Top Tweets for #Ardc

آئی جی فرنٹیئر کور (ایف سی) نارتھ کی صدارت میں اے آر ڈی کونسل کے ممبران کا جرگہ منعقد ہوا، جس میں اے آر ڈی کونسل کی تشکیل، اغراض و مقاصد، ذمہ داریوں، امن و امان کے قیام اور علاقے میں پائیدار ترقی و دیر پاء استحکام کے حوالے سے تفصیلی گفتگو کی گئی۔ اس موقع پر آئی جی ایف سی نے کہا کہ نئے سیٹ اَپ میں اے آر ڈی کونسل کے ممبران کا کردار نہایت اہمیت کا حامل ہے اور ان پر اہم ذمہ داریاں عائد ہوتی ہیں۔ انہوں نے تمام ممبران پر زور دیا کہ وہ اپنی ذمہ داریاں احسن طریقے سے نبھائیں اور علاقے میں امن و امان کے قیام، پائیدار استحکام اور ترقی کے فروغ کے لیے اپنا مؤثر کردار ادا کریں۔ جرگے کے دوران اے آر ڈی کونسل کے ممبران نے اپنے مکمل تعاون کی یقین دہانی کراتے ہوئے کہا کہ وہ علاقے کو درپیش مسائل کے حل اور امن و ترقی کے لیے باہمی مشاورت اور تعاون کا سلسلہ جاری رکھیں گے۔ اس موقع پر اس عزم کا بھی اظہار کیا گیا کہ تمام مسائل کو مل جل کر حل کرنے اور علاقے میں امن و استحکام کو فروغ دینے کے لیے مشترکہ کوششیں جاری رکھی جائیں گی۔