‏هاجري١

[#ملتقى_الشعر_والشعراء @mltqyalshr]

عسى شايعتنا في عيون الرجال إجلال
وعسى عايبتنا خافيه غير مكشوفه

أما يشرح الرجال ظرفه على رجال
ولا يسكت الرجال لايشرح اظروفه

#سعد_بن_جدلان

رحمه الله

[ناصر .. @N_pna1]

فيه بيت نادر جدااا من اللي بـ يجيبه؟

[لـام🪔 @il0lf]

« يارفيق الذكريات وياشريك فؤادي
كل ظن فيك ظنيته؟ — تجي من فوقه »
— ناصر الحمادين

[عبدالمجيد الذيابي @Sh96F]

ياهيه ياللي تنقل القال والقيل
وتحطـني في موقـف ماحصلي

بيني وبينك دعـوة تالـي الليل
اخذ بهـا حقـي وانـا في محلي

سيف بن كليفيخ الجروي

[ظافر بن فرحان @zafr_frhan]

دون بيت الله ودون المملكه واخوان نوره
يشهد الله ماحسبت حساب لبّاس العمامه

[ظافر بن فرحان @zafr_frhan]

كل ماراحت الأوضاع شد وجذب
انت من تسِند الصعبه على كتفه

من يصافيك ورّدته قراح عذب
ومن يعاديك ورّدته على حتفه

[غـرورك @ghoroork_]

حتى لو أعيد النظر في العلاقات
وأنسى ثلاث أرباعها ما نسيتك

أنساك هذي ثامن المستحيلات
السابعة كانت لقاك ― ولقيتك

[ِ @m7_u2]

ان جيت باجيه شافوني معازيبه
وان جيتهم ماقدرت اقول ويش آبي

عز الله انها على اللي مثلي صعيبه
اجي معزز وادوّر لازمٍ غابي

سوالفه عقب فرقا الشمل والغيبه
الذ من سكرٍ في در حنزابي

الحب من ذاق خمره من رعابيبه
والله يكد النواصي بيض ما تابي .

- سعد بن جدلان الله يرحمه

[صّويبه ☤. @9b_qk]

حداني على همّالهم عادهم جاذين
طقيقٍ من الهوني وقبّاب الأسلافي
ٰ
ترى العزم يوم أقفيت والرّبع مصطفّين
كما عزم وجعانٍ يحاكيه متعافي
ٰ
عسى ليلةٍ أقلبت والرّبع مجتمعين
بعد ليلةٍ أقفيت والدمع ذرّافي .

[محمد بن فهاد بن جخدب @Bnjkdb]

شقحاً تنشق في عروض الغيم ريح
تحكم على اهل الشقح حكم المحكمه

ماهوب يطمع شوطها غير البجيح
ولا غشيمً لا لقى الضلع صدمه

هذي مثل فرق المليح من القبيح
متفرده و مقدره و مكرمه 🥇🏆☝🏻

[ّ @6ajml]

وان بغيت الصبر والسلوان دونه ما قويته
صورته في عيوني الثنتين واسمه في لساني

فلاح القرقاح

[مـعـتاد @NS__80]

النفوس تمل والعالم ماهم بـ عيالي
بعد ماخف الهوى الشرقي وهبّ القبلي

لاتقصوى في علوومك يالرفيق الغالي
العلوم قصار لا اكتب لك ولاتكتب لي

قد تركت المجتمع كله ورحت لحالي
لاتلحقنّي .. سوالفهم .. ونا عند ابلي

صالح ال نشيرا

[صالح النشيرا @saleh_neshaira]

شعور .. بدويٍ مبطيٍ ماسقاه قنوف
لاقام .. الصباح وعيّن القاع ممطوره

[🐆 @cs19l]

الجادل الي في حب الوضح منهبله
مدري وش الي رماني بين اياديها
ㅤㅤㅤㅤ
ماتحفظ الا قصايد جدّها فــ ابله
وتضيّـع ابياتي الي قلتها فيها.

[هـاوي @6Hwawi]

مايشاف الرجل بالعين الوسيعه
غير لامنه فزع لـ عيال .. عمه 

#سعد_بن_جدلان الله يرحمه