NMR

عميق للغايه

[قصايد @hnoof_x]

يا زين طبع الركاده .. والأدب والوقار
ويا شين قوم الكبر والجهل وأسلوبهم

كم واحدٍ كنت أظنه من صفوف الكبار
و إذا تـكلم دريت إنه — من صغارهم

[الله الله .. @u_av11]

اليا تكفكف ظلام الليل متجلي
والبدر كنه سنـا نارٍ ورا تبّه

صليت لي ركعتينٍ مخلصٍ للي
ينجي غريق البحر من حومة الغبه

[NMR @ez_9ll]

@njr_56 الف مبروك يا صديقي

[NMR @ez_9ll]

@51_z1 ههههههههههههههههه وش يعني جست فرند

[الله الله .. @u_av11]

سلّم على اللي يدل القوم فالظلما
ما ياجد الخوف مزبن في معاليقه

يشرب كبار المصايب مثل شرب الما
يوم ان بعض الرجال يغص في ريقه

اهل الحكي فاللوازم تنقلب بلما
وهرج السعه يعسر الرديان تطبيقه

لو انها افصح من ازهير ابن ابي سلمى
تصير مثل العجم في ساعة الضيقه

[- @Dll7n]

أنا لي مواقف واضحه ما عليها غبار
لا منك جهلت أنشد ترا الكل خابرها

أنا أملك كرامة ذات ماهي للأستئجار
تعيش الكرامة لو أهلها بمقابرها

تشيّمت عن درب المهونه والأستحقار
ونفسٍ كسرها الضعف ملعون جابرها

صبرنا وتواضعنا وهذي صفات كبار
وعديم الثقة نفسه ذبحها مكابرها

[جابر بن علوش @J3losh]

انا ابخص الناس في شري وفي خيري
دكتور نفسي قبل دكتوري النفسي

احياناً اشوف شوف العين تقصيري
لو كانت اسهل علي من شربة الببسي

تعبت لا افصل من التفكير .. تفكيري
في القادم المنتظر والحاضر المنسي

اصدق وعودي هي وعودي مع غيري
واكذب وعودي هي وعودي مع نفسي

[الله الله .. @u_av11]

قصر علومك مالنا بالطويله
بعض الكلام اثقل من الدين والهم

المدح لـ اصحاب الفضيله فضيله
والسب مر ، امر واجد من السم

حتى لو تشوفه من اقصى القبيله
اللي يشيل اسم القبيله : ولد عم

قلته وابى اعيده معك كل ليله
وان كان عندك غير ماقلت لك ! قم

[مطر @raiin_26]

لاتغرك قوة الباس والراس الصليب
كثر ماتستر عيوني من الوجد فضحن

كل ماشمس المحبين مالت للمغيب
فك لي ليل المجاريح باب من المحن

وانت من هبت هبوبك وغنّا العندليب
واستقرن في حناياي وامسن واصبحن

كل ما قيل الهوى طيش والفرقا قريب
قلت ما عمر المشاريه داونّ واجرحنّ

[الله الله .. @u_av11]

الادمي من طيبه ومن شيمته
ما يعترف بالكبر في " فقر وغناه

حتى الإمام اليا انتهت تسليمتـه
يدير وجهه لـ الصفوف اللي وراه

[دمــث @v80r_1]

المواقف تبغي هبال ماتبغي عقل
العقل عند الحمايـا يدورله زبـون

[NMR @ez_9ll]

@njr_56 مبروك يا صديقي العالمي 💛💙

[NMR @ez_9ll]

@njr_56 النصر ياخي تكفى كب الشامه

[سعود بن مبارك @Saud_almshly_]

يا عيوني ساعديني على ذرف الدموع
القلوب اللي تكابر يْموت أحساسها

دمعةً وحده تهايق على حد الطلوع
لا تْعود فالمحاني ويكبر راسها

ودي أذرفها ولو تنمزع حدب الضلوع
واتحرر من وجعها ومن وسواسها

آه من زلة سنافي ومن طعنة فروع
وآه من دنياً شربنا الوجع من كاسها

والله أن كبدي من المر و الجاير تزوع
أغصبها للمجامل ويقوى باسها

إنّ تداعَوا للمهونة فانا عنها جزوع
وإنّ تداعَوا للكرامة فانا نبراسها

النفوس تْبين بين التسامي والخضوع
حطّ ميزان المواقف وتعرف ساسها

[خلوها |  @klohaa]

الجيد اللي من خير الرجاجيل
لا يحسب ان سود الليالي تهبه

[مُ. @0kwi7]

@klohaa ما يهتز ضلعٍ من هبوب المخاييل
واللي حماه الله.. عسى الله يحبّه
سود الليالي ما تضد المشاكيل
كم واحدٍ من هولها زاد طِبّه

[عمر الهيت @3alheet]

من يرشي الحكّام ويحب الدعم
ماهو كفو شيل الذهب والاحتفال

النصر ولّع ناره وزاد وشعم
وارهى وسوّا المستحيل من المُحال

يكعم خصومه لا بدا اللازم كعم
ورايات نصره تركز بروس الجبال

بطولة الدوري لها لون وطعم
بالذات لاصارت على ظهر الهلال 😎☝🏻

#النصر_الهلال

[NMR @ez_9ll]

@njr_56 الموضوع منتهي 💛💙

[NMR @ez_9ll]

@njr_56 مسكينةٍ ما ذاقت إلا المرارة