Fady

✨ Accept the things you can’t change. Have the courage to change the things you can...and have the wisdom to know the difference. ✨

[𓂆 🪿 @_nqdq]

صلاح عملهم بعينه كذا مرة عشان يسلمو على الولد وبردو مفيش انعدام احساس او وقاحة عامة nice gesture عامة من صلاح

[قاسم @Al_Qasem]

اللي مخلي كايروكي -في رأيي- افضل منتج للموسيقى حاليا حاجتين:
١. هما فاهمين مزيكا، عارفين القواعد الأساسية وكل نغمة او صوت بيوصل أي شعور، وده بيخلي توليفتهم طالعة مظبوطة وبتوصل المشاعر بدقة
٢. هما صادقين، مؤمنين باللي بيعملوه ومش بياكلوا عيش، بيعملوا اللي حاسين بيه فعلا

[Fady @fadyalaaedward]

@IDEAL_TYNDAMAGA المعبود رع بيقول لع

[عَابدِين @its_abdeen]

هواري من سنين فاتت، وهواري لسنين كتير جاية.

مبدع فشخ، وفنان عظيم بكل ما تحمله الكلمة من معنى، من أكتر الناس اللي موهبتهم بتخليك تستغرب إزاي حد ممكن يبقى عنده الحس ده كله، وإزاي الموسيقى بالنسباله تبقى سهلة وبسيطة بالشكل ده.

من وجهة نظري، هواري كان ولازال أهم فرد في باند كايروكي، مش مجرد موسيقي شاطر أو حد بيعرف يعمل لحن حلو، لأ.

تحسه عايش جوا دماغه في عالم تاني، بيسمع الأغنية قبل ما تتعمل، وبيدندن أفكارها بكل سهولة، لحد ما يحوّلها لحاجة فيها روح وشخصية وذاكرة وإحساس، ودي في رأيي واحدة من أعظم مواهب أي موسيقي.

والأهم من كل ده إن فنه له بصمة، تسمع شغله فتقدر تحس إن ورا الموسيقى دي عقل معين، وذوق موسيقي له شخصيته، ودي مش حاجة سهلة خالص؛ إنك تبقى قادر تعمل موسيقى حلوة دي موهبة، لكن إن يبقى ليك صوتك وبصمتك الخاصة وسط كل اللي بيتعمل حواليك، دي حاجة أكبر بكتير.

هواري مش مجرد جزء من نجاح كايروكي بالنسبة ليا، هو واحد من أهم الأسباب اللي خلت للمشروع ده شكل وصوت وروح مميزة، وموهبته من النوع اللي الزمن مش بيقلل منها، بالعكس، كل ما تسمع شغله أكتر وتبص على اللي عمله على مدار السنين، تستوعب أكتر قد إيه الراجل ده فنان.

شريف هواري فنان عظيم. عظيم فشخ.

[عاصم @Assem25D]

إمبارح جالي إحساس من زمان مش موجود، هو إن لسه نقدر نعمل فن بإمكانات عادية جدا، من غير AI ومن غير إنتاج عالي السعر ورخيص الجودة، ممكن حد يطلع يحكي حكايتك أو حكاية تصدقها، وممكن حد يقدر يقول كلام كويس.
شكرا أمير عيد

[M O H A M E D . A D E L 🎸 🎬 🛹 @MohamedEix]

أستاذ محمود عزب ❤️❤️

[Fathy AbouHatab 🇨🇦🇪🇬 @FathyAbouhatab]

بصراحة يعني دنيا رزلة،
شكلها ugly شبه التيسلا،
شبه ترامب فاست فود junk،
منفوخ بس ملوش لازمة.

من ألبوم #أمير_عيد #كايروكي الجديد.

https://t.co/IIKzPkchsR

[Ahmad @Ahmad72587905]

حاولو تفهمونى مين العبقرى فى تواجد عزب شو
مع كاريوكى. هارمونى غريب. بس جميل

[Aristotle @aristotlewander]

لازم تبقى ال album hit والله

[Sir / عمرو @CallMeAmro]

الشباب دول عباقرة بجد، سواء اتفقت او اختلفت مع بعض او كل محتواهم لا يمكن تغفل دكاءهم في إيصال الرسائل وجرأتهم في الطرح، غير انهم اثبتوا ان الإبداع اهم بكثير من ضخامة التكاليف والانتاج، بإمكانيات متواضعة صنعوا عمل جذب المشاهد من كل انحاء العالم العربي وبنوا قاعدة جماهيرية ضخمة.

[Monica Hanna @monznomad]

اكتر جملة ضحكتني انهاردة سمعتها لشاب يمكن مكملش ٢٠ سنة عند مجموعة توت عنخ أمون، بينده صاحبه وبيقوله، "شفت يا عم، مصر طلعت جامدة قوي" ❤️

[Monica Hanna @monznomad]

The Grand Egyptian Museum today 🇪🇬

[Ahmed Farghal @AhmedSoliman]

محدش بقى عايز / يقدر يتفرج على فيديوهات طويله مفيدة خلاص. كله بقى مش مستحمل يتفرج على حاجة اطول من ال shorts بسبب ادمان الدوبامين بتاعها. الله يخرب بيت اللي عمل في الناس كده و الله. كل مابعت لحد حاجة يقولي انه فيديو طويل اوي قوللي الملخص. اقولك الملخص؟ انت بقيت علق!

[Abdel Hamid Ahmed Hamdy @ahamdyos]

الواحد مهما عاش هيفضل يندهش!
خنجر توت عنخ آمون كان دايما محير بتوع الاثار والعلماء:
إزاي في عصر البرونز يبقى فيه حديد مصقول بالشكل ده؟
فضل اللغز ده شاغل العلماء لغاية سنة ٢٠١٦
لما فريق من جامعة ميلانو عمل تحليل بالأشعة السينية وأكد إن الخنجر معمول من نيزك وقع على الأرض!
وبعدها في دراسة أحدث سنة ٢٠٢٢ من اليابان، اكتشفوا إن فيه نقشة اسمها Widmanstätten pattern، ودي علامة مميزة للنيازك الحديدية اللي جاية من حزام الكويكبات بين المريخ والمشتري-
الأغرب؟ أن المصريين القدماء مسيحوش الحديد، سخنوه أقل من ٩٥٠° مئوية وطرقوه يدويا لحد ما بقى بالشكل المدهش ده.
توت عنخ امون كان شايل سلاح حرفيا من خارج الكوكب
#تاريخ #أسرار_القدماء #الفضاء

[Tarek @aladdin__T]

تُحسب للشباب، الدخول على السوق المصري بمجهودهم الخاص...من دون أي رشّة تنازلات