حمود بن عقدان

بسم الله الرحمن الرحيم

[وَدْق @rrh24_]

أخاف اجي مزهاف وارمي ولا أصيب
و الرميه اللي ما تصيب . . اتغبّـني "
- عبدالله بن زويبن

[حمود بن عقدان @hamoud_172]

تفسر كلامك . . يوم فات الاوان !
الخطايا الجسيمه ما لها فـ العتب

انت حاجه جميله وانتهت من زمان 
كان ودي تطوّل . . بس ما الله كتب

[حمود بن عقدان @hamoud_172]

بعد ماطالت مشاوير الحياة وسجّوا السالين
نويت أعيش في الدنيا وأسايرها ولا أمداني

ترجعني لخيبـات الظنـون و زلـة الغاليـن
وأطوفها على شان الهوى ماهو على شاني

وأنا ماني غشيم في التعامل وأعرف الغاوين
أجامل و اتشيّم و الخطأ مـاهو بـ يخفـانـي

[قروب شعر @Group_she3er]

أجي قدّ الهقاوي البيض ولو فيها عليّ إرهاق
ما أجي بكيف الظروف اللي علي - الوقت فارضها"

[حمود بن عقدان @hamoud_172]

بـارك الله في زمـانٍ بيّن وجيه و نوايا ،
وبارك الله في مواقف بيّنت كل الوجيه

[مدواخ شعر @Medwkh]

صفعات الايام ترشد لـ الطريق الصحيح
بعض المصايب تسـوي خير بـ اصحـابها

[حمود بن عقدان @hamoud_172]

لا تساومني وأنا أدري وأنت تدري
أني أعاف الجفى لكن ما أخافه

خابرٍ قدرك بصدري بس صدري
ما تعوّد يلحق المقفي حسافه

[حمود بن عقدان @hamoud_172]

بالطيب جاز وبالردى لا تجازي

[مدواخ شعر @Medwkh]

كم كلمتن زلت من لسان السفيه
ولو ردها جاهز معي ما .. قلتها

الله يصبرني على بعض الوجـيه
اللـي علـشان الحـيا ( جاملتـها )

[مدواخ شعر @Medwkh]

بين الخطايا و التغافل و العفو !
الناس تاهت في مْصافحهم يِدي

اللي هقيت انه ردي .. طلع كفو
واللي هقيت انه كفو .. طلع ردي

[حمود بن عقدان @hamoud_172]

أتصادق الناس وتعيش الحياه بـ سلام
لو تقدر أنك تعامل كل شخص بـ عقل

دور وسيلة نقل للحمل .. ولّا الكلام
مافيه داعي تدور له .. وسيلة نقل :)

لو لا التجارب وصكات الزمن والزحام
ماجا لـ بعض الاسامي فالمواقف ثقل

[بدر @justmebader]

مصيبة لا تردت قيمتك في عين من قيمت
يشوفك بالسهل وأنته تشوفه بالسما السامي

- سعد بن جدلان رحمه الله

[حمود بن عقدان @hamoud_172]

اشمخي يانفسي اللي كلها عزة وأنافة
لك علي إني ما أعرضك المهانة والمسبة

كل ماشفت العباد اللي يعيشون بضعافة
قمت أعرض راسي المرفوع للريح ومهبه

[محمد فهد @Mf_mf111]

وصف عبدالله بن زويبن في الدنيا :

ذيـورٍ غيـورٍ كل يـوم تسـل حـراب
تشن المغـازي والنشاما غنايـمها

[حمود بن عقدان @hamoud_172]

تورث الغلطه نضـوج وتصنع العثرات صامل
وتنجب النكبات صبر وتخلق الأحداث حكمه

[حمود بن عقدان @hamoud_172]

يقولون الحذر لماح واقول الحذر خواف
كلام الي يغامر والعمر في دبرة الوالي

[حمود بن عقدان @hamoud_172]

اللي تهيا له الطيحه هو المستريح
لو ان مطيحه من القمه يجي له دوي

كم واحد قاضي حيله و وده يطيح
وتوقفه نظرة اللي يحسبونه قوي

[حمود بن عقدان @hamoud_172]

العمر وقفات والدنيا دروس وعبر
والعاقل اللي عرف الايام وحمولها

من جادل الجاهلين يضيع له في بحر
فلا تخاطب الناس الا بمستوى عقولها

ثنتين خذها معك يا من يهمك لامر
وصى عليها الحكيم لطيب مفعولها

لا تمدح العود لين يحط فوق الجمر
ولا تمدح الناس حتى تظهر فعولها .

[حمود بن عقدان @hamoud_172]

إستعذت من الدروب اللي نهايتها حسافة
قبل ترميني ملذات الزمن .. في جوف غبة

شيمة الانسان ميزان اعتداله وانحرافه
تنذره لا شافت الاوضاع ما هي مستتبه

إن عجزت إنك ترد النفس عن شيٍ تعافه
ماقدرت تحط نفسك فالمكان اللي تحبه