فواز المرزوقي

شاعر حسب عرفي

[فواز المرزوقي @fawaz_albugami]

مجد الرفاعين - إهداء إلى الشيخ سحيم بن رفاع & كلمات فواز المرزوقي - أداء... https://t.co/S0rLbIX2vN عبر @YouTube

[فواز المرزوقي @fawaz_albugami]

يا السنافي تعرف الوضع المعيشي
وعزمنا ماهو على حسابٍ تقيسه

كان تحسبني على كيس الطبيشي
الطيبيشي ما لحقته خل كيسه

فواز المرزوقي

[فواز المرزوقي @fawaz_albugami]

@Faishal2020 @sbinbtlaa @MBnradah @turkioll @k_tflan @ialpq2 @faisalnmaas @vv_851 @aprvip @AL___9999 ١٠ جراح

[فواز المرزوقي @fawaz_albugami]

لسان حال نادي الهلال

أحب اقول لـ كل حاسد لا تموت
أيام سوداء تنتظركم كلكم

#الهلال

[نايف عبدالرحمن @naiiaf_]

ستة وعشرين صيف

[جرّاح العتيبي @AL___9999]

ابتسم في وجه الايام ياسمح الجناب
لو حياتك من جميع الجهات مهدده

لا تـجي عبّاد دنيا ترا الدنيا سـراب
اعبد الله و اترك المال لـ اللي يعبده

اكتتب في بنك الأمجاد لو فيك اكتئاب
لا يغـرك من يقول الحيـاه مـعقـده

القوي في كل موضوع يحسب له حساب
والضعيّف تأخذ الناس حقه من يده :)

[فواز المرزوقي @fawaz_albugami]

الايام هذا طبعها ( مستحيل تزين )
اللي قدمها يضحك واللي خلفها يبكي

تخم المناوي من يدينا بـ رمشة عين
مثل الايسكريم وخفّته في يد التركي

#فواز_المرزوقي

[عبدالله مطلق @ig_ilw]

ماني بملحقك شرهه ولا ملحقك لوم
يفرق عيال الرياجيل مركض خيلها

احسبني لانصيتك وانا راعي لزوم
مثل ماتنصاني الناس والبي لها

[فواز المرزوقي @fawaz_albugami]

@ziyad_al3kshan الف الف مبروك وعسى يكون بارً بوالديه ومن حفظة القرآن

[فواز المرزوقي @fawaz_albugami]

يارب دعواتي الغراء تطوف الصميم
( علمتني وين قبلتها ومحرابها )

في خاطري حاجةٍ تشبه لـ حلم اليتيم
الحظ ما جابها .. والصبر ما جابها

فواز المرزوقي

[فواز المرزوقي @fawaz_albugami]

@AL___9999 متأكد أنك جراح ولا ولا ضماد 💔🙏🏻

[جرّاح العتيبي @AL___9999]

الذكريات القديمه نكبة العاشقين
يعيش معها الهواوي عيشة المعتقل

تقول كن الطواري لـ المفارق كمين
ان كان ما زاد منسوب الحزن ما يقل

اللي قضى العمر في حب العذارى رهين
لو يعقل أبليس اظنه مستحيل يعقل

بعد الصراع الطويل اللي خذا له سنين
الوضع ما عاد يحتاج لـ غرور و ثقل

قلبي بعد هزّه الشوق و غزاه الحنين
يحتاج له هدنة أسبوعين على الأقل

حاولت أجيها لكن الوضع عيا يزين
شوارع العاصمه زحمه على المنتقل

رغم المسافه ما بين طويق والياسمين
أشوفها ابعد بـ واجد من بقيق لـ حقل

احتاج لي شيخ ٍ مقدّر و جنبه متين
يقدّي العارفين بـ رأيه المستقل

يقف لا شاف المشايخ فالطلب واقفين
ويحذف عقاله اليا وصلت لـ حذف العقل

اما يحل الأمـور و نجتـمع يـ اثنين
ولا يوصّل معـاناتـي وزير النـقل :)

[جرّاح العتيبي @AL___9999]

يالي ما شفنا راس مالك وانت عندك راس مال
شغل المراجل لا تحسبه مثل شغل المافيا

لا تبلش العالم وتشغلنا معك يبن الحلال
اما ادخل التاريخ و لا اطلع من الجغرافيا :)

[فواز بن عواض @fapoett]

البارحه حاولت ابنسى ما نسيت ..
لا خاطري سالي … ولا قلبي خلي

[عايض الملق @Marzoukiaa]

رفيقي اللي يفرحك طيبي ولا ترضا خطاي
الذيب لو يموت جوع يسد جوعه ب لحمه

ابشرك على دروب الهون ماتمشي خطاي
مثل ماوصاني حيات ابويه (الله يرحمه)

عايض الملق

[محمد فهد @Mf_mf111]

ان قامت الحرب ، مارحنا مراح الرياح
لو ان حذف الجنايز مثل حذف الحصا

يستسلم الخايف اللي في يدينه سلاح
لاواجه الصامل اللي في يدينه عصا !

[فواز المرزوقي @fawaz_albugami]

طلعلي اول تغريده في حسابي مع الرابط

@grok

[فواز المرزوقي @fawaz_albugami]

@Mo7senShehri من كلمة برودكاست زين سوو بك 🥸

[فواز المرزوقي @fawaz_albugami]

ياخذك طيش الليالي وتمهلك السنين
وانت عيشك من دقايق وعمرك من نهار

رغبة الانفس مهاد الشقى لو بعد حين
وأختيار اليوم بعدين ما فيه إختيار

#فواز_المرزوقي

[شامان بن وقيان @shaman1q]

مشكلتكم رغم حدّة شناعتها
ما تبرّر لي أعادي ولا أوالي

دام حمّلتها فوق إستطاعتها
إحتملها لحالك مالك و مالي

ما أقدر أرد نفسي عن قناعتها
أنت غالي وهو والله بعد غالي

الزعل و الرضا بنات ساعتها
بكره بتصلحون و بقعد لحالي