فَارِس

شاعر في مُنتصف العشرين

[فَارِس @ewoios]

كل ما يُنشر هُنا…هو نتاجُ فكري وخالصُ قلمي، لا أقتبس.

[فَارِس @ewoios]

يا حبيبة قلبي اللي تمادت بالرحيل
ارحلي .. ماعاد للقلب شيءٍ يخسره

من كثر مالاعني الهم بالليل الطويل
كل حلمٍ في عيوني كفنه ومقبره

ارحلي .. لعلّ تلقين في الدنيا بديل
واحدٍ ما صافق الوقت والحظ اهجره

انا شاعر شال حمله وخاض ال��ستحيل
من عرف دنياه ما شيء بالدنيا اكسره

فارسٍ من صغر سنّه ولا عاش ال��ليل
ما تحرى من يداريه ولا يجبره

ثابتٍ في قمّة العز و الفعل الجميل
يشهر سلاحه على الهمّ والهمّ اشهره

[فَارِس @ewoios]

استغلوها

[فَارِس @ewoios]

سلكت ذاك الطريق الموحش لحالي
وخذيت مجدٍ مايقدر له ضعيف العزوم

ما رحت اعنّز مرامي واربط آمالي
على البشر وارجي الفزعة واحبّ الخشوم

لو عشت خالي من العالم ماني خالي
من نفسي اللي ليا من طحت قالت تقوم

ارقى سنام الكرامة وارفع عقالي
حافظ جميع المبادي والحياء والعلوم

وانتي يا ذاك القوام الناعم الحالي
ياللي مكانك على حسنك مابين النجوم

ما غرّني جندك الباهي وانا الوالي
لا ص��ر حلمك تذلين البلد بالخصوم

ارخِص ملذات قلبي وارخِص ريالي
قدام صرح الكرامة والقيم والسلوم

ولدت شامخ وهذا الطبع يحلالي
عن كل ساقط من الدنيا الدنية اشوم

[فَارِس @ewoios]

@shater1414 ابشر

[فَارِس @ewoios]

@shater1414 ياسلام يا سلام صح لسانك يالمبدع

[فَارِس @ewoios]

ياصغيرة السن حدتني صدوف الحياه
اخلّي الباب دونك وارتحل واغترب

اقفيت شهمٍ ترك روحه وقلبه وراه
ولولا الكرامة مافارق شبر بين العرب

اغنيت نفسي ولكن يا غناة الغناه
مافيه مثلك يرد النور قبل يغرب

انتي ملاذ الكريم اللي وصل منتهاه
ومنك الشعور السعيد اليا قربتي قرب

وانا عضيدٍ تعيشين العمر في حماه
اليا زعلتي زعل واليا طربتي طرب

متجرع المر لجل يعيشك في رفاه
وإن شاف بهجتك شاف المر حلو وشرب

[فَارِس @ewoios]

ياصغيرة السن حدتني صدوف الحياه
اخلّي الباب دونك وارتحل واغترب

اقفيت شهمٍ ترك روحه وقلبه وراه
ولولا الكرامة مافارق شبر بين العرب

اغنيت نفسي ولكن يا غناة الغناه
مافيه مثلك يرد النور قبل يغرب

انتي ملاذ الكريم اللي وصل منتهاه
ومنك الشعور السعيد اليا قربتي قرب

وانا عضيدٍ تعيشين العمر في حماه
اليا زعلتي زعل واليا طربتي طرب

متجرع المر لجل يعيشك في رفاه
وإ�� شاف بهجتك شاف المر حلو وشرب

[فَارِس @ewoios]

اشوفك حياة وضحكتك للجروح علاج
واشوفك طموحٍ ساعيٍ له وحققته

��لى ظلمة ايامي ضويتي ضويّ سراج
وبعثتي فؤادٍ ضيقة الوقت مرهقته

[فَارِس @ewoios]

@Aa1245678912345 اللهم امين الله يجزاك خير

[فَارِس @ewoios]

يالله اني في رجاك من الزمان القاسي
كل ما شفت الفرج عادت علي البلوى

اتحزم بالصبر والعزم واعصب راسي
واتحرى فرحةٍ صعبه ولكن تسوى

ماكشفت الا لسمعك ما يكنّ احساسي
مومن ان ما غيرك اجدر يستمع للشكوى

مسّ أختي باس وارهق خطوتي وانفاسي
لين ما عاد انطق بـ حلوى ولا انطق سلوى

كيف ما تفهم حروفي لا بغيت اواسي
وكيف تنظر لي بعين اللي مايملك جدوى ؟

كمّلت سبعة سنينٍ بين دمع وياسي
ما لها حيله على وصف الالم والدعوى

جيت لك يارب .. من همّي ومن وسواسي
وانت وحدك كاشف البلوى ووحدك تقوى

[فَارِس @ewoios]

أنتي أمان الروح يالغرو اللعوب
حتى لو أن روحي تذريها يدي

اتوب لكن من غرامك ما اتوب
الين يطرحني القدر وسط لحدي

يالفاتنة من كل حدب وكل صوب
اوفي بوعد الحب واوفي بوعدي

[فَارِس @ewoios]

@Vxo07 الله عليك
وتسلم

[فَارِس @ewoios]

يارب نفسي مهلكتني وانا اللّي
مارضى اخون من المواثيق ميثاق

امّنتني رغم أن قلبي مولّي
ياما فعلت الذنب والدمع ما راق

تشوفني على خطاي ومحلّي
ولا قبضت الروح واوجبت الازهاق

يا رب كلّي همّ يا رب كلّي
اعيش في ضيقة وفي حزن وارهاق

يمر عام بدون فرحة تهلّي
غطى عليّ الهمّ من كل الافاق

يارب ابي الفردوس واسمح واخلّي
دنيا توطي النفس وتوطي اعناق

[فَارِس @ewoios]

زبنت راسي يا بياض اهل الوقار
ولا زبنته غير من كبر الترح

ماجيت من كبر العمر ولاّ اختيار
جابك كثير الهمّ وقليل الفرح

عاشت متوني للشواهيق الكبار
ويعيش راسي ماخذ الدنيا مرح

مردها لو اغربت شمس النهار
تطلع على صدرٍ يضيق وينشرح

[فَارِس @ewoios]

صاينٍ نفسي عن الهفوة وفعل الواجل
وما سلكت الا دروبٍ شامخه ومريفه

لجل عين اللي عساها عاجلًا غير اجل
سيدة بيت العمر واركانه وتعريفه

[فَارِس @ewoios]

من القصائد التي انتشرت لي:

تستاهلين الكلام الذرب يالذربه
مسامعك ما يجوز يمرها العادي

أنتي أمان الفؤاد اللي من الغربه
يهيم بالفكر من وادي إلى وادي

لو كان دونك سيوف وبندق وحربه
تاتي الطعون بـ حَشاه وياتي مفادي

واليوم صرتي أماني قلبه ودربه
اللي يسوق القدم صوبه بلا إرادي

[فَارِس @ewoios]

ماتت عزوم ومشاعر وانتهت الاحلام
من ساعة ادركت ماني من حبايبها

[فَارِس @ewoios]

مهما تحاول تراضي كل خلق الله
منته بكاسب رضى غيرك ولا نفسك

[فَارِس @ewoios]

عليك ياللي كل ما غرد الطير
ملامةٍ يا كبرها من ملامه

طال الغياب اللي سبايبه تقصير
لين انحرم قلب المعنا غرامه

مقدار حبّك كتلة طويق والنير
وانتي ابتداء الحسن وانتي ختامه

إن كان جيتي شفت فمقابلك خير
وإن كان رحتي فارقتني السلامه

[فَارِس @ewoios]

عليك ياللي كل ما غرد الطير
ملامةٍ يا كبرها من ملامه

طال الغياب اللي سبايبه تقصير
لين انحرم قلب المعنا غرامه

مقدار حبّك كتلة طويق والنير
وانتي ابتداء الحسن وانتي ختامه

إن كان جيتي شفت فمقابلك خير
وإن كان رحتي فارقتني السلامه