همـآل

كل مالديت فـ النايفات من الجبال .. شفت جرة شرهتي طالعه ومحولّه .. !!ابياتي في المفضله ✋🏻

[همـآل @fh_aac]

الشناح اللي ماتعرض لـ سوامه وبيع
بس راعيها يصور نموذج لـ الشباب

من كثر ماشاهدوها هل الناقه جميع
الخواجه وثقو له بـ نجمه فـالسناب

[لافي الغيداني @lafihmud]

مشغلً نفسك ورا خسايري وارباحي
يامغني في لحون العرضه النجديه

لاتمثل معي دور السارق المزاحي
وانت تبلش بين فرق الناضجه والنيّه

حط راسك لاتقوم الا ضحاك الضاحي
واترك السيف المعلق واترك الجنبيه

حالفً بالله ماصوب عليك سلاحي
( وانت ماتسوى ضياع الطلقه الناريه )

[خجل @Khajal_ksa89]

مثل هذا المسا ما له شبه في اخوانه الباقين
من اول ما بدا ماغير اردد حي هالطلّه

دريت ان العمر دمعة مشاعر وابتسامة عين
وجيتك مثل جيّات الكلام اللي على حلّه ... 🕊️

[خجل @Khajal_ksa89]

قلبي اللي للطواري مثل بيت الكريم
مدهلٍ فيه الهواجيس خطّار و ضيوف ... 🕊️

[خجل @Khajal_ksa89]

من ذاق #عشق الطير مايترك الطير
لو كـان مابه #صيّد . . يكفي شـوفه ... 🕊️

[خجل @Khajal_ksa89]

غلاك دونه جند و سلاح و أسوار
فـ قلوبنا ، مثل الدخيل المومّن

ندراه و نحفظه مثل حفظ الأسرار
و نصدّ به عن كلمةٍ ما تثمّن .. 🕊️

[ناصر الحمادين @nalhmadeen]

جيت تبغي سمحة الخاطر وتبغى عفوي
العلاقة لاتفك حبالها الممسوسه

انا كفو الطيب واهل الطيب دايم كفوي
خلك من اللي تغره شهرته وفلوسه
..

لاتدور للكلام اللي يكدر صفوي
واجبرك على الكلام المر تبلع موسه
..
ياحلو طعم البساطة والحديث العفوي
والمزوح اللي بليا خطة ٍ مدروسه ..!

[محمد آل شواي @mohamd__mobarik]

قد كسرتي خاطري وش عاد بيتي
الشعر ماهوب قرآنٍ منزّل

كن وجهك قال ميدي يوم جيتي
يا تغزّل زين ولاّ لا تغزّل

حركيني واحييّ اللي قد خذيتي
قلبٍ امن مطارد الحلوين عزّل

انتي تسوين عمرك مادريتي
لا ذبحتيني بـ غرياف المعزّل

البنات كبودها اذا مشيتي
كلبوها ماخذه وضعيّة الزّل

ماتنزل لـ اي واحد شاعريتي
بس للطيّب و للطرقا تنزّل

[♡ @me50_9]

انا مـ اقوى فراقك كيف تقوى تحتمل فرقاي
حسافه ما توقعتك تبيع وصاحبك .. شاري

تراك اول غلا يسكن حشاي ويستحل اقصاي
معك تحلا مشاوير الشقى لو طال مشواري

فداك ايام عمري والزمان اللي مضى والجاي
تصدق‌ كل مازدت بجفاك يزيد مقداري !

[♡ @me50_9]

يكفي انّه لا سألني كيف حالك
ييتسم حالي ولو ماني بطيّب

[َ @UsernameHaa]

أنا اللي عليها من رسوم الحرار رسوم
عيون الصقر لا من تلفّت و حوريّه

و أنا اللي عليها غطرسة جدّها الزيزوم
ليا رد كلمة مايردون .. موليّه

ليا من قدم وقت الملاقى رثع في القوم
لعب في الجنايز لعبة الداب والحيّه

وأنا بين غزلان الفلا قايدٍ معدوم
عنود الفلا ياباغي الصيد محميّه

[همـآل @fh_aac]

ريح الحطب والبرد زاد الوجع في
كنه يصحي غفوة الشوق لانام
.
شريط ذكرى العام يقبل ويقفي
كنه قبل يومين ماكنه العام
.
#فهيد_العرجاني

[ّ @8iurr]

صورةٍ في متحف البال مطويه
كل - يوم افلها - وأتهجاها .

[ّ @8iurr]

من لا تركد بالهدف قبل مرماه
ترميه ناسٍ رميها بالركادي .

[᷂الـمها | 🇶🇦 @_66uy]

أحب من . . . . يملى ثياب الرجولة
لو كان ثوبه . . . . فاضيات ٍ مخابيه

وأحب من تسبق . .كلامه : فعوله
مزن ٍ تدفّق . . . ماه وأرعد مناشيه

وأحب رجل ٍ . . جاك تجمح خيوله
من قبل تسرج ، له حصانه وتدعيه

وأحب من . . . يستر خَضَاره ذبوله
وجه ٍ طليق .. حجاج والهمّ حاديه !

وأحب قرم ٍ . . . يوم ربعه شكوا له
قال: النخل ..يفدا جريده سواقيه ".

- ايبالله .

[🦌 @R__amm]

ياوردةٍ ماعاشت إلّا في دلال
يغار منها الورد في روضة خريم 

خليتي الترفات ربات الجمال
حياتهن حسره وعيشتهن جحيم

هذا الصحيح ولّا نقاش ولّا جدال
يدري به العاقل ويجهلّه الغشيم

أبوك شال الطيب عن كل الرجال
وأنتي خذيتي الحسن عن كل الحريم 💘

[❀ @lm53i]

ومن العجائب ان مقتول الهوى
لايزال يحن الى لقاء القاتل 🤦🏻‍♀️

[شاء @4ix8il]

سيّد اشواقي وحاكم قلبي ومصدر إلهامي
انت كل افراح عمري وانت سبّتها وأثرها .

[ْ @2ajl_]

أعيش الحزن مع كل من يفتقد غاليه
لو أشوف غصنٍ جفّ ساقيه، عانقته

— علي ال صبيح

كم أنسان ما أعرفه بكيت بوفاته ليييين
طواني بكاي المستمر .. فـ آخر الغرفه

— مي الّلافي

[مرهِي @_M2rrhi]

يعلم الله علامة خير ما ايست لين
غبر الجو الارتق .. دون غاياتنا

يا ولد راحت الدنيا على العابدين
وش بقى من سوالفنا وهقواتنا

قسمنا من طفولتنا جروم السنين
زهرة العمر جانا الشيب ما جاتنا