SAAR FM

Audiobooks, Economics, and Sports from SAAR FM

[SAAR FM @fm_saar]

د ملګرو ملتونو د ماشومانو د ملاتړ صندوق (یونیسف) ویلي چې د «مور او ماشوم د نغدي مرستو پروګرام» له لارې په افغانستان کې له زیانمنو کورنیو سره مرسته کوي.

[SAAR FM @fm_saar]

د کډوالۍ نړیوال سازمان (ای او ایم) ویلي چې د «کار په بدل کې د نغدو پیسو» پروګرام له لارې یې د کندهار ولایت د میوند بازار اوسېدونکو ته کاري فرصتونه برابر کړي دي.

[SAAR FM @fm_saar]

فاکس نیوز راپور ورکړی چې پېنټاګون په اردن کې د ایران په بریدونو کې د وژل شویو دوو امریکايي سرتېرو نومونه او انځورونه خپاره کړي دي.

[SAAR FM @fm_saar]

د افغانستان بانک لومړي مرستیال، صدیق‌الله خالد، د افغانستان د تمویلاتو د تضمین بنسټ له مرستیال ډېرک جوزف ټیسن او مل پلاوي سره د همکارۍ پر بېلابېلو برخو خبرې کړې دي.

[SAAR FM @fm_saar]

د ملګرو ملتونو پراختیایي پروګرام ویلي، په افغانستان کې د ښځو په نوم د ثبت شویو سوداګریزو جوازونو شمېر د تېرو پنځو کلونو په پرتله لس برابره زیات شوی او اوس له ۱۰ زرو څخه اوښتی دی.

[SAAR FM @fm_saar]

په مالیزیا کې د افغانستان سفارت سرپرست، نقیب‌الله احمدي، د برونای دارالسلام د پلان او پراختیا وزارت له مرستیال، ډاکټر نور امتحان، او د سلطان حسن البلقیه بنسټ له مشر سره کتلي دي.

[SAAR FM @fm_saar]

د امریکا د اریزونا ایالت د توسان ښار په یوه سوداګریزه سیمه کې د ډزو په پېښه کې لس کسان ټپیان شوي دي. د پولیسو په وینا، شکمن کس د پولیسو د سپارښتنو له نه منلو وروسته په ډزو ټپي او روغتون ته لېږدول شوی دی.

[SAAR FM @fm_saar]

د نورستان ځایي مسوولین وایي، په دغه ولایت کې ۱۹ تاریخي سیمې او لرغوني اثار ثبت شوي دي. دوی زیاتوي، د تېرو جګړو او ناپامۍ له امله د دغو تاریخي سیمو یو شمېر زیانمن شوي او په ناقانونه ډول کیندل شوي دي.

[SAAR FM @fm_saar]

اروپايي ټولنې ویلي چې افغانستان په نړۍ کې د میندو د مړینې له لوړې کچې سره مخ دی او میندو او نویو زېږېدلو ماشومانو ته د مناسبو روغتیايي خدماتو وړاندې کول ځانګړی اهمیت لري.

[SAAR FM @fm_saar]

د ملګرو ملتونو د ماشومانو ملاتړ صندوق (یونیسف) ویلي چې په افغانستان کې د امیندو او نویو زېږېدلو ماشومانو د روغتیا د ښه والي لپاره امیندوارو ښځو ته غذایي بشپړونه برابروي.

[SAAR FM @fm_saar]

د کډوالۍ نړیوال سازمان (ای او ایم) ویلي چې په ۲۰۲۵ میلادي کال کې له پاکستانه څه باندې یو میلیون افغانان بېرته افغانستان ته راستانه شوي دي. د یاد سازمان د راپور له مخې، د بېرته راستنېدونکو زیاتوالي پر کوربه ټولنو او د بشري مرستو پر بهیر فشار ډېر کړی دی.

[SAAR FM @fm_saar]

د هلمند ولایت د کجکي ولسوالۍ د اذان ناوې په سیمه کې د هلمند پر سیند د ۱۸۰ میلیونه افغانیو په لګښت د یوه پل د جوړولو چارې پیل شوې دي. د راپور له مخې، دغه پروژه د ټولګټو وزارت له پرمختیايي بودجې تمویلېږي او ټاکل شوې چې د دوو کلونو په موده کې بشپړه شي.

[SAAR FM @fm_saar]

له پېښو سره د مبارزې او چمتووالي ادارې ویلي چې د افغانستان لپاره د ناروې دولت د مرستو دفتر(این سي اې) ورسره د ۳۶۷ زره امریکایي ډالرو په ارزښت د ګډو همکاریو هوکړه لاسلیک کړې ده.

[SAAR FM @fm_saar]

د پکتیکا ولایت په مرکز ښرنه، ګیان او مټاخان ولسوالیو کې د کرنې او اوبو مدیریت اړوند یو شمېر پروژې بشپړې او ګټې اخیستنې ته سپارل شوې دي.

[SAAR FM @fm_saar]

عامې روغتیا وزارت ویلي، چې د ا.ا پلاوي، چې مشري یې د دغه وزارت د خوړو او درملو مرستیال حمدالله زاهد کوله، د ازبکستان د روغتیا وزارت له مرستیال او د درملو د پراختیا ادارې له رییس عبدالله عزیزوف سره کتلي او د روغتیايي همکاریو د پراختیا په اړه یې خبرې کړې دي.

[SAAR FM @fm_saar]

بهرنیو چارو وزارت وایي، د کوکنارو د کښت د ممنوعیت په اړه د ا.ا د مشرتابه د ۳۱مې ګڼې فرمان د تشریح لپاره ځانګړې غونډه جوړه شوې ده. د دغه وزارت مالي او اداري مرستیال ډاکټر محمدنعیم د فرمان پر جدي او بشپړ پلي کېدو، د ادارو پر همغږۍ او ګډو هڅو ټینګار کړی دی.

[SAAR FM @fm_saar]

د بهرنیو چارو وزارت د اقتصادي اړیکو رییس شفیع اعظم ویلي، افغانستان چې تر ۲۰۲۴ کال پورې یې د صادراتو ډېره برخه پاکستان ته لېږله، اوس خپل محصولات د منځنۍ اسیا، روسیې، چین، هند، خلیجي هېوادونو او اروپايي بازارونو ته هم صادروي.

[SAAR FM @fm_saar]

د روغتیا نړیوال سازمان(ډبلیو ایچ او)په افغانستان کې د هوا د تودوخې د لوړېدو له امله له خلکو غوښتي چې د سختې ګرمۍ پر وړاندې د ځان او خپلو کورنیو د خوندي ساتلو لپاره اړین احتیاطي تدابیر ونیسي.

[SAAR FM @fm_saar]

د جاپاني رسنیو د راپور له مخې، د جاپان د کاماکورا ښار په «ګالري انیشي» کې د افغانستان د دودیزو لاسي اوبدل شویو غالیو نندارتون پرانیستل شوی دی.

[SAAR FM @fm_saar]

د کونړ ولایت په شلتن ولسوالۍ کې د رودو سیمې لپاره د یوه نوي روغتیايي مرکز ودانۍ بشپړه او ګټې اخیستنې ته سپارل شوې ده.