بعد ماطالت مشاوير الحياة وسجّوا السالين
نويت أعيش في الدنيا وأسايرها ولا أمداني
ترجعني لخيبـات الظنـون و زلـة الغاليـن
وأطوفها على شان الهوى ماهو على شاني
وأنا ماني غشيم في التعامل وأعرف الغاوين
أجامل و اتشيّم و الخطأ مـاهو بـ يخفـانـي
أتصادق الناس وتعيش الحياه بـ سلام
لو تقدر أنك تعامل كل شخص بـ عقل
دور وسيلة نقل للحمل .. ولّا الكلام
مافيه داعي تدور له .. وسيلة نقل :)
لو لا التجارب وصكات الزمن والزحام
ماجا لـ بعض الاسامي فالمواقف ثقل
العمر وقفات والدنيا دروس وعبر
والعاقل اللي عرف الايام وحمولها
من جادل الجاهلين يضيع له في بحر
فلا تخاطب الناس الا بمستوى عقولها
ثنتين خذها معك يا من يهمك لامر
وصى عليها الحكيم لطيب مفعولها
لا تمدح العود لين يحط فوق الجمر
ولا تمدح الناس حتى تظهر فعولها .
إستعذت من الدروب اللي نهايتها حسافة
قبل ترميني ملذات الزمن .. في جوف غبة
شيمة الانسان ميزان اعتداله وانحرافه
تنذره لا شافت الاوضاع ما هي مستتبه
إن عجزت إنك ترد النفس عن شيٍ تعافه
ماقدرت تحط نفسك فالمكان اللي تحبه