ابوسعود#*

ان طالت الغيبه وانا صرت جافي خلوني ب دنياكم ذكرى جميله ❤️

[ابوسعود#* @gharok22]

ارجوك نضحك مالنا علم بالضحك
حنا نبي نضحك لو انه علينا

ارمي على اطرافي مفاتن جوارحك
ويم الوناسه اردفي وارسلينا

ذري على وجه ابتسامك ملامحك
وان ضاق صدرك للجنون احملينا

علي ازيح الكوئبه منك وامنحك
من قشعريره مسها يعترينا

ياطفلتي وابي اتروجح واروجحك
امانتك عقب التعب نومينا

[ابوسعود#* @gharok22]

ارجوك نضحك مالنا علم بالضحك
حنا نبي نضحك لوانه علينا

[ابوسعود#* @gharok22]

ناخذ ونعطي ولاهو عيب
اخذ وعطا وش تسمونه ؟

ان كان ماهو مزارق طيب
امزارق الطيب وشلونه

لافي الغيداني

[ابوسعود#* @gharok22]

من شعر الحكمة للشاعر علي الفزي:

كـثر المـشوره و التردد وجع راس
ياكـم حـلـم من التـــردد تـبـدد

اقدم ولا يدخل على قلبك الياس
ثـق في تفاكيرك وطــوًر وجــدد

عقلك معك والعقل للشخص مقياس
يعني مثل ماقيل قـارب وســـدد

ماهـو ضروري دايم تـشاور النـاس
ولاهو ضروري كـل مــرة تـــردد

[ابوسعود#* @gharok22]

اما خذ المسواك والا زقارة
اهم شي يكون لك سلم وطبوع

تدري من اللي ضاع عمره خسارة
من ضاع عمره لا دشارة ولا طوع🤣

[ابوسعود#* @gharok22]

اليا اختصرنا الشر قالو مساكين
واليا نطحنا الشر قالو قلاعه

بالاوله ما قالو انّا حليمين
وبالثانية ما قالو انها شجاعه

[ابوسعود#* @gharok22]

وجه النذل واضح بليا علامات
سبحان من خلا النذاله لها وجه

ياسر التويجري

[ابوسعود#* @gharok22]

من " الذكاء " انك تسوي نفسك احياناً غبي
بس الغباء ؟ انك تذاكى على ناس أذكياء

[ابوسعود#* @gharok22]

الردي لامن عجز رد الجمايل
دور الزله على قطع الرفاقه"

سعد علوش

[ابوسعود#* @gharok22]

فقد جُبل الإنسان على رؤية ما تحبه عينه وترغبه نفسه حتى لو كان من المساوئ والمخازي، وجُعل القلب لذلك رادعاً والعقل حامياً -بعد الله- من شر الوقوع فيهما؛ فالعقل يأمرك بالأنفع والقلب يدلّك على طبيعة فطرتك.

[ابوسعود#* @gharok22]

إذا سلِمتَ مِن زيغ الهوى وآفة الشهوة فأنتَ على خير حتى لو لم تصل؛ فالهوى مختصٌ بالآراء والاعتقاد، والشهوة مختصة بنيل اللذة، فإن خالفتهما فأنتَ مَن كسب دينه وإن فاته شيءٌ من دنياه، وتذكّر أن تجعل قلبك المؤمن وعقلك المتفكّر ناظرا على ما تبصره العين وتوده النّفس:

[ابوسعود#* @gharok22]

ان جاد راع المال ماهي كثيره
الجود جود اللي كريم على قل

[ابوسعود#* @gharok22]

جود إللي يجودون من قل
ماهو بجود إللي يجودون من فيض .

[ابوسعود#* @gharok22]

يحييني اللي يميل الثقل .. لـ اكتوفه
والحاجه اللي تمسه .. غير معروضه

رغم ان حمله ثقيل .. وحظّه يـلوفه
عينه عن الموجبه ماهيب مغضوضه

حلف ومدّ البطاقه .. ناسي ظروفه
سجيّة الجود فوق القل .. مفروضه

مانيب ذاكر .. سوا طيبه ومعروفه
حتى وهي في نقاط البيع .. مرفوضه

[ابوسعود#* @gharok22]

تمرني في دربي الناس ماشين
.. تنكروا واجد ، وانا ما تنكرت ..

على خطاويهم جرت دمعة العين
.. خلوني اكسر خاطري ، لا تذكرت ..

أيه اعترف : أني تغيرت ، والحين
.. لو يجرحوني كلهم ، ما تأثرت ..

طاحوا من عيوني / قرايب وغالين
.. انا انكسرت كثير ، حتى تغيّرت ..

[ابوسعود#* @gharok22]

اهتم في نفسك وبعدين بالناس
لا تجبر قلوب البشر وانت مكسور

[ابوسعود#* @gharok22]

وان جيت وارد نشدت الي هنا صادرين
وجمعت لي كم راي، وفوقهن جبت راي

واجنب اللي تبي نفسي ولو هو ثمين
ياما من المغريات اللي تركته وراي

اخاوي الصبر وان الله مع الصابرين
لين اصبح الصبر اخو، والصابرين اخوياي

-نجم الأسلمي

[ابوسعود#* @gharok22]

كنت اول اطرد هواء بالي وحرزه مكين
بي عنفوان الشباب الي يطوّل مداي

أطالع الدرب وان شفت اوله ياسمين
اسوقها مانشدت الي مع الدرب جاي

والقى بنصفه سراب وآخر الدرب طين
وارجع واعيد الخطا من كبرياي وعياي

لين أدبتنا الليالي وعسفتنا السنين
وبديت اسيطر على نفسي واخالف هواي

[ابوسعود#* @gharok22]

"ما مع القل مرجله"

[ابوسعود#* @gharok22]

ان زانت اوضاعي تواضعت للناس
وان شانت اوضاعي بديت اتكبر