Fady Farouk

[Fady Farouk @fadyfarouk3]

ف الطريق للكنيسه بدأت الالعاب الناريه تنطلق. اول مره مفرحش بالمنظر والصوت
اصوات مشابهه بيسمعوها اخواتنا في غزة والسودان ولكن بمشاعر خوف وانتظار الموت مش مشاعر بهجه
تخيلت نفسي تحت نفس الظروف وقولت:

لو هيبقى فيا باقي
تحت كومه من الركام
يبقي هتمنى .. أماني
يبقي هتمنى السلام

[Fady Farouk @fadyfarouk3]

البراءة..
طفل باسم بين جناين م الزهور
البراءة
ضحكة ف عيونه البسيطة
قبل ما يطول قلبه حاجة من الضمور
البراءة
كان مكانها طبيعي تفضل ف الحياة
بس طلعت موضة تبقى .. ف القبور ...

سلام لارواحكوا البريئة .. الزمن طبعه يدور ..
ربنا له ميت طريقة .. يقلب الضلمة لنور ..

[Fady Farouk @fadyfarouk3]

ليا مكان وفوقيا سقف
وغيري عايش تحت قصف !
عاجز وتفكيري وقف ..
غايب يا عدل ف ارضنا
ليه النصيب لما اتقسم
ضهر اتسند .. ضهر اتقسم..
عتابي من كتر العشم
يااللي انت عارف ضعفنا ..
ليه ابقي لاقي مكان اعيش
وغيري مش ضامن يعيش!
مكتوب يا ظلم متنتهيش؟
ولا الامل راجع لنا؟

[Fady Farouk @fadyfarouk3]

ويرمونا بكلام جارح
ونتحمل ف صمت عشان
محدش عارف امبارح
محدش عارف اللي كان
محدش شاف جبل احزان
ورا البسمه
ومش شايفين عشان فاكرين
بإنك راضي بالقسمة
ومش شايفين
صراعك ويا اوجاعك
وكام واحد ف قلب المعركة باعك
نصيبنا من اللقا خسارة
وحلم ضحية السرقه
بلاش ترمونا بحجاره
عشان متكسرين خلقة

[Fady Farouk @fadyfarouk3]

اللي رغم سنين شقاهم
والهروب م اللي اذاهم
لسه مش لاقيين دواهم
ف الهروب والاصطناع

اللي وصلوا بس للي
كان ف كوابيسهم تملي
لعنه الايام تخلي
كل شئ رهن الضياع

اللي مات الحلو فيهم
بس عاش جرح ف ماضيهم
واتكتب ف الباقي ليهم
عيشة عنوانها الصراع ...

[Fady Farouk @fadyfarouk3]

اللي ف الاحزان قدرهم
واللي بيصارعوا ف مرارهم
اللي راسمين ابتسامة..
رغم كل جرح صابهم

اللي عايشين يوم بيومه
رغم امطاره وغيومه
قلبهم اغلب همومه
انه مش ماشي ف مسارهم ...

للاسف ماشيه الحياه
ماشية .. عكس الاتجاه
قلبهم واقف ف اخر
لحظة فيها الفرح زارهم ..

فادي فاروق

[Fady Farouk @fadyfarouk3]

اللي ف الاحزان قدرهم
واللي بيصارعوا ف مرارهم
اللي راسمين ابتسامة..
رغم كل جرح صابهم

اللي عايشين يوم بيومه
رغم امطاره وغيومه
قلبهم اغلب همومه
انه مش ماشي ف مسارهم ...

للاسف ماشيه الحياه
ماشية .. عكس الاتجاه
قلبهم واقف ف اخر
لحظة فيها الفرح زارهم ..

فادي فاروق

[Fady Farouk @fadyfarouk3]

@MagedAdel2 تويتر ده احيانا بينفع .. وفرحت انك ظهرت اخيرا يا ماجد ولازم نتقابل اما اجي مصر

[Fady Farouk @fadyfarouk3]

للتوضيح: المضمون هو دعوه للاحساس بالمظلومين والمتألمين.. مش سوداوية أو كآبه .. المتألم شخص له الحق ف الفضفضة
لو مش قادر تسمعه متطلبش منه ينسى لان دي حاجه قد تكون مش ف ايده ولا يقدر يحققها بنفسه .. ادعمه باللي تقدر عليه .. إظهار المحبة في اي شكل هيكون له تأثير ايحابي حتى لو بسيط

[Fady Farouk @fadyfarouk3]

مش كل الم بيخف .. ومش كل حاجه ينفع تتنسي
كلمه ’’انسى’’ طلب قاسي ومش منطقي

الانسان مش هينسى بس هيسكت .. هيفضل يشتكي يعني؟ اكيد لا .. هيبدأ يخفي وجعه عشان ميتشافش ضعيف وشكاي .. وعشان ميسمعش ’’انسى’’ و ’’كل حاجه بتعدي’’ ..
وهنا بيبدأ المرحله الاصعب من الالم .. انه يشيله لوحده ..

[Fady Farouk @fadyfarouk3]

مش كل الم بيخف .. ومش كل حاجه ينفع تتنسي
كلمه ’’انسى’’ طلب قاسي ومش منطقي

الانسان مش هينسى بس هيسكت .. هيفضل يشتكي يعني؟ اكيد لا .. هيبدأ يخفي وجعه عشان ميتشافش ضعيف وشكاي .. وعشان ميسمعش ’’انسى’’ و ’’كل حاجه بتعدي’’ ..
وهنا بيبدأ المرحله الاصعب من الالم .. انه يشيله لوحده ..

[Fady Farouk @fadyfarouk3]

علي مايدة واحدة يسوع مجمعنا ..
رغم اختلافنا .. ومهما حالنا يكون
فينا اللي علي صدره الحنون اتكى
فينا اللي خايف..
واللي ناوي يخون ...

فادي فاروق

#خميس_العهد

[Fady Farouk @fadyfarouk3]

يا كل حد اتكتب يكتم ف قلبه كتير
و كل عقل اتأذى من قسوة التفكير
يا كل الخسرانين الحق ف الفضفضة
يا كل المجبرين علي اصطناع الرضا
هل كل فرصه تروح ع الارض متعوضه؟
ولا ف عدل السما يمكن نصيبنا كبير؟

فادي فاروق

[Fady Farouk @fadyfarouk3]

بالميلاد .. يملانا نورك
بدّل الحزن بسرورك
ضعفنا .. قوة بحضورك
طبعنا .. جددته فيك

بالميلاد نوّر قلوبنا
بيّض الاسود ف توبنا
كل ضعافتنا وعيوبنا
تتشفي بلمسة إيديك

عيد ميلاد مجيد ٢٠٢٣

[Fady Farouk @fadyfarouk3]

مافيش حاجه اسمها "ذكرى"
بتيجي .. بس سنوية
في ذكرى كل يوم عايشه
لا يمكن تبقي منسيه

بدون صورة
بدون كلمه تفكرنا
محبه جوه محفورة
ف خدمتنا .. وافكارنا
شعور الفقد مش ساهل
شعور الفقد كسّرنا...
وكل اللي بنتمناه
تصليلنا
عشان رغم اللي بنقوله
مافيش حاجه تصبرنا ...

فادي فاروق

[Fady Farouk @fadyfarouk3]

يا حاسس بالانين جوه
وعارف كل شئ جوه
خلاص مافاضلش م القوة
بواقى تكفي للي جاي..

يا عارف بالألم وحدك
وكل المحظوظين .. عندك
بلاش تسمح بقى لعبدك
يعيش ميت .. ووجعه حي

فادي فاروق

[Fady Farouk @fadyfarouk3]

ماشي الشيطان و ف ايده سيف اتسل
شافوه وكالعاده قالوا عليه مختل!
مجنون وهينقي بيقتل مين؟!
ولا علي المجانين قتل المسيحي سهل؟

ياللي انت فاكر ان قتله نجاح
اللي زارع خير عايش وعمره ما راح
انت انتهيت .. وسيرته هتكمل
وبكره يتحول حزننا لأفراح ..

اهداء لروح الشهيد القمص ارسانيوس وديد

[Fady Farouk @fadyfarouk3]

احنا عايشين بس روحنا
ف السما متشعلقة ..
احنا جزء كبير فارقنا
ومش كتير فينا بقى ..
م الفراق دوقنا وشبعنا
إمتى نتجمع بقى ؟؟

فادي فاروق

[Fady Farouk @fadyfarouk3]

سلام يا ملاك ف توب انسان ..
الارض بير .. ضلام .. وحلة
الارض ظلم وقهر يا ريّان ..
بس السما .. اكيد احلى

فادي فاروق

اهداء لروح الطفل ريان المغربي .. ولكل الاطفال ضحايا الظلم والحروب والاهمال ...

[Fady Farouk @fadyfarouk3]

@magedabdelmaseh حزين عليه جدا .. كان بيقاوم وصامد لاخر لحظه ..
افتكرت قصه الطفل ايلان السوري اللي مات ف غرق قارب لاجئين ولقوه ع الشط .. ربنا يرحم كل طفل فقد حياته او عاش مصاب بسبب الاهمال والحروب والظلم ...

[Fady Farouk @fadyfarouk3]

ميلادك نور لاراضينا
سلام للكون
رسالة تطمن الخايف بإنك حى

ميلادك شئ وهب لينا
رجاء مضمون
يزيد الضيق لكن عارفين خلاصك جاي

فادي فاروق
النمسا - ديسمبر ٢٠٢٠
عيد ميلاد مجيد

[Fady Farouk @fadyfarouk3]

يا كنيسة يا قويه برهبانك
بالصلاه المرفوعه منهم كل حين
زادوا الورود وردة ف بستانك
كبرت ف حضن الآب وحضنك من سنين

خلي دمع عنيكي من حزن الفراق
يروي جوه قلوبنا نبت الإشتياق
للسما ..
للراحة من بعد العناء
للقا بالقديسين ..

ذكرى اربعين الصديق الغالي الراهب صرابامون السكندري (بيشي)