نَـاصر .

أتبع هوى باليّ .

[نَـاصر . @exfiix]

اللهم انك عفوٌّ كريم
تحب العفو فاعف عنا.

[نَـاصر . @exfiix]

لك العذر في غيبتك ول طيفك التقدير
متى ماسهيت , وبان لي وجهك البدري

سرحت بخيالي فيك وأْسهبت فالتفكير
وطلعت كل اللي .. مخبّى ، ورى صدري

ما تمتعني ، حدود المسافة عن التعبير
أنا توني مسولف معك .. وأنت ما تدري

[نَـاصر . @exfiix]

لا متى . . و الوصل هايب و الفراق يهدد
والعلوم الي بصدرك دايم ٍ مخفيها

كنك الي خاطره في حاجه و متردد
خايفٍ يقدم عليها ويتوهق فيها

- جابر ال دجران

[نَـاصر . @exfiix]

اخدعتني كلمة ابشرك والله بخير
واختزال الحزن للنفس ، والضحك جهرى

أثر ضحكتي بعض الأحيان نظارة ضرير
ان لبسها مايرى ،، وان تركها مايرى

[نَـاصر . @exfiix]

يا ليت الزمان يعود بي لاول المشوار
قبل لا تقص " أحداث الأيام " تذكرتي

وتاخذني الدنيا عن الدار وأهل الدار
غريبٍ يضج بغصّتي همس حنجرتي

شعوري شعور التايه المرغم المنهار
آعرف آوّلي لكنّي آجهل وش آخرتي

أنا اللي بعد زود الغلا والسلام الحار
تنازلت لـ عيون المها عن مكابرتي

يابنت المطر مالك مصدٍ عن الامطار
من الغيم ولا من نسيمه تعطّرتي

عرفتك وانا نفسي صبوره على الاقدار
قبل تختبر . . صكات الاقدار مقدرتي

ماعاد آعرف من كثر ماني معك محتار
تغيّرت انا . . ولا أنتي ، اللي تغيرتي

يا شين الخطايا يوم تكبر مع الاعذار
تروحين كنك مخطية . . ما تعذّرتي

كلام العيون . . يبرر الواقع اللي صار
عطاك الزمن عدة خيارات واخترتي

ورحتي وأنا من يوم رحتي غريب أطوار
من الضيق صرت آدور في نفس دايرتي

يا ليت الكلام اللي حبسته ورى الاسوار
مجرد " رسايل عالقة " في .. مذكرتي

على كثر ما كانت . . ليال الوصال قصار
على كثر ، ما كانت " طويلة " بـ ذاكرتي

__ عبدالله السراهيد

[نَـاصر . @exfiix]

يا المكان اللي على كثرة أدوارك
ضيق صدرك في وجيه أهلك بيّن

ما سمح من شوفتك غير زوارك
وقصراك الدين وغير مديّن

والا أنا لا جيت ناظرت في أسوارك
وابتسمت وقلت لبيه عفوياً

ودي أقرب منك وأقبل جدارك
لو تقول الناس مختل عقلياً

من غلا اللي يسكنك لعنبو دارك
ما دريت أن الوفاء فيك حالياً

أكثر الغاليين في وسط مضمارك
يجرعون الهم والحزن يومياً

ليت قلبي ما مشى نصف مشوارك
لين قسيته عليهم وهو ليّن

يا رفيقي وش علومك وش  أخبارك
يا عسى منته تعبان نفسياً

الله اللي حطك إنسان واختارك
للبلا والأجر والصبر فطرياً

والله اللي حط يمناك في سارك
من سنة سبعة وعشرين هجرياً

ما سمعت المشعلي خالد مبارك
يوم غنى فيك الأبيات شخصياً

احفظ أسراري وأنا بحفظ أسرارك
ما تهون العشرة إلا على الهيّن

[نَـاصر . @exfiix]

ودي افضفض لي على شيطان
واذا خلصت اقرا آية الكرسي

[نَـاصر . @exfiix]

أستباحت غلطة الشاطر عواقبها الوخيمه
غلطةٍ .. بيموت شاطرها قبل يدفع ثمنها

[نَـاصر . @exfiix]

الصوره إللي بجوالي وهو يضحك
كل ما يضيق الزمن فيني أطالعها

- بيّن الوسمي

[نَـاصر . @exfiix]

فاقدٍ لي : .. تحفةٍ نسيانها ذنب و ظليمه
الوطن هذا وطنها ، .. و البلد هذا بلدها

الشموخ : إللي محبتها ولو غابت مقيمه
بينها وبيني ، مقادير الزمن تبذل جهدها !

هي عظيمه بس والله مادريت إنها عظيمه
لين قالو مايعرف الحاجة ، إلّا من فقدها ):

_ مطرف بن شارع

[نَـاصر . @exfiix]

اذكريني كلما فاضت عيونك وافقدوني
وكلما دمعك نشد خدك وقال شصار بيده

واذكريني لا غزا البرد الضلوع وما لقوني
ولا جبرك الوقت في ممشاه واطباعك عنيده

واذكريني كل ما جاتك من العالم لحوني
عقب ما كنتي من لساني تعرفين الجديده

- ناصر مناحي

[نَـاصر . @exfiix]

ماعاد حنا اثنين ياصبح الاثنين
جارت علينا ظروف الزمن وافترقنا

[نَـاصر . @exfiix]

حبيبي كيف أمرّ بشارعك ماتدري إني جاي
وأنا اعرف الصباح اللي يجيبك من ذعاذيعه ؟

[نَـاصر . @exfiix]

وين أولّي وأنت ساكن في الصوّر وفي الرسايل
هي بقت سكّة ما تطرقها طواريّك وأجيها !

ليه اعوّد لك مدام إن ما ورى المعواد طايل
وش يرّد اللهفة لنفسي على أشياء كنت أبيها ؟

يوجع ، إني في سبيل رضاك سوّيت الهوايل
وأنت مستكثر علي " آسف " و مستكبر عليها

[نَـاصر . @exfiix]

كيف لا مرّ السهر من دونك أستعذب نعاسي ؟
وأنت تدري ما لـ عيني من بعد عينك مسرّه
ㅤ
كل ما طال السكوت بسور صدري طال باسي
كنّي اللي راضي التعذيب من قوّ المضرّه
ㅤ
والله إني ما تحلويت الجفا لو كنت قاسي
« مير قلبي من كثر حبه عجز منك يتشرّه »

[نَـاصر . @exfiix]

لو ان قلبي على اللي صار متعوّد
ما كان شفتي بوجهي اللي تشوفينه

انتي تقولين لي بروح واعوّد
وعيونك تقول غير اللي تقولينه !

__ فلاح القرقاح

[نَـاصر . @exfiix]

أمّلوا بي يوم قالوا كل غايب ياتي
واثر من قفت به الأيام ما تاتي به

مبارك بن رادعه

[نَـاصر . @exfiix]

مستعد ارخص صبا عمري على شانك وابيعه
وش لزوم العمر دام العمر عندك عمر ثاني

محمد بن عديس

[نَـاصر . @exfiix]

تعال ياللي صوتك ومبسمك غير
أخذ الجديد اللي من أقصى المحاني

ماهيب محتاجة لحن بندر عوير
ولاّ سلاسة حبكة .. المطرباني

في حسن هذا الوجه خلّ المعاذير
جات القصيدة كلّها في ثواني

وإن ما ملت الأبيات عين الجماهير
تكمل لا قالت : ذا القصيدة عشاني

[نَـاصر . @exfiix]

من علق أماله العظيم بربٍ عظيم
ماشال حمل الليال السود مهما جرى