سلطان

.

[النايف ☜🐪 @NAS__N9]

🔙

يقول الشاعر : علوش بن شليل المقابلة الدوسري

الله يرحمه

يالله يامطلوب ياقايد الرجا
ياخالق الدنيا ومحصي اقطارها

يالي خلقت الابل ورفعت اذكارها
وذكرتها معا السماء وجمارها

قلت انظروا الى الابل كيف خلقت
عز الجلال وعزتها وقارها

زينتها باوصفها والوانها
شقح ومجاهيم وصفر اوبارها

وحمر تشابه للجوازي اوصافها
سفاين البر قبل صنعت انصارها

يالله يالمطلوب تطرح له الحيا
من مزنة غر تنثر امطارها

نرعاها بسودً ورث ابونا وجدنا
لامن استتم اولادها واعشارها

نبرى خطو فاطر متحنطلة
بعيد مقدمها عن ميخارها

شاب القرى متحلقٍ وبرها
عسمٍ يديها عجلتٍ في مسارها

ان اقبلت كنها تعاين في السما
وان ادبرت فجحا عريض فقارها

بنت الفحل وام الفحل هاد روحه
من زين صورتها وطيب اسرارها

غزيزة العقيد في الذود الشوي
يصعب على ولد الردي مثوارها

لاورحت من حيفة تبي عرفها
متكبرً عضيدها ومرارها

تشوف البليهي مارقٍ في نحورها
على وروكه من توالي خطارها

صكن بناته معا خواته من الفحل
كبار مواطيها وحرش وبارها

تغاوز بسير مثل طابور عسكر
على طقت العصروف حنت اكبارها

معها فطير يطرب الروح سجدها
ومن الدجر ماتلتفت في حوارها

هجت على اللجفة جنوبي سرابة
شربة غديره وشالته بوبارها

ثم اجنبت مظهورها فنحورها
تبي القوانس لاستوت نوارها

ديرة مفاريص الدروع ال زايد
ربعٍ تدي جارها من جدارها

زادو بني زايد بتكريم جارهم
توسم عصاه وينتشر بديارها

قلته وانا من لابة زايديه
سقم الحريب الي توهق وزارها

مثل الشريف ومثل قبله وعقبه
جموع تنصانا وحنا دمارها

حمر مضاربنا وبيض وجيهنا
شلفا على كبدو العدو مسمارها

#الدواسر

🔚✋

[ماجد بن مهل @majed_almhl]

سمعتها قبل فترة .. وسمعتها الآن
ومن ذيك الفترة حتى هذه اللحظة ماتجاوزتها

عندي خبر أن الجزالة موجودة بكل مكان، لكن مثل هذي القصايد تراها (نادرة جدًا جدًا) ويمكن تاخذ لك فترة طويلة من الزمن ماتسمع مثل قوتها

هذي معلومة وليست وجهة نظر

[جَسـور @bn3jm_]

رديّة ؛ فارس الحشار | ناصر البرغش رحمه الله

تجوّد بـ حبل العز وأرقى سنود وخل
هواجيسك اللي مالها عندنا معنى
- فارس الحشار

هواجيسي تحط النقط فالحروف وعل
يجي من يقول أن الهواجيس تجمعنا
- ناصر البرغش

[محمد. @i5l3k]

اعلم بان العمر ينقص ما يزود
واللي يفوتك منه صعب ترجعه

ولا تنظر لماضيك لأنه ما يعود
فكر بحاضرك الجديد وسنعه

وأبذل عشان أحلامك أضعاف الجهود
وباب الأمل بين المحاني شَرَّعه

وأثبت لنفسك بين خلق اللّٰه وجود
ودوّر على اللي قدر نفسك يرفعه

[سمح . @j2ri_]

رحل شايبي لكن بقى طيبه المزروع
بروس الرجال اللي بطاريه تحشمني

انا كل ماجيت الرياجيل في موضوع
معاريف ابوي وذكره الزين يخدمني

[جرّاح العتيبي @AL___9999]

ابتسم في وجه الايام ياسمح الجناب
لو حياتك من جميع الجهات مهدده

لا تـجي عبّاد دنيا ترا الدنيا سـراب
اعبد الله و اترك المال لـ اللي يعبده

اكتتب في بنك الأمجاد لو فيك اكتئاب
لا يغـرك من يقول الحيـاه مـعقـده

القوي في كل موضوع يحسب له حساب
والضعيّف تأخذ الناس حقه من يده :)

[وهّاج @_3jim]

جاعل أسمك وسط جوالي " كعّام الصدوف "
لا ذكرتك ؟ قمت أشوف الظروف بـ نص عين

_ شاعر المعارك فارس الحشار

[عناد الشيباني @enadm1]

اقتل صويب المحبة وش تحرى به
لا صار ما منك حسنة كمل السيه

يا مال الجنة يا ابن زويبن ..

اول مرة اسمع هالقصيدة مع اني متابع جيد لـ كل ما يقدم رمز الشعر والادب عبدالله بن زويبن رحمة الله عليه

[فهد قطنان @Fahad_Qatnan]

يا مرخصين القصيد بدقه الشيله
ياقرب مركاضكم يا بعد مركاضي

أنا اعشق الشعر وأبحر في تفاصيله
وابشّره دايم أن اغراضه أغراضي

لا صرت عنده ما يشكي من غرابيله
تقول عمهوج في يمنى ولد عاضي

عذوبته سر تقديره وتبجيله
وتركيبه اهم من موسوعه ألفاظي

الشاعر يبان لو يجيب تفعيله
حتى عن الوزن للحساس متغاضي

اللي يشوف الحزين ولا يمشي له
ماهوب سني ولا شيعي ولا أباضي

ابن ادم ضعيف لو انه ولد جيله
لاضاق صدره تضيق السبع الاراضي

واللي مزعلني اني فاقد اصيله
راحت وخلت زعلها مطرقه قاضي

وانا سخي مير عزة نفسي بخيله
قالت لي احب ما قالت لي اراضي

يا ليل يا عين يا دنيا من انتي له
ما جت على بال شاعرها على الفاضي

الوقت ما دام للي ما برد حيله
يفوز مره ومره ينهزم راضي

يا صاحبٍ كل ما يشكي لي ابكي له
لا عاد تستوقظ جروحي وانا قاضي

سولف عن القابله ولّا عن الليله
لا تطري الماضي الله يقلع الماضي :)

[سلطان @ffrtjl]

@mbinaltheeb @bn_dfna انشهد انك ضفعه

[سلطان @ffrtjl]

@lilililmlililil بشتري الساس الطيب واجد ولا شوي

[جـزى @23zmi]

-

من المرحبا والشوق لين السلام الحار
وله نبرتك .. كانت وسيله لـ غاياتي

دخلت الهوى طيش وملذات وأستهتار
ولقيت أنه اكثر شي سيطر على ذاتي

ما عاد ألتفت لـ الزين لو يلفت الأنظار
فدتك العيون اللي تبي كل نظراتي

وش أقول فيك وكل ليلة تعبت أختار
وتحيّرت في وصفك بعد حيرة أبياتي

لك الطله اللي كنها الصيّب المدرار
ومجيك يرد الروح يـ آخر محطاتي

تفز الحدايق ورد ، لو قالوا أنك .. مار
مثل ما تفز من السواليف ضحكاتي

وعلى عرش شعري كنت أطرّيك بـ استمرار
و أقول القصيد العذب و أرزّ راياتي

يعرفك غياب الشمس يا غاية السمّار
ومن يعرفك يخاف الغيابات ويحاتي

جعل ليلةٍ فارقت عينك .. و أنا محتار
فدا الليلة اللي جابتك عند خطواتي

[جابر بن علوش @J3losh]

عن شرور الناس ليتك تسلم من شرورك
كيف يسلم من تصوّب من رصاص اسلحته

اتفرج كني واحد من ضمن جمهورك
يحزنه ما يحزنك واليا فرحت افرحته

ان بغيت اناصحك ماتسمع الا شورك
ليه اناصح واحدٍ يزعل ليا ناصحته ؟

لا نصحت اللي تحبه وامتعض من دورك
اتركه .. "لين الحياه تعلمه مصلحته "

[علي مسفر @3lipoet]

لا تحسب ان كل موقف تحتميه الفعول
يا كثر ما يحمي الراي الوجيه الوجيه

[عبدالله السراهيد @Alsraheed]

تعلوكم الخِيلة ويعلونا التواضع والوقار
مهما سعيتوا - في مقارننا وفي تشبيهنا

الله خلق " هاماتنا عليا " وأسامينا كبار
ما شوهونا كلّ من يسعون في تشويهنا

حنا تعوّدنا " ندير " - ولا " تعوّدنا " ندار
بعض المواقف نعتبرها نوع من ترفيهنا

حتى مع الاخصام ملتزمين باخلاق الحرار
ما ننتظر منهم .. ولا من غيرهم توجيهنا

إن كان ما قمنا وخاصمنا جهارٍ من نهار
شمنا وشيّمنا عن ظهور الرجال وجيهنا

[فارس العمري @FaresOmarii]

لماذا لا تركض المرأة بين العلَمين الأخضرين في السعي بين الصفا والمروة، كما يفعل الرجل؟
سؤال يطرحه الكثيرون، والإجابة تكشف جمال التشريع الإسلامي، ورحمته، وعمقه الروحي والتاريخي.

تابع

[ايمن بن ابراهيم @Aymbk]

معلومات مهمة عن تفصيل الثوب.. فضلوه وطبقوه وانشروه

[ظافر بن فرحان @zafr_frhan]

اللي ما اقتنع برأيي في موضوع الغزل يسمع كلام هذا الشايب الذرب اللي تجربته الشعريه مثل عمري مرتين

[ِ @ajm1ii_]

«ان ذخرتك لليالي لقيتك نور عين
وان ذخرتك للشدايد تجي محزم ظهر

انت مدري وش اسميك يالجنب المتين
ماغير تجرى في بحور الطيب مجرى نهر»