M

[M @evermuseee]

@hnlva إذا كنت تحتاج قائد يحط لك قواعد وحدود عشان تحس بالأمان فهذي مو تراتبية هذي اتكالية مغلفينها بمصطلحات علمية مو كل رجل يحتاج أحد يقوده ولا كل امرأة تصلح تكون قائدة والإنسان الناضج يعرف يدير نفسه بدون ما يحول غيره إلى وصي عليه

[M @evermuseee]

@LYLA1md مو كل رجل ينتقد بنت يعني معجب فيها بعض الناس فعلًا ما يطيقون تصرفاتها وبعضهم ينتقدها من باب السوالف بس المشكلة إنكم صرتوا تفسرون كل تصرف على إنه إعجاب لين حتى الكراهية عندكم حب متنكر

[M @evermuseee]

@Goldenestrela ههههههههه يعني بدل ما تتعلم تحط حدود مع الخبيث رحت تدور له خاتم؟ الهالة ما يحميها معدن يا طويل العمر يحميك وعيك وحسن تصرفك بس واضح إن الحساب الصيني متخصص بالميتافيزيقا وحسابك متخصص بتصديق أي شيء لابس ثوب الغموض

[M @evermuseee]

@Algh_1993 مو كل عزلة ضعف ولا كل اختلاط قوة بس واضح إنك فسرت الناس على مقاسك لين صار كل شخص ما يشبهك مريض نفسي مو كل فكرة تجيك عن الناس تعتبر حقيقة أحيانًا تحليلك يكشف نظرتك أنت أكثر مما يكشفهم هم

[M @evermuseee]

@Restlessmoh المشكلة يوم يصير الإنسان يقيس قيمة نفسه بكم أنجز وينسى إن الراحة مو تضييع وقت وإن مو كل يوم لازم تطلع منه بشي عشان يكون له قيمة أحيانًا إنك تعيش يومك بدون ضغط ولا تأنيب ضمير هذا بحد ذاته شي تحتاج تتعلمه

[M @evermuseee]

@o7sy4 فعلا كثير من الاختلافات ترجع للتربية والبيئة والتجارب أكثر من كون الشخص ولد أو بنت ومعرفة هالشي تخلينا نفهم بعض بدل ما نحصر كل جنس في صورة معينة

[M @evermuseee]

@killrady المجتمع ما يتغير بالخوف من العقوبة لحاله يتغير يوم يفهم ليش النظام موجود ويشوفه يطبق على الجميع بعدل لأن القانون إذا ما ارتبط بالعدالة والوعي يصير الناس تخاف من العقوبة مو تحترم الحق نفسه

[M @evermuseee]

@To_Layl_a أسهل شي إنك تحط معايير عالية على غيرك وأصعب شي إنك تلزم نفسك فيها لأن الكلام عن المثالية ما يكلفك شي لكن تطبيقها على نفسك هو اللي يكشف لك وين أنت فعليا

[M @evermuseee]

@justvercat مو كل رجل عايش حياة سهلة ولا كل امرأة حياتها صعبة التعميم سهل لكن الواقع أعقد من كذا واللي يختزل حياة الرجل كلها بالشهوة والمجتمع وامتيازاته مثل اللي يختزل حياة المرأة بمعاناتها لأن بالنهاية كل شخص عنده معارك ما يشوفها غيره

[M @evermuseee]

@atruss7 المشكلة مو بالتجربة السيئة المشكلة يوم تعممها على ناس مالهم ذنب فيها خلك واعي وتعلم من اللي صار لك بس لا تخلي شخص سيئ يغير نظرتك لجنس كامل لأنك كذا تعاقب ناس على أخطاء ما سووها

[M @evermuseee]

@9lt1s مو كل علاقة لازم تكون مبنية على مصلحة ولا كل شخص ما يضيف لك شي بمفهومك يعني وجوده ماله قيمة فيه ناس وجودهم راحة وفيه ناس وجودهم سند بس الذكاء إنك تعرف مين تعطيه من وقتك ومين يستاهل قربك ومين علاقتك معه مجرد حدود ومصالح

[M @evermuseee]

@qr991_ غالبا الإنسان يتصنع شخصية مو شخصيته لأنه يخاف من نظرة الناس له أو يحاول يكون مقبول عندهم ومع الوقت ينسى إن أكثر شي يتعبه إنه يعيش طول عمره بشخصية ترضي غيره مو بشخصيته الحقيقية

[M @evermuseee]

@doomwantsme المبادئ ما تختبرها وأنت مرتاح تختبرها يوم تتعارض مع رغباتك والوعي اللي ما يبان إلا على حساب مبادئك مو نضج هذا تبرير بس بكلام مرتب

[M @evermuseee]

من سلبيات الوعي إنك أحيانًا تفهم ليه الشخص تصرف معك بالطريقة هذي وتعرف وش اللي يحركه ووش اللي يخوفه ومع ذلك ما يتغير شعورك تجاه اللي سواه يعني فهمك لأسباب الأذى ما يلزمك تتقبله

[M @evermuseee]

الإنسان إذا بغى يبرر لنفسه يقدر يطلع من أكبر الأخطاء وهو مقتنع إنه تصرف صح المشكلة مو إنه يقدر يقنعك المشكلة إنه مع الوقت يقدر يقنع نفسه بعد

[M @evermuseee]

@Aboaya_6869 أنت ما انتصرت على المجتمع أنت كشفت نفسك بس تحسب استغلال المرأة حرية والهروب من المسؤولية إنجاز حتى الانتهازية عندك مسميها تحرر ؟

[M @evermuseee]

@_6lXl والله أكثر شي يهيبني إنك تعيش يومك وتخطط لبكرة وأنت ما تدري هل بكرة من نصيبك أو لا وكل تفاصيل رحيلك عند الله ومهما طال العمر بالنهاية كلنا راجعين له الله يرزقنا حسن الخاتمة ويجعل آخر كلامنا من الدنيا شهادة أن لا إله إلا الله صباحكم خير وطمأنينة

[M @evermuseee]

@atruss7 أتعامل مع الناس بطيب نية وما أسيء لأحد لكن مو شرط كل الناس تبادلني نفس الشعور عشان كذا أحترم الجميع وأراقب المواقف وأعطي كل شخص على قد تعامله معي مو على قد طيبتي معه

[M @evermuseee]

@9lt1s أشوف إن فيه ناس ودها تتزوج بالحلال لكن لا الزواج التقليدي يناسبها ولا هي مقتنعة بعلاقات التعارف اللي ما تدري وين تنتهي

نحتاج طريقة جديدة تجمع بين التعارف الواعي والجدية وحدود الدين لأن الزواج عمر كامل ومو منطقي تختار شريك عمرك وأنت ما تعرف عنه إلا اسمه وعائلته

[M @evermuseee]

@OktbTweets لأن العرب تنقال على القبائل والجماعات والأمم كأمة وحدة فيجي معها التأنيث باعتبارها جماعة وقبيلة مو لأن العرب مؤنثين