ساعات بتعيط عشان أنتَ مش عارف أنت واقف في ركن بعيد وبتبص على إيه؟
وإيه كل الحاجات اللي فاتتك دي؟
وإيه اللي بيحصل معاك حاليًا؟
وليه كل حاجة صعبة كدة؟
وليه مش عارف تاخد نفسك وإنك مكنتش تستحق ده بجد.
مش كل سكوت ضعف، ولا كل صبر غباء، ولا كل رضا استسلام، ولا كل انسحاب هروب، ولا كل تجاهل قسوة..
فيه ناس بتبعد عشان مش قادرة تشرح، وفيه ناس بتسكت عشان الكلام بيهدم أكتر ما بيبني، وفيه ناس وجعتك وهي بتحاول تحافظ عليك..
شوية تهوين، ولُطف، وإستيعاب.. في النهاية كل اختيار وراه حكاية، وكل حكاية وراها قلب بيحاول يلاقي السلام.
الحب مش سبب كافي ليا عشان أكمل مع أى شخص كده وخلاص ! التفاهم أهم من الحب، الأمان أهم من الحب، الثقه أهم من الحب، النُضج العقلي أهم من الحب، إن أبقي مطمنه إن مش هيتغدر بيا وأتساب مع أول مشكله أهم بكتير من الحب، إن أنام وأنا تعبانه وعارفه إن هتشال فوق الراس أحسن من الحب،
الحاجة الوحيدة اللي بقيت عاوزها مؤخرا اني اكون فـ حالي بس .. بعيد عن كل الناس وبعيد عن قال وقلنا وقولت، وبعيد عن سوء الظنون والمشاكل، وبعيد عن اي حاجه وحشه فـ حالي مرتاح البال واختار اني اعيش عمري كله في هدوء ومش قلقان ومش بثبت لحد حاجه ولا بحارب عشان احافظ على مكانتي عند حد.