فلحان الذيابي

[فلحان الذيابي @falhan91]

@Mtab454 هذا الشاعر والرجال ليا قالوا شاعر ورجال

[المحاورات 🇰🇼 @almhawrat]

قيل ماهو اعظم الشعر

قال هو من يوصل قلوب الناس

سهولة المفرده احيان تأتي بالابداع

ويسمى شاعرها السهل الممتنع

[جمعية الخدمات الإنسانية بالسالمية @salmiah_10]

بدء توزيع السلال الغذائية للمستفيدين من خدمات الجمعية. نسأل الله أن يحفظ بلاد الخير وان يعود ذلك بالنفع على المستفيدين وأن يجزي من ساهم في ذلك خير الجزاء
#العشر_lلاواخر_من_رمضان

[Wird Academy | أكاديمية وِرد @wirdacademy]

"#ركبة اليا قالوا "رُكْبَهْ" .. ركبه على اسمها .. السِّهْلَهْ اللي مافيها حصى..الارض البِيَان اللي مافيها ضلعان .. واليا خالطت الضلعان انتهى اسمها وراحت الارض باسامي الضلعان كل ضلع باسمه .."

انطلقنا في رحلة ميدانية ونزلنا ضيوفاً على الشيخ عبد الله بن فلاح #الذيابي الروقي العتيبي ، في #السالمية من #وادي_العقيق ( عقيق عشيرة / شمال شرق #الطائف) يوم الجمعة 20 مارس 2020م ، فسالته عن #الأرض و #النبات و #المواقع_التاريخية حوله ، وكان بيننا هذا الحديث:

قلت : "السالمية من هي عليه يابو بدر؟"
قال : "على ذوي سويلم من الذّيِبَه"

- "طيب.. علّمني عن الديرة ومواردها يوم انكم #بدو، الماء واجد؟
- "..ماش ماء الا #المَشْوِيَّه و #الحَفَاير و #عْشَيْرَه ..هذي مواريد #العرب من اول ..هذي #مواريد_البل من اول ..ابوي يقول حنا نَصْدِر من المشويّه ومَضْمانا #بِسْيَان ..و #حْلِمَه ..و #جْبُوَات ..يقول مضامي البل ..من الخامس الى الخامس .. خِمْس ونِرِد ..واهل #تَنْضِبَه يناشرونهم هْنِيَّاه في صدور #الشِّقَّان ومنها وغادي..
واللي يِرِد هْنَأ واللي يِرِد هْنَأ.. وهذي مَضْمَاه ..الديره هذي مَضْمَاه ...والبل تِضْمِي على #السِّدْس .."

- "طيب .. علمني اليا قالت العرب "#ركبة" وشهي ركبة ووين حدودها ، انا نشدت عنها من الجنوب وعلموني .. وأنتم أهلها من شمال وابيك تعلمني."
- ركبة اليا قالوا "رُكْبَهْ" .. ركبه على اسمها .. السِّهْلَهْ اللي مافيها حصى..الارض البِيَان اللي مافيها ضلعان .. واليا خالطت الضلعان انتهى اسمها وراحت الارض باسامي الضلعان كل ضلع باسمه ..
…من يوم تطلع من #القْرِشِيَّات متجه #للرياض يسارك ويمينك هذي ركبه ، على بِسْيَان على #الخمس على #الثلاث على #وِحِل على #النَّفْرَاء …هذي ركبه .. . و العقيق ماهو من ركبة .. من يوم تطلع من عشيرة لين تصل #رضوان ومن ورا رضوان تبدا دْيَر ثانية .. ويحفّها الضلع #ضلع_البقوم جاي .. هذي كلها ركبة...وهي من يم وِحِل .. تغاريز ونفيّد من أول اهل الدداسن ماياطونها ..اليا منهم وطوها لاعاد تنشد عنهم مايطلعهم غير ..

- عسى الأرض ماتخلا منك .. طيب علمني عن أوديتها! .
- ولا منك … أودية ركبة سِيْحَان ..تضيع اوديتها من دون القرشيّات ، ثم اليا جات سيول ثم ترابطت عانها تجيك ثم تحدر الاودية هَاذِيَّهْ .. وتنتهي من دون #سبخة_المقيطع ، ماتصل المقيطع .. لا ، من وِحِل وجاي ومن #كْحَيْلات وجاي.. ..القرشيّات تسيل و تْسَايِح وتجيك من عند الأبرق ، الابرق شرق من عشيرة ، ثم تروح سِيحان وتفرّق ، لين توصل من دون #العِطِيف ثم تجي من عند خشم #الحِجْبَة وتروح ..

- "طيب .. ابي انشدك عن مواقع تاريخية حولكم يطرّونها الصحابة والاولين ولا ندري هي باقيه على اساميها ، والا جات عليها اسامي جديده و دفنتها؟ .. فيه موقع حول العقيق يقاله "العُرف" تعرفه ؟ ( خَفافيّة بطن العقيق مصيفها وتحتلّ فى البادين وجرة والعُرفا)

قال - "#العَرْف العَرْف ..ماهو العُرف ..العُِرف يمّكم هنأ .. هذا العَرْف العَرْف".

- " ابوك للجنّة .. العَرْف .. وينه العَرْف هَذَا و وشنهو ، وصّفه وصف #بدو"
- "العَرْف ..زِرِيْب(ن) قَايْدَه ..زرايب(ن) تنقاد وتنقطع.. صمدٍ واحد ..حزمٍ واحد ..مْقَدَّى ..مخالطه رمل ..فيه بُرق .. عرضها يمكن اثنين كيلو ..وطولها يمكن عشرين كيلو .... من تحته الحِجْبَه .. ..شمال من العطيف .. ومن مكانّا ذا ( بركة العقيق / غمرة) جنوب شرق عنّا من الثلاثين كيلو وجاي .. هذا العَرف اللي نعرف ولا فيه عَرْفٍ غيره..حد #وْهَطَه من #سَمْرَة ."

"الوَهَط من غادي .. تحدّد له؟."
"#الوَهَط من #حبال_الصّْمَيْع ، يقولون لها حبال الصّْمَيْع ، تحده من #الثلاث وغادي ..فوق خمسه وعشرين كيلو ثلاثين كيلو..يقف عنك #السَّمْر وتبدا في #شجرة_الوَهَط مالها خِلِيط ، وتروح الوْهَطَه تِسْتِنِد اليا العِطِيف ، هي جايه طول مثل المسايل .. ومن شمال يكفّها بِسْيان ، تِقِف في بِسْيَان والحْلِمَه والديره هذيك ..صار الوَهَط من بِسْيَان وجنوب غربي الى العِطِيف ، ويكفها العَرْف منيّاه ويحذفها غادي ... من دون العَرف مافيه وَهَط ..العَرْف حد بين الوَهَط والسمر ، وهوه - الوَهَط - منتشر ويجيله مفارق واودية وقُوَّام (ارتفاعات )، وهوه كل شَرْتِه وْهَطَه ، من اول يوم يضرمّون #البل مايضرمونها غير منه . ..اما السمر مولّع في ركبه كلها من تالي … لين تقطع الشِّقان ثم ينقطع السمر وتصير في الوَهَط .. تصير شجرة الارض وَهَط ، من هنا تمشي عشرين خمسه وعشرين كيلو تبدا في الوْهَطَه .."

" عسى الأرض ماتخلا منك يابو بدر .. والرمث له طاري"؟
"ولا منك … #الرمث ماياجد في الديرة ذي ولا يذكر ..الرمث عانه من دون عشيرة والصبخاء ..ولانعرفه الا من كْحَيْل ومن جْبُوَّات وغادي .. من بعد المسلح الى دون هَذه .."

"والسرح له طاري" ؟
"ايه عانه فالشِّقَّان …الشِّقَّان أودية من بركة الخَرَابَة ومِنْحي .. ثم تاخذ لين تفيض على المِسْلَح . اودية لها #سَرْح ولها ..واليا فاض من الخرابة راح #يشقق_الأرض ويسمونها الشِقّان..شَق أبو دحاميل وشَقَ أبو عشرة وشَقّ الركايب ..هم عادلين الوادي يعبي البِرَك واليا منه فاض الما من ورا البركة جا مع الشِّقَان.."

"طيب نشدتك عن العَرف وابي انشدك عن غيره … (وَجْرَة) يذكرونها الأولين ..تعرفها؟
"ماسمعت (اِ)بْهَا" .
و غَمْرَة ؟
"ماسمعت (اِ)بْهَا" .

"طيب ، تغاليل سمعت بها.؟ ( يذكرها الهَجَري في التعليقات والنوادر)
- "الله الله" .
كيف تنطقونها؟
"نقول تَغَالِيْل .. #تَغَالِيْل عانها من دون الحفاير ، وعندها درب منقّى…منقّى قديم من يم #حَشا ، حَشَا من اول ما غير حفرة وتالي حفروها وسووها ، يقولون قديمة .. ومن دونها من دون الحفاير من عند تغاليل ، وعنده مواثر قديمة حول تَغَاليل ، من دون الحفاير يسار."

كتبه : أ. #عبدالله_الحمياني

[عـــايد العـواد 🇸🇦 @a511_i]

#الملك_سلمان_بن_عبدالعزيز
#خادم_الحرمين_الشريفين
#ذكري_البيعه_العاشرة

فالليلة اللي علمها فوق راس العمود
وفالدولة اللي ماعمر تنكس اعلامها

أعزها الله بشعبً دون داره يذود
وأعزها الله بمنهجها وباسلامها

وأعزها الله ببيتً قبلة للوفود
ملاذ للي حياته كثرت اوهامها

وأعزها الله بمسجد خير من فالوجود
نبيً الجاهليه حطم أصنامها

وأعزها الله بحكم ملوكها ال السعود
اللي بحكم الشريعة تصدر أحكامها

في زود واللي يجيها في سعادة وزود
ياربي تعزها وتعز حكامها

وحنا على عهدنا ولانخون العهود
فارقابنا بيعةً مانخلف نظامها

ونبقى على العهد لين نحط بين اللحود
ومن دونه الروح نرخصها لسوامها

#فلحان_الذيابي
#عايد_العواد

[فلحان الذيابي @falhan91]

@thaqafeyah علي العضياني شاعر مبدع ورائع ويجب أن يأخذ فرصته في الظهور الاعلامي لنستمتع بشعر راقي من الزمن الجميل ولا يهون الرشيدي مبدع هو الاخر

[الثقافية @thaqafeyah]

الملعبه طايره وجهتها صوب الفضاء والهبوب
واللي على متنها ماهو بلاقي رحلة زيها

علي العضياني X ناصر مرسال

في #المحاورة

[فلحان الذيابي @falhan91]

@Doured511 @i_511x يامرحبا يارشيد اللي معك جايب رشيدين
لشاعر سلمي وكانوا الثلاثه هذولا موجودين وجميعهم اقوياء رحمهم الله

[فلحان الذيابي @falhan91]

أتقدم بخالص العزاء والمواساه
لقبيلة عتيبه عامه وقبيلة العضيان خاصه في وفاة
رمز من رموز قبيلة عتيبه الشيخ / صنيتان الضيط
رحمك الله يابو فواز وغفر لك وتجاوز عنك
واسكنك فسيح جناته

#الشيخ_صنيتان_الضيط

[فلحان الذيابي @falhan91]

كل عامً وانتم بخير
وتقبل الله منا ومنكم صالح الأعمال

[فلحان الذيابي @falhan91]

@_ALslat_ تهناكم الرحمة يابو عبدالعزيز الله ينفع بها البلاد والعباد

[فلحان الذيابي @falhan91]

الله يرحمه ويغفر له ويكرم نزله
إنا لله وانا اليه راجعون
تعازينا لاهله وذويه والحمد لله على قضائه
#الشاعر_محمد_منصور_في_ذمه_الله

[فلحان الذيابي @falhan91]

@mr_y12 نسأل الله ان يشفيه شفاءً لايغادر سقماً

[فلحان الذيابي @falhan91]

@drfalahm زادك الله علواً ورفعه. أنت أهلٌ لذلك

[فلحان الذيابي @falhan91]

@Thyabe اللهم اغفر له وارحمه واكرم نزله ووسع مدخله وجازه بالحسنات إحسانا وبالسيئات عفواً وغفراناً

[فلحان الذيابي @falhan91]

@ssunhhot الله يجزاك خير يابو منصور ويرحم والديك

[فلحان الذيابي @falhan91]

#شارك_صورة_أبوك

[إمارة منطقة مكة المكرمة @makkahregion]

نائب أمير منطقة مكة
الأمير #سعود_بن_مشعل_بن_عبدالعزيز
ينقل في اتصال هاتفي تعازي القيادة -أيدها الله- وسمو أمير المنطقة، لذوي شهيد الواجب بدر بن محمد الروقي يرحمه الله

[فلحان الذيابي @falhan91]

نسأل الله أن يديم استقرارنا وان يحفظ بلادنا وولاة أمرنا .ومن رقي إلى رقي #الرياض_إكسبو2030