طريقة جديدة لإيقاف حساباتكم في تطبيق #الواتساب
يرسل لك صورة مجرد ما تفتحها يتوقف حسابك انتبه من الارقام الغريبة أو الاشخاص الي يوعدونك بعروض وهمية ولازم يرسلها من خلال الواتساب
تدرون إن استحضار الموت يهذب؟
وإن استحضاره والتفكير فيه، مفيد، بل ويحيي القلب.
الرسول -صل الله عليه وسلم- قال: أكثروا ذكر هادم اللذات.
كان أحد السلف الصالح يقول: لو مت اليوم، ما زدت على جدولي شيئًا.
وعشان نوضح المعنى،
أنت الحين لو أقول لك الأسبوع الجاي اليوم الفلاني الساعة والدقيقة الفلانية راح تموت، شنو راح تسوي؟
هل المبالغ اللي بحسابك راح تكنزهم؟
ولا فجأة ايدك راح تصير مفتوحة وتعطي وتتصدق وتبني مساجد وتحفر آبار وتسدد ديون وعالج مرضى وتفرج كرب؟
وهل وقتك اللي ضايع بالتفاهات،
بيستمر يضيع بالتفاهات؟
وهل سجدتك اللي كأنها رمشة عين،
بتكون رمشة عين ولا بتكون كلها طمأنينة وهدوء؟
وهل بهالأسبوع بتهجر القرآن؟
ولا بتحاول تختمه كل يوم وكثر ما تقدر؟
السلف الصالح هذا اللي سألوه،
قال: ما راح أزيد شي على جدولي.
بمعنى إنه كل يوم يعيشه على إنه يومه الأخير، وهذا جدًا مهم يا أخوان، ويدل على حياة القلب.
عبد الله بن مسعود -رضي الله عنه- قال:
ما ندمت على شيء ندمي على يوم غربت شمسه، نقص فيه أجلي، ولم يزد فيه عملي.
لا تخاف تتصدق،
وإذا عندك المقدرة تخلي الصدقات والكفالة بـ ٥٪ من مدخولك كان بها، إذا تقدر ١٠٪، وإذا تقدر ١٥٪ أو ٢٠٪ أو ٣٠٪،
على حسب وضعك وقدرتك وتذكر إن هذا استثمار، نتيجته مو بالدنيا، بالآخرة.
لا تأجل الكلمة الحلوة، الثناء، الابتسامة، إذا عندك صيام قضاء اقضيه، إذا عندك ديون سددها، إذا ظلمت أحد اطلبه الحل، إذا متهاوش مع أحد روح تسامح معاه ترى أعمالكم أنت وياه اثنينكم ما ترتفع؛ تعلق بين السماء والأرض، ما توصل إلا لما تتسامحون، إذا عندك نقد وأنت تدري إنه ما راح يفيد وبس راح يجرح فاحتفظ فيه ولو كان يفيد قوله بطريقة مهذبة، درّب نفسك على حسن الخلق، لا تكون عصبي، لا تصرخ وتستنفر على الناس، لسانك لسانك انتبه عليه؛ دخلوا النار أكثر أهل النار بسبب اللسان، لا تسب، لا تقذف، لا تغتاب، لا تتهامز تتلامز، لا تلعن، لا تفتي، لا تتقول على الرسول.
عندك مقدرة إنك تقوم الليل؟
قوم الليل.
عندك مقدرة تختم القرآن؟
اختم، مو لازم تنطر رمضان أو جو العبادات الجماعية، بمعنى فيه عبادات تكون سهلة لأن الجو العام يساعد والغالبية يسوونها، مثل أجواء رمضان، ومثل لما تسافر مع أهلك للعمرة؛ شي طبيعي كلكم بمكة راح تقرون قرآن وتجتهدون.
بس هل تدري إن العبادات الفردية اللي تكون عن صدق ورغبة واجتهاد وجهاد نفس هذي أجرها أعظم عند الله؟
لأن مافي شي يشجع، الجو العام جدًا غافل ولاهي، وأنت بنفسك جاي تحرم نفسك من الملذات ومن الدنيا بكل ما فيها بس عشان تقترب من ربك.
عندك مقدرة تصوم كل اثنين وخميس؟
صوم.
أجر الصيام عظيم ومفتوح بلا حصر،
ما راح تعرف مقداره إلا يوم القيامة،
الملائكة تسجل إنك صمت بهذا اليوم ولكن ما تكتب بصحيفتك مقدار الحسنات لهذا العمل -الصيام- لأنها ما تعرف لأن الله راح يجزي الصايم بنفسه بينه وبين ربه بدون ما يكون بينهم أي طرف، وترى كل مرة تصوم تبتعد عن النار سبعين خريفًا.
هذه التغريدة مو صدفة،
اعتبرها رسالة لك،
إذا عندك حسابات ما صفيتها صفها،
ناس لازم تتفاهم معاك، صيام ما صمته، ديون، راجع جدولك اليومي وشوف جم ساعة من يومك لدنيتك وجم ساعة لآخرتك واسال نفسك: لو استمريت بهذا الحال ومت على هذا الحال، بيوم الحساب راح أكون مستانس بجدولي ولا بتمنى لو إني غيرت فيه؟
إذا تحس ولو لمثقال ذرة،
إنك مقصر، وإذا حسيت بهذاك المشهد المهيب المهول -بيوم الحساب- راح تتمنى ترجع للدنيا عشان تغير جدولك وتعوض؟
فأبشرك، أنت الحين بالدنيا،
والورقة للحين بايدك،
ما سلمت ورقة امتحانك،
للحين عندك القدرة على تسليم ورقتك بالشكل اللي يرضيك، استثمر لمستقبلك بوقتك ومالك وأخلاقك.
ليه السعودية ما تنهي الحوثي؟ ميليشيا وما تقدر عليها؟ أسئلة نشوفها كل يوم 🤷🏻♂️ قبل أجاوب خلني أستحضر معك كم محطة
الاتحاد السوفيتي سنة ١٩٧٩ أكبر جيش بري في العالم وترسانة نووية ترعب الكوكب دخل أفغانستان واللي قدامه ناس ما يملكون إلا بنادق قديمة وجبال السعودية ما أرسلت جيش دفعت الدولار مقابل الدولار مع أمريكا ووصل للأفغان صاروخ اسمه ستينغر يصيد الهليكوبتر عشر سنين وطلع الجيش الأحمر مهزوم وبعدها بسنتين ما عاد فيه اتحاد سوفيتي وأمريكا نفسها راحت لنفس الجبال سنة ٢٠٠١ وطلعت بعد عشرين سنة بنفس الطريقة
ارجع معي للعراق سنة ١٩٨٠ صدام شاف إيران خارجة من ثورة جيشها مفكك وضباطها مطرودون قال أسابيع وأرجع رجع بعد ثمان سنين بمئات الآلاف من القتلى وديون أكلت البلد وبعدها بسنتين دخل الكويت عشان يسدد وعرفنا كيف انتهى
الحرب ما تُقاس بحجمك ولا بكم تملك الفيلسوف سون تزو قبل ألفين وخمسمئة سنة قال أعظم انتصار هو اللي ما يحتاج معركة وكلاوزفيتز قال الحرب استمرار للسياسة بوسائل أخرى يعني اللي يدخل حرب بلا سياسة يدخل بلا طريق رجعة
طيب والحوثي؟ تعال وخلني أوريك وش يتمنى الحوثي يصحى كل يوم يدعي إن السعودية تدخل اليمن بجيشها لأن هذا اللي يوحد له القبائل اللي تكرهه ويصدّق شعاره عن العدوان ويحوله من ميليشيا تسرق بلد إلى مقاومة تدافع عنه ولهذا يرمي على المطارات يستفزك عشان تعطيه الحرب اللي يبيها
وفي الحديث: لا تتمنوا لقاء العدو واسألوا الله العافية فإذا لقيتموهم فاصبروا السعودية ما تتمنى اللقاء ولما يجي تصبر وتعرف تديرها بإذن ربي ومن ٢٠١٥ وهي تعترض وتحاسب كل منصة
وبعدين لاتنسى عندها شي ثاني
الحوثي ما عنده مبادئ السعودية ترد على الصاروخ بمنصته مو بالحي اللي يتخبى فيه ولا تحاصر شعب عشان تكسر ميليشيا واللي يشوف هذا ضعف ما يعرف الفرق بين دولة وعصابة
الشاهد الحوثي ينتهي على يد يمني واقف على أرضه في المخا وباب المندب وتعز
والسعودية فوقه بالطيران لا لدخول حرب بل لمنع منصات الصواريخ من الإطلاق ولتغطية اليمني اللي يتقدم على الأرض وهذي أقسى حرب عليه لأنها ما تعطيه اللي يتمناه يبي صورة عدو كبير يقاتله عشان يتحول من ميلشيا الى مقاومة
نستذكر في اليوم الوطني، ما قامت عليه هذه الدولة المباركة بفضل من الله ثم بعزم وقيادة الملك المؤسس عبدالعزيز بن عبدالرحمن - طيب الله ثراه - وسواعد أبناء الوطن المخلصين من أُسس راسخة لحفظ العقيدة وإقامة العدل، ونسأل الله أن يديم على بلادنا أمنها واستقرارها وازدهارها.
بدأت بفكرة، وبُنيت على اقتراحاتكم..
منار، أضخم تطبيق إسلامي على الإطلاق، صمم لتسهيل كل العبادات وطلب العلم والدعوة وبعدة لغات.
التحميل متاح لكل الأجهزة:
https://t.co/e8mjsVU4uA
ملاحظة:
أشركنا بالأجر كل من يساهم بالنشر، والمؤمنين والمؤمنات احياء واموات.
كنت ملتزمة بالصلاة الابراهيمية،
لأني أحب الرسول جدًا اللهم صلي وسلم عليه، وأبيه يعرفني، وأولى الناس فيه هم اللي أكثروا الصلاة عليه فأنال شفاعته، وأيضًا طمعًا في الأجر، لأن بكل مرة أصلي عليه،
الله -عز وجل- يصلي علي عشرًا،
وأرتفع عشر درجات،
ويكتب لي عشر حسنات،
ويمحو عني عشر سيئات.
كنت أقرأ عن قصص المعجزات اللي تحصل للناس بسبب الالتزام فيها،
لكن أنا كنت مطفية راسي،
ما كنت أبي شي معين،
يعني عرفتوا اللي حيل حيل راضية بحياتي؟
والله لو تحطوني بخيمة بنص البر ودام إني بلقى قوت يومي وآمنة في سربي ومتعافية في جسدي إني راضية، فكنت ملتزمة فيها مو من باب يا ربي سو لي أشياء حقق لي المعجزات اقلب الموازين من أجلي استجيب دعواتي، لا!
ما أجرب الله أنا، ما أختبره، الله قادر على كل شيء، وله حكمته.
الشي الوحيد اللي نويته من بعد الأجر؛
إنه يا ربي أبيك أنت تختار حياتي وتيسرها وتسيرها -أبي الاثنين: التيسير والتسيير- بطريقتك وتدبيرك، أبيك تختار لي وما تخيرني، أبيك ما تخليني لنفسي، لا تكلني إلى نفسي طرفة عين، فأنا قليلة البصيرة وأنت اللطيف العليم الخبير.
اليوم؟
الحمد لله حصل لي أمر،
وأعتقد القادم من حياتي راح يكون حافل بالتطورات والقفزات، لأني واثقة فيه.
لو أقولكم تسلسل الأحداث وإعجاز القدرة الإلهية وكم التسخير اللي شفته بحياتي؟
والله ما راح أخلص.
يا ناس!
أنا مرات داخليًا أحدث نفسي للحين ما نطقت بالكلمة، أقول لنفسي: الله يا ليت عندي فلوس وأطلب قهوة.
فجأة؟ تحويل من أبوي أو من خواتي.
فجأة؟ أحد عازمني على قهوة.
أقول: الله يا ليت لو أختي تجينا مع بناتها اشتقت لها.
ما يمديني إلا بعد ساعة، أختي تسجل دخول هي وبناتها 😂
أقول: من زمان ما غيرنا جو يا ليت لو نسافر.
يجي أبوي من نفسه مع إن ولا وحدة من خواتي قالت له يبا سفرنا لأن أبوي عنده التزامات وورانا عرس أختي وهو اللي راح يلبسنا من إلى ويساعد أختي فالظروف ما تسمح، يجي ويقول لنا: بحجز يناسبكم التاريخ الفلاني؟
فعلًا فعلًا استشعرت فضل الله علي،
صرت أشكره على كل شي.
أقعد من النوم؛ أشكره.
أشوف أمي وأبوي وأبوس راسهم؛ أشكره.
آكل؛ أشكره، أشرب؛ أشكره.
تعلمت لي معلومة جديدة؛ أشكره.
أقرأ القرآن؛ أشكره -نعمة الهداية والقرب منه من أعظم النعم، نعمة اعتناق هذا الدين العظيم من أعظم النعم، أعظم من نعم المعافاة في البدن والسمع والبصر ومن أخذ الكفاية من الأكل والشرب والأمن والأمان-.
أغرد تغريدة أوعي فيها الناس وإن عندي فرصة أدعو إلى الله وأعداد تقرأ لي وتستفيد مني؛ أشكره.
انزين شلون أشكره؟
وشنو نتيجة الشكر هذا؟
أشكره أقول: الحمد لله، شكرًا يا رب.
وأكثر من الباقيات الصالحات لأنه يحبهم: سبحان الله والحمد لله ولا إله إلا الله والله أكبر ولا حول ولا قوة إلا بالله العلي العظيم.
وأيضًا من الحبيبتان إليه: سبحان الله وبحمده، سبحان الله العظيم.
وأيضًا أستغفره بأكثر من صيغة وأسبحه كثيرًا بأكثر من صيغة، وأحاول كثر ما أقدر اللي أقدر عليه من النوافل أسويه لأني أبي أتقرب منه.
هذا بخصوص الكيفية،
أما عن النتيجة،
فالتغريدة كلها عن النتيجة،
تسخير عجيب وكفاء الهم،
والقبول بين الناس،
والأحلى منهم كلهم؟
يخليك تحبه إلى درجة تفك تعلقك بجميع المخلوقات والجمادات والمناصب والتطلعات والرغبات، لا ترغب بأي شيء،
لا مال ولا جاه، لا نفوذ ولا سلطة،
فكيت تعلقي من أمي وأبوي وأخواني وخواتي،
وأساسًا ما كنت متعلقة برفيجاتي،
فكيت تعلقي من رغباتي الدنيوية،
صرت أطمح بدون ما أتمسك بالطريقة اللي تأذيني.
وسبحان الله؛
والله العظيم وعلى ما أقول شهيد،
إن فعلًا أشوف الحديث يتطبق على حياتي ومجرياتها: أتتني الدنيا وهي راغمة.
كل شي يجيني لي عندي، بدون تعب وبذل جهد!
@albadi46556@brh320936564137 الثعلبة مرض مناعي روحي المستشفى عشان يصرفون لك العلاج و بإذن الله يرجع شعرك ، و اهتمي بأكلك و صحتك النفسية و الله يشفيك و يعافيك يارب امين