فهد المطيري

[فهد المطيري @fa60x]

اللهّم كن له انيساً ، وبه رحيماً ، واشمله بالعفو والإحسان والغفران ، اللهم أرحم عمي حسين رحمةً تطمئن بها نفسه وتفسح له في قبره وتؤنس وحشته وترحم غربته واجمعنا بجنتك.

[عبدالله" @an26x3]

ضحيت بالواقع على شان الاحلام
وضحيت بالغالي على شان غالي

حتى الغرام اللي كسر قلبي العام
ماني بحاله كان ماهو بحالي

ماينحسب عمر البنادم بالاعوام
بعض السنين نعيش فيها ليالي

وجه التشابه بين قلبك والايام
القلب خالي والليالي خوالي

[عبدالله" @an26x3]

يا ملهم الأفكار للذكرى الى منك طريت
عرفت وش وقع الصبر على النفوس الشاكره

اسج واضحك واتظاهر للعيون اني نسيت
ولا انت شي تبطي ايامه وهو فالذاكره .

[فهد المطيري @fa60x]

@mutairi74x صح السانك🤍

[مطلق جمعان بوسمري @mutairi74x]

كل الامور اللي تجينا مقادير
تدور فينا الارض وندور فيها !
ٰ
يـ الله براحة بال وبخاتمة خير
وأعمال قبل الموت نحسد عليها !

[عبدالله" @an26x3]

مافات مات ولاتكاثر بشرهتك
ولا تلتفت للي يحسّب خراجه

وترا الكرم ماهو على كبر مدتك
لاصار ضيفك ماتضّحك حجاجه

وترا الغرور وشوفة النفس موتتك
حرام عند الترمذي وبن ماجه

وصلاة ربك هي حياتك وجنتك
و سنة نبيه .. كلها و انتهاجه

[فهد المطيري @fa60x]

ماني وكيل ادم على كل من خاب
من طاب طاب ومن تردى تردى
.
اللي يبي يزعل بلا ذنب واسباب
درب السلامه مـر وإلا تعـدى .

[مطلق جمعان بوسمري @mutairi74x]

على النقا نبقى ولو عاقنا عوق
ويبقى الوفا منا و فينا و إلينا

ووجيهنا بيضا و هاماتنا فوق
وإن ضاقت الدنيا ما ضاقت علينا

[عبدالله" @an26x3]

البارحه مرّت الذكرى وصار الجدال
مابين حب القلوب وبين فكر العقول

مابين ذل السؤال و بين عز السؤال
تمرجحت يـ عسى غيبتك ماهي تطول

لو لي ثلاثين بال تمرّ في كل بال
كنّك موصى على بالي وطبعك عجول

[فهد المطيري @fa60x]

ً

[فهد المطيري @fa60x]

.

[فهد المطيري @fa60x]

.

[فهد المطيري @fa60x]

@an26x3 صح لسانك👏

[فهد المطيري @fa60x]

ياقلبي احفظ مابقى " من وقارك "
قد قلت لك من ذيك الايام حاسب

اللي مهوب يصعب عليه انكسارك!
من ضيقته ورضاه وش انت كاسب

اهم حاجه فالحياه .. ( اعتبارك )
وفالحب نسبة " كبرياء " وتناسُب

واللي يبي فرقاك ! .. قلّه: قرارك
واذا تشوف انه مناسب ! مناسب.

[فهد المطيري @fa60x]

تردنا الشيمه مع من ترده
من قولة أنجزها وعجل عليها

وجميلنا اللي نفعله ما نعده
حتى لو أن الأحوال فيها وفيها

أليا غرسنا غرسة يوم شده
ما حن بنقعد كل يوم نجيها

أليا أثمرت زدنا الموده موده
وأن كان ماتت قبرها يحتريها

فكم من حصان كان وده ووده
وما جات له الدنيا على ما يبيها .

[فهد المطيري @fa60x]

السيف يفرق بين عرضه وبتار
وخوة مواقف غير خوة تعاليل

خلك من اللي خوته كلها اعذار
اللي ماينفع غير لـ مسامر الليل

وجرب وكلمني ليا صار ما صار
عشان اعلمك بس فرق الرجاجيل.

[فهد المطيري @fa60x]

@mutiri32 علينا وعليك يتبارك وعساك من عواده 🌹

[فهد المطيري @fa60x]

@sot73x تصفق بنا الأيام ونقول لاباس
الصبر لكبار النشاما اجبله

حنا عزاز إنفوس مانعرف الياس
هقواتنا مثل النجوم المطله

مانتبع التاجر ولا نحني الراس
ماينحني الابخوف ٍ من الله

نصافح المجد المسمى بالاخماس
ويخضع لنا التاريخ دقه وجله

وإن قلة الحيله والارياق يبّاس
نضحك ولو فالصدر عله وعله

[فهد المطيري @fa60x]

تدور الليالي و البشر بين طاح وُ قام
ويدين الخلايق بين نشطه ومشلوله

شوارب توطيها المواقف تحت لـ اقدام
وشوارب من الموقف والافعال مفتوله