‘

[‘ @ermutiri]

اللَّهُمَّ إِنَّكَ عُفُوٌّ كَرِيْمٌ تُحِبُّ الْعَفْوَ فَاعْفُ عَنِّا

[‘ @ermutiri]

طرّف الليل و انسام الهبايب هبايب
ليت مسباح كفّي خصلةٍ من شعرها

[‘ @ermutiri]

"جات المقادير مثنيّه ومربوعه
وإن قلت عدّت يصيح الوقت لي توّك

مايدري إن الهموم إن جات مجموعة
أقول يا قوّها وتقول يا قوّك"

[‘ @ermutiri]

بين صدق السؤال وبين جرح الجواب
في عيوني كلام وفي ضلوعي مرب

أكتب الشعر لأجل يخفّف الأكتئاب
لين عقلي تعِلق فـ القصيد وضرب

ضعت بين الدروب اللي بعضها خراب
ضيعة اللي خذته المغريات و خرب

ودي أهرب من الواقع وأعيش الغياب
عن عيون النديم وعن عيون العرب

بس ماعندي من العمر غير السراب
كن عمري تركني لـ الحياة وهرب

والله إن القصيد اللي كتبته عذاب
علم الغاوي اللي يحسب إنه طرب

[‘ @ermutiri]

"لا يغرك كان سجيت في يوم الربوع
قالطٍ بالبال في كل .. سجة وسهوه"

[‘ @ermutiri]

"ماضيٍ لي حلف ما أسج عن يوم الربوع
إن صفت عذبات الأيّام.. ولا ما صفت"

[‘ @ermutiri]

"وان مر طيفي على بالك في ليله ربوع
اسأل غرورك وش الدنيا بليا متاع"

[‘ @ermutiri]

"القهوة بلا شك مؤنثه، ليست لأسباب لغوية، لكن كيف ان يكون شيء بهذا الجمال في النهاية ذكر"

[‘ @ermutiri]

تمهَّل قبل لا تَطرقك: نَفحة النسناس
ورا ليلةٍ فيها التعب مسْرِج جْياده

معك ما يخلي خاطري للهوى حسَّاس..
معك ما يخلِّي عاصي الخيْل.. منقاده!

أحبَّك ليالي، وأختلي بك رضا، وإحساس
وأعاوَد ضميرك، وأعشقه، وأعشق عناده!

أبي مِن غياهب ليلتك لو قليْل نْعاس:
على شان أداعب جادله، وأسرق شْداده!

حبيبي ترى ما لك ورا صفحتي مقياس
تغنَّيت بك.. وأثر المخاليْق نقَّادة!

إذا قلبي احتالَت سنينه معك، لا باس!
أنا أشوف في ضحكتك موْته، وميلاده

ذبحني الجَفاف، وجِيْت لك بَيْن يَاس، وياس
أعرْفِك ظمأ.. لو في طوارِفك ميراده

يكفِّيني إن طالَ الزعل: طلَّة، ومجَلاس
وأسوْلف لوَجهك عن غثى الوَقت، وجهاده

تمادَى على صدرٍ عروْقه عليك يْبَاس..
أبي غفلةٍ بَيْن أسوَد الرمش، وسهاده!

وش الجِيد لولا عقدك اللي بدون ألماس؟
عساي أنتهي له؛ كلَّ ما ذابت قلادة..

أحنَّك مثل ما أحنّ نفسي: من الوَسواس
وأحبَّك محبَّة «شايبٍ لأوَّل أحفاده..»

أمانتك لا تنسى اسمي إن غابوا الجلَّاس
أنا طالبك -لا طوَّل غيابنا- نَاده

ترى الحِلَّ لا خابَت مع الرامي الأقواس:
مرور الغزال اللي على غفلته، صادَه!

حبيبك لو إنه في ديار الهوَى عسَّاس
يشوف الدروب اللي تودي لك؛ بلاده!

وش أسوي إن زاد الحكي في عيون الناس
وأنا كلّ يوم.. أحبَّك أكثر من العادة!

[‘ @ermutiri]

يا مهجة القلب مالي عن حنانك غناة
عن لوعة الفقد و صدوف الزمن خبّني

تستغرب الموت في وجهٍ مليته حياة
و استغرب إنك تْخاف الموت و تحبّني .

[‘ @ermutiri]

سلامات وطهور وعافيه وأجر وعسى ما باس
تماثلك الشفا والشر عنك يروح ويولي

صحيح أن المرض ما يستحي وأنه عديم إحساس
ماعين في الأوادم من يجيه الا أنت ياخلي!

[‘ @ermutiri]

ليا مرّني طاريه فالمجلس المليان
أخاويه وأترك هيكل الجسم متراكي

لسان حال مخي

[‘ @ermutiri]

وتمر صوره وعطره وسلساله ما بين اشياي
كأني ما رميت صوره ، و عطره ، و سلساله!

بدر بندر

[‘ @ermutiri]

راح صدري مجزرة حرب بين الأقشرين
"قلبي المستاجع" و "نفسي المستغنية"

ليت ذكرى الراحلين بظهور الراحلين
ما يطرّيْهم على البال « مَوّال أغنية »

[‘ @ermutiri]

"شرّعي باب المعاتب بدون مقدمات
وأطلقي ما كان في صدرك اطلاق سْجنا

حاصريني بـ التشرّه من الأربع جهات
أنتي المشروه منك مثل رد الثنا

أعتذر لك عن غيابٍ بدون مبررات
لو ما قلبي بـ خالي ولا الصدر دهنا

صح ما ودي بـ هجرك لو يطول السكات
بس ما ودي بـ وصلك وأنا مانيب أنااا…"

[الحاكم @_alhakm]

شفتها وتذكرت أبيات سعد بن جدلان:

"جمال الخصال اليوسفيه يغلب امري
عذابٍ على من حج لله ومن صامي"

يا راسي ويا صالب عظامي ويا عمري
يجيني بلا لا شفت صورتك قدامي

اشوف الحياة اللي يغني لها القمري
على حاجبيك السود في دمّك الشامي

[‘ @ermutiri]

عاتبني وقول كل اللي بخاطرك لين
اضيع مابين جزْر انفاسك ، ومدّها

[‘ @ermutiri]

طراة العلاقة لا تمادت على الشرهات
وجاك الولد منعور .. والبنت غندوره

وصالك ، يرجّع نبض قلبي وهو موّات
بس الزين يلعب في غروري يامغروره

ما أعرف أتحكم في شعوري مع الحلوات
أنا نفسي " آمّارة " على البنت الاموره

[‘ @ermutiri]

عزالله
ي لبيه

[‘ @ermutiri]

أدري إنّه لا ذبحك الشوق بـ آخر ليلك
تجبرك يدّك تشوف آخر جديد حسابي

[‘ @ermutiri]

كل ما مات في شبه الجزيره سنافي
ضقت كني حزامٍ له وكني عضيده

ودي الموت ما يسطي على كل وافي
بس ذي سنة الله فـ انبياه وعبيده :)

- بندر الدويش

[‘ @ermutiri]

اللهم أرحم أخي وأغفرله

[‘ @ermutiri]

أثرك تعنّين صفرًا ماعليها لجام
وأنا أضرب الأرض وأعقّل مجانينها

والطعنة اللي شبرها العمر عشرين عام
هي والله الطعنة اللي جات في حينها

ماعاد بيني وبينك غير رد السلام
وأبياتي اللي مع العالم تشوفينها

أخذي هدايا الجفا ماهي هدايا الغرام
وروحي مراح الظنون اللي تظنينها

👏🏻

[مشاري محمد @dih2i]

ما للطواريق ياسلمى محطّ إهتمام
ولا عذاب اللحون اللي تغنينها

أخذي من الشعر مايملى عيون الأنام
ما للبيوت الجزال الا دياحينها

في كل فكرة عتاب وكل فكرة ملام
تموت الأحباب وتعزي محبينها

وفي كل ممشى نهار وكل مسرا ظلام
أمر نفس الدروب اللي تمرينها

أنا جروحي كبيره ، أكبر من الكلام
كفّي عن الكلمتين اللي تقولينها

طحتي مثل ماتطيح العاقله فالحرام
وضعتي مثل مايضيع الدمع من عينها

أثرك تعنّين صفرًا ماعليها لجام
وأنا أضرب الأرض وأعقّل مجانينها

والطعنة اللي شبرها العمر عشرين عام
هي والله الطعنة اللي جات في حينها

ماعاد بيني وبينك غير رد السلام
وأبياتي اللي مع العالم تشوفينها

أخذي هدايا الجفا ماهي هدايا الغرام
وروحي مراح الظنون اللي تظنينها