Top Tweets for #BringBackMdude

MSHAHARA WA DHAMBI NI MAUTI. Juzi RPC wa Mkoa wa Mbeya alitangaza kupitia vyombo vya Habari kwamba Jeshi hilo limewauwa watuhumiwa watatu wakati wakijaribu kuwakimbia Polisi. Watuhumiwa hao ni Marwa Nyahende, Edward Kayuni na Websta Mwantebele lakin ukweli ni kwamba hao Watuhumiwa hawajauwawa kwasababu ya tukio la kutekwa Shyrose Mahande bali RPC wa Mbeya kaamua kupindisha ukweli makusudi. Hao Watuhumiwa watatu ambao wameuwawa walikuwa miongoni mwa watu ambao wanaunda kikosi cha Watu wasiojulikana Mkoani Mbeya na wanafanyakazi chini ya Ofisa wa Polisi ambae anaitwa Shabani na RPC wa Mbeya anafahamu kuhusu jambo hili. Hao watuhumiwa watatu walikuwa waajiriwa wa Serikali kwenye JWTZ na JKT ila kwa nyakati tofauti walifukuzwa kwasababu ya utovu wa nidhamu. Kwa mujibu wa mmoja wa wana Familia za marehemu hao anasema kwamba aliyekuwa Mkuu wa Mkoa wa Mbeya Juma Homera, RPC wa Mbeya Benjamin Kuzaga na Coplo Shabani waliwapa hao Watuhumiwa kazi ya kumteka Mdude Nyagali na waliahidi kuwapatia Shilingi milioni 100 baada ya kufanikisha kazi hiyo. Lakin baada ya kufanikisha kazi hiyo Coplo Shabani aliwapatia shilingi milioni 20 tofauti na makubaliano yao kisha akawaambia pesa nyingine angewapatia baada ya wiki lakin hakufanya ivo. Baada ya hapo akina Marwa walianza kudai pesa zao kwa nguvu, Shabani akawa anawazungusha mwisho alianza kuwatisha kuwa atapoteza kama wakiendelea kumdai pesa izo, wakamwambia kabla hajawapoteza watatoka hadharani waseme ukweli kuhusu namna Jeshi la Polisi yani RPC, Shabani na wao walivohusika kwenye tukio la Kutekwa Mdude. Mwanafamilia huyo anasema kwamba juzi kati Coplo Shabani alimpigia simu mmoja wa watuhumiwa hao akamwambia awambie wenzie kwamba wakutane ili aweze kuwapatia kiasi cha pesa kilichobaki ambayo ni shilingi milioni 80 lakin pia kuna kazi nyingine anataka kuwapa wanapaswa kwenda kufanya na kuikamilisha kabla Oktoba 1 ndipo Mtuhumiwa huyo akawapigia wenzake kuwajulisha kwamba wanatakiwa kwenda kukutana na Shabani ili akawape pesa iliyobaki na kuwapa mchongo mwingine. Lakin tangu walipoenda kuonana na Shabani zilipita siku tatu simu zao zikawa hazipatikani, familia ikadhani huenda wameenda kwenye hiyo kazi ambao Shabani alikuwa amewaitia hadi pale Familia ilipokuja kuona kwenye mitandao ya kijamii kwamba wameuwawa na Jeshi la Polisi kwa tuhuma za kuhusika na tukio la kutekwa Shyrose. Sasa turudi miezi kadhaa baada ya tukio la Mdude kutekwa kuna majina sita ya wahusika ambayo yalikuwa yanatajwa sana kwa nyakati tofauti miongoni mwa hayo ni pamoja na hao watuhumiwa watatu ambao RPC wa Mbeya anasema Wamewauwa. Lakin pia ukiangalia plate number ya hiyo Carina T802 BEY ambayo tulionyeshwa juzi na RPC wa Mbeya kuwa ilikuwa ikitumiwa na Watuhumiwa hao then tukirudi miezi kadhaa nyuma kuna picha ya gari aina ya Noah ambayo ilikuwa imepaki kituo cha Polisi Chunya kuna msamaria mwema kutoka Jeshi la Polisi alitupenyezea kwamba gari hiyo ndo ilitumika kumteka Mdude sasa ukilinganisha plate number ya hiyo Noan na hii Carina ya juzi ni hiyo hiyo moja. Lakin jambo jingine baada ya Shabani kufanikisha tukio la kutekwa Mdude sasa hivi kapandishwa cheo kutoka kuwa Coplo na sasa ni Special Sergeant Halafu kapandishwa cheo kinyume kabisa na utaratibu wa Jeshi la Polisi ambapo kawaida Mtumishi yoyote wa Jeshi hilo anapaswa kupandishwa cheo baada ya miaka mitatu Sasa yeye ndani ya miaka mitatu kapandishwa kuwa Coplo na hapo hapo kapandishwa kuwa Special Sergeant means kahongwa cheo ili aendelee kutuumiza. Kwa mantiki hii RPC wa Mbeya na Shabani wamewauwa hao watuhumiwa watatu ili kufuta ushaidi wa tukio la kutekwa Mdude kwasababu hao watu walitishia kwamba watatoka hadharani kusema ukweli so wakawawahi. Huyu Mwanafamilia aliyenipa hii taarifa anasema kwamba kwa maelezo ya ndugu yake ambae alihusika kumteka Mdude ni kwamba Mdude bado yupo hai na kwamba Shabani ndo anajua wapi walipomficha Mdude. Mwisho nawaambia watu ambao huwa wanatumwa kuteka/kupoteza watu Ukiua kwa upanga, utakufa kwa upanga.

VIDEO: Aliyekuwa mwanachama wa Chama cha Demokrasia na Maendeleo (CHADEMA) Esther Matiko Jumapili Juni 29, 2025 ametangaza nia ya kuwania nafasi ya Ubunge Jimbo la Tarime Mjini kupitia chama tawala, Chama Cha Mapinduzi (CCM) Akizungumza na wanahabari, Matiko kando ya kuwashukuru Watanzania kwa kumuungano mkono katika safari yake ya kisiasa, amebainisha kuwa maamuzi ya kuhamia CCM na kuwania nafasi hiyo hayajatokana na jazba ama kutafuta maslahi binafsi na hajadhamiria kuwakatisha tamaa Watanzania wanaomuunga mkono. Amesema amefikia hatua hiyo kutokana na tafakari yake, hali ya Tarime Mjini na matarajio makubwa ya wananchi, akibainisha kuwa kupitia CCM anaamini kuwa ndoto hizo zitatimia na kutafsiriwa kwa vitendo, akiahidi kuwa sehemu na suluhisho la maendeleo ya Tarime Mkoani Mara. Akiwahakikishia kuwa safari yake ya sasa ni ya matumaini, Matiko amebainisha kuwa Ilani ya CCM ya mwaka 2025/30 ni miongoni mwa mengine yaliyomfurahisha, akisema Ilani hiyo imetoa kipaumbele kikubwa katika huduma za kijamii nchini, huku pia akionesha kuvutiwa na dhamira njema ya Rais Samia na maendeleo makubwa aliyoyafanya ndani ya miaka yake minne ya awali kama Rais wa Tanzania.

Askofu wa Kanisa la Kiinjili la Kilutheri Tanzania (KKKT), Dayosisi ya Karagwe, Dkt. Benson Bagonza, amesema kuwa taifa linapitia mkwamo wa kisiasa na kiutendaji ambao unahitaji hatua ya dhati ya kujitafakari na kurudi kwenye misingi ya mazungumzo, siyo mapambano. Akizungumza hivi karibuni kupitia mahojiano maalum na televisheni ya mtandao ya Sauti Digital, Askofu Bagonza amesema mchakato wa ndani wa kisiasa unaoendelea, hususan ndani ya Chama Cha Mapinduzi (CCM), unaonesha dalili za sintofahamu na upungufu wa misingi imara ya maadili ya kisiasa. “Kuna mtu amejiunga na chama leo, siku hiyo hiyo anachukua fomu. Unajiuliza, hii ni nini? amesema Askofu Bagonza. Ameelezea mshangao wake juu ya viongozi waliowahi kuwa sehemu ya tume ya uchaguzi iliyolalamikiwa, kisha kujiingiza katika mchakato wa kugombea, akisema hali hiyo inaleta maswali makubwa kuhusu uadilifu wa mchakato huo. Akijibu hoja za baadhi ya watu wanaodai kuwa kutoshiriki kwa CHADEMA hakutaleta athari kwa kuwa kuna vyama vingine 18 vinavyoshiriki uchaguzi, Askofu Bagonza ametoa changamoto: “Ebu wafikirie tuwe na uchaguzi mkuu usiokuwa na CCM, viwe hivyo 18 vingine na CHADEMA halafu aniambie kama huo ni uchaguzi, kwahiyo wanaoona CHADEMA haipo kwahiyo kuna mushkeli, pia wageuze akili zao waangalie kama hakuna CCM kama uchaguzi unaweza kufanyika. Mawazo yangu sina maana kwamba vyama vingine havifai. Ninaamini taifa ambalo linajumuisha kuliko kutawanya, natamani vyama vyote, tena hata vingine ambavyo havijasajiliwa”. Amesema taifa linahitaji kuwa na "utaratibu jumuishi" ambapo kila Mtanzania anahusishwa kikamilifu bila kubaguliwa – hata wale wasiokuwa na vyama – na kusisitiza kuwa hekima haijachelewa. “Hekima hata ikichelewa, siku moja inatosha. Kinachotakiwa ni utashi wa kisiasa (political will) wa kutupeleka kwenye taifa la mazungumzo, siyo taifa la mapambano,” alihitimisha Askofu Bagonza. Kauli yake imekuja wakati wa mchakato unaoendelea wa uchukuaji na urejeshaji wa fomu za kugombea ubunge na udiwani ndani ya CCM, huku kukiwa na sintofahamu juu ya ushiriki wa CHADEMA- chama kikuu cha upinzani nchini katika uchaguzi mkuu wa 2025.