'

كل ما اكتبه هنا غير مسؤول عنّه ..

[' @fjl1li]

انا مدغم ولاني بـ ابو شيبه المشهور
اقدره لو انه مايمشي على النيه

تتلمذ على يده الشواعير والجمهور
لونها غدت منه الذلول العمانيه

- كونغرسيات ..

[' @fjl1li]

@PPQtbwZRsem4ohk الخلل والله ماهو فالوقت

[' @fjl1li]

يا الزعول اللي ليانه مندَّى كل ديم
عاد في قلبك مكانٍ نديمه ما رحَل

ماني مخلّي محلَّي لذعذاع النسيم
الزعل ضيفٍ مقدَّر، وأنا راعي محل

[' @fjl1li]

نادني قبل اضيع ودلني يالجدي
ولمني باليدين اللي زهاها الخضاب

قم تثنا وانا خابرك غصن ندي
وربى مميزك عن كل تلع الرقاب

ليه ماقول لك شعري واجيب جهدي
وانت شوفك يشرع للغيا كل باب

احسد عيوني الثنتين واحسد يدي
لا تلوت على خصرك تلواي داب

[' @fjl1li]

حتى لو ان الغلا عن كل زله كفيف
من قدر الاحباب تزداد الخطايا وزن

طاح العتب طيحة اوراق الشجر ف الخريف
كن "آسفك" في جفاف البال .. رشّة مزن

“عيونك الناعسات اللي هدبها كثيف ”
حرام تطعم محاجرها دموع الحزن

[' @fjl1li]

اثر فاقدك يفقد معك نعمة النسيان
تغيبين عن عينه و تبقين في باله

[' @fjl1li]

يجرّ المشاعر في مساريك خيط الصوف
لو ان خطوة احساسي معك خطوة المنهي

انزّل غلاك بـ منزلة .. راعي المعروف
على كل يومٍ كنت في فرحته مرهي

الى استوطن احساسك من البعد لحظة خوف
تذرّى عن الخوف و عن الشك .. في وجهي

[' @fjl1li]

رغم المسافه ورغم الفرق فالساعه
اعيش الأحداث كني عايش جوّك
ٰ
ماعندي الا الصبر والسمع والطاعه
أشّر على اللي تبيه و عدني توّك
ٰ
أنا حزام الزمان الصلف و أوجاعه
اللي ماينقل سوا شبّاب ومشوّك

[' @fjl1li]

غصون ​الخفوق تلد صوبك بدون ​ادراك
وعليك ​الرقاب تلد عوجا وملتفته

يا ليتك تشوف ​اللي يحبك ولا حاكاك
يحاول يرويك ​الغلا وانت ماشفته !

[مبارك بن رادعه @MBnradah]

يارجال لاتشره و لاتحرج الرجال
ترى قيمة الشرهه على قيمة الموضوع

تخيّر مشاريهك على طيبين الفال
ومن قال عطني يوم ، يومين عطه آسبوع

لو ان كل من قال ازهل وتم .. قال وطال
ماشفت الهقاوي تختلف والعذر مشروع

دروب المراجل طيب نيه وحال ومال
وحفظ الجمايل طيب مبداء وطيب طبوع

على اللي يقدّرها مثل شربة الفنجال
وعلى اللي مايقدرها مثل حبة الكرسىوع

[علي ابا السيقان @alialbsiqan99]

جعل يسقى علي قدام اشرف قمة المشذوب
وأصافح من علوّه ذروة الشعر و ميادينه

لو اني باذلٍ كل المشاعر في هوى رعبوب
قنيته بـ الكلام اللي ليانه فيه من ليِنه

مايعتاش الغلا ، الا من مدارى خاطر المحبوب
الى شح المدارى فـ التعامل ، مات في حينه

لو ان الدمع ثلجٍ لا اضرمت نار الفواد يذوب
غدا سدّه .. مراعاة القوي خطّر محبينه

اصدّق من يقول الكسر كله ماهو بـ مرغوب
واكذّب من يقول ان كل حالات الكسر شينه

الى شفت الوجيه من الليالي ضحكها مسلوب
عرفت ان "كسر شفي" يعطي من الضحك ثلثينه

لو ان الوقت يجزا بالمثل في وضعي المنكوب
ماطيّح من عزوم اللي وهب لي زهرة سنينه

كثر مادرى شعوره قمت اسارق ضحكته بـ اسلوب
لو ابدع سالفه ، ما اذكره فـ ايامه الزينه

اشوف ان كل شيّ يذكره ، بابٍ وراه ذنوب
و سوال الزاير الي يختبر ذاكرته ، يهينه

الى انكَر حاجته تفصح لي عيونه عن المطلوب
مثل من ينكر شعور الحزن و العبره اتدينه

اصايد " فرحته " فـ الرحله الي غيبها محجوب
لو انها بـ اعمق اسلوب التواصل بيني و بينه

يكفيني وقوفٍ يأسر انظار و يْخطف قلوب
لا وصلتهْ العلوم و عبرت عن فرحته ، عينه

[' @fjl1li]

كل ما قررت اخلّيك خليت القرار
ما دريت ان الهوى صعب يا عذب اللمى

انت بحرٍ في خريطة ونجمٍ في مدار
لو اطير من الاراضي لقيتك فالسما

يوم شفت رموشك طوال وعيونك كبار
استدرت بنظرة العين.. حقنًا للدما

[' @fjl1li]

والله مايبري من الصدر علكات الهموم
كون تبعة جايز النفس ومهاوى الطموح

[' @fjl1li]

لا تشكي القيض وأنت مسافرٍ برا
فاتورة القيض حنا اللي دفعناها

[' @fjl1li]

محتاج للمرحله هذي قناعة صغير
لا مل طول انتظار اللي يحبه .. غفا

[' @fjl1li]

الصدف تصنع من اللحظه مواقف
يوم عارضني يوقف ويتهزّع

زين فوق وزين تحت وزين واقف
اطرقً صبحه من الليل يتمزع

[' @fjl1li]

لو أن القلوب تباع والذكريات تباع
تخيرت قلب ٍ ذكرياته من أمس وجاي

لو أقول عمري ضاع كله معه ما ضاع
ضياعي بدأ من يوم ماغاب عن دنياي

عليه المشاعر مضميه والعيون جياع
مع أنه يشبر روضة الصدر رايح جاي

لو أنه سحابة وامطرت فوق مجدب قاع
رعوا عشبها البدوان لين الزمان الجاي

[' @fjl1li]

كلام البارحة كم صار لك وانتي تحدّينه ؟

[' @fjl1li]

المواجه بين الاحباب حق من الحقوق
في نظام الحب والحب فيه امر ونهي

لا تلوم العاشق اللي على شوفك شفوق
ياحبيبي وانت خلك على ماتشتهي

الغلا والحب والشوق من صدري وفوق
لا تسولف لي عن الشوق وامره منتهي

جعلني من حبك السرمدي ماعاد افوق
خل عاد المنطق الزين والوجه البهي

[' @fjl1li]

ما دام ان جانبي شام لجنابك وانت عني شمت
كثر خيرك وانا ماني بلا جايع ولا ضامي

ابن جدلان

[' @fjl1li]

ياشينها غلطة الغالي على الغالي
ماعاد ينفع دواها لو يدوايها

ياليتها من عدوي يمكن اشوالي
ولا اني اقدر على الغلطة واعديها

ماهي كذا تصبح وتمسي على بالي
لا ارتحت منها ولا ادري وين اوديها

- حمد بن صالح ..