصدور اللي سوات المظاريف
تحتاج من ترتاح له وتحكي له ):

[عمر الوهيطي @whe6i_]

نقض ليل الشتاء قافٍ من .. لحون البطا مفتول
وصحى جرحي على صوت الرقيبه يوم مشذوبه

على صدك ملامة خافقي .. يا فك��ي المشغول
لو ان عذرك سمين و كلمتك عذبه و محسوبه

يمّر الليل .. و يطل النهار .. بـ وجهه المخذول
وانا اللي كن عيونه عن شعاع الشمس محجوبه

اغامر .. و اتمنى .. و " الاماني سيفها مسلول "
واداري دمعةٍ من ضحكة محياي منهوبه ..

ياملهوف الحشا مدري مِن القاتل مَن المقتول
ما دام ان وصلك عقوبة مثل ما هجرك عقوبة

حبيبي والله اني .. بين ضيق .. وبين قِل حلول
سوات اللي كلاه الهمّ من .. " راسه لـ عرقوبة "

عزاي ان ما بقى لي غير صوتك فـ الضمير يجول
وآكابر ، و اجحد جروحي معه ، و امجد عيوبه

وكثر ما كنت اماري في عيونك واشقر المجدول
اوصيّ، كل عاشق لا يبكي عين .. محبوبه ):

يقولون الليالي تطوي الماضي طوي ��اقول ؟
انا للحين اضيع ان ذعذع النسناس من صوبه

تدور أوهام .. وصله كل ليلة .. لين دار الحول
ونار الشوق كنها من ضلوع الصدر محطوبة

فراغات السطور اللي تهيّب عقلي المذهول
تجرّي كل كلمة من شعور الصدق مسلوبه

عسى عامٍ تجلى به ثغرك وهرجك المعسول
فدا ليلٍ بعده تدور .. الغفران و التوبة

انا من علق فـ صدرك قصيده " وزنها من لول "
( كتبها ) والزمان يقول له .. ( ماهيب مكتوبة )

[عبدالرحمن القوس @algoos_a]

ممشوقة العود يحرجها الغزل والمديح
غنيت فيها قصيدة .. وانخـطف لونها

بان الخجل في مـلامـحها وانا مستريح
قمت اتـمـادى وقامت تغضي عيونها

من كفها ذقت فنجال الغرام الصحيح
وسكرت حتى ثمـلت ،، بـ ضحكة سنونها

غريافةٍ كنها بالـسـيف الامـلح تشـيح
لا اومت بيدها وحال البعد من دونها

اللي تجي من نصيبه لو هو اكبر بجيح
ماني بـ متخيل : انـه يـقـدر يـخـونها

عسى فدا رجلها راس الردي والشحيح
وناسن تظن ولا تعْرف تحسن ظنونها

ما صانوا المعرفة عند اللزوم الصريح
حتى المعاريف .. ما صـاروا يعرفونها

احباب طاحوا من عيوني مثل ما تطيح
شمس العصر ف�� عيون اللي يعبدونها

[محسن بن مترك @aprvip]

يالغرو الهواوي لا تهايق وانا مجروح
ترى خاطري ماهوب داله ولا سالي

اشوفك ورى الباب المسايف تجي وتروح
لاكن شيمتي خلتني اصد طوالي

لو الضيف له فالسلم مد النظر مسموح
ماصديت وانت اغلا بواجد من الغالي

اغض النظر عن شوفتك والخفوق يفوح
مثل فوح قدر تحته الجمر له صالي

ياكم راس طورٍ من تحته الطوال الدوح
اصغر من هميد القشع فالتختخ الخالي

زبنته وصدري فيه وجعه ونزف جروح
وعدل مزاجي مثل ما اعدل عقالي

على وجهتك سقت الرجاوي وسقت البوح
وخاويت بعد العصر لـ ديارك ظلالي

ابي ليلة تحيي بها حلمي المذبوح
واعلق على جيد الرجى باقي امالي

شعور الرضى والضحكة اللي ترد الروح
مازالت " وطيف عيونك الحور ما زالي

على جيتك والله اني اشفق من المشفوح
واحرص من خفير السجن وانبه من الجالي

[محسن بن مترك @aprvip]

على يانع اغصان المناوي هزيج البوح
لحونه جداد وشعبه يجدد ال��يعه

لا منه غدى لـ الهم ضوله ونشر سروح
وغدى لـ الطواري بين الاضلاع تربيعه

تخيرت لي دوحا عليها حمام الدوح
يكوسر ترانيمه وتلعي ملاويعه

معي ضيقة مخاوي وحيرة بعيد شبوح
وسيرة غرام وضيعة قبلها ضيعه

على ذكرياته صوت ونه ونزف جروح
وقلب يتوق وموجز ما اقدر اذيعه

امر المكان اللي له تروح قبل تروح
وعود وانا ملهوف وظنوني مجيعه

عسى الفرصه اللي سايفو بابها المفتوح
يشرع لها باب التراجع مصاريعه

دلال الرجاوي فوق جمر الوعود تفوح
ولا ادري متى الواقع يراكي مفاريعه

لا منه عزف وتر الوله صوتها المبحوح
سهجت الحمى اللي وارفات طواليعه

انا القانع إلى في تفاصيلها مشفوح
وانا اللي يطيع الشوف والعفه تطيعه

رعى الله ليال راسها بالوصل ممسوح
وتفاصيل حب ٍ ما جنينا منافيعه

ما زلت انتظر برق البشاير متى بـ يلوح
واعد الشهر ليله ويومه واسابيعه

نسيم الصباح الحدري الي يرد الروح
يكفني انه من جهتها ذعاذيعه ):

[فيصل @fasl____]

من اعظم و اجمل القصايد المشتركه من شعراء مبدعين :

[فهد المحيلبي @m7illbe]

تواري عن عيون الملا ، يا نجوم الليل
تغيّاب هم ، وضيق ، ودموع منهمره

أنا شخص عنده فوضوية ، وحط وشيل
يفضل عن دروب الوطى ، وطيّة الجمره

يشوف الحياة اهوّن من الكذب والتهويل
ويشوف العمر نقمة ، ولا سام في عمره

��صيره محدد من تواجد ، وحيله حيل
صدى ذكره يسوقه ، صدى زمره لـ زمره

مال العذر قيمة ياغلا شاعرك لو قيل
عفى الله عنّه ، لا بدا ماكشف ضمره

تعرفه مايقبل يحجب عيونك التضليل
��و الشوق متفجر ، والأوضاع مندمره

تشيّم عن الشرهة وجنّب عن التأويل
ما غيرك قبال ، وبسمة تمرّ وتغمره

لو أن يمنعه جور المفارق من التفصيل
له الحق يبني واهسه فيك ويعمره

على كل جرّه ما دفنها مسيل السيل
طواريه تحت أمرك ، ورجعته تحت أمره

[خلف بن فنيس @kfq100]

ياحادي العيس رد العيس ياحادي
لاتشعب الرّكْب لين استدرك مرادي

عرجني شوي من ركْبك بحايلها
وان كانها ' رايحه؟ ' لاتاخذ فوادي !

باقي من العمر عمرٍ مابعد عشته
توو الصبا ينتشي ! توو الصبا بااادي !

خلوني اهيم فالاطلال و اغني ..
'ريانة العود ، جاني صوتك ينادي'

ف الديره اللي ثلاث ارباعها شدوا
ماباقي الا القصيد ، وناي ، وقنادي ..

وايامنا ، والوله ، والليل ، والقمرا
' وسوالف النود لنّويير فـ الوادي '

لاتعتذر بالضروف وقلة الحيلة
ماينصر الحب قلبٍ رايه حيادي !

ماطشت ساعه ؟ وخليت الرّكْب ساعه ؟
ولحقلتني .. للخيال الخالي الهااااد��

مغير انا وانت ، وانقول البشر ماتوا ..
( ونعيش انا وانت ، لو الحالنا عااااادي )

ياقصةٍ عيّت الايام تنصفها
ياضني اللي قدرت تنوّخ وكادي

قدرت اعيشك سرابٍ يروي الضامي
وقدرت اعيشك ضلامٍ يرشد الغادي !

الله يسمّح خطاك ... ولا يبعدها
يمكن تعوود ذلولك تبغي شدادي

قد حذفَتك العيون وماكتب ربي
كيف مسكتّك الرموش وصارت ايادي !

و انا نذرت العمر لله سبحانه
من فلّت مهادي الى طيّت مهادي ؟