Top Tweets for #Criticallyendangered

کیا آپ نے خشک ترین علاقوں کے باسی اور ہمارے مقامی "ایشین کنگ ولچر"جن کو مختلف ناموں جیسا کہ 'ریڈ ھیڈیڈ ولچر' یا 'انڈین بلیک ولچر' یا 'پونڈیچیری ولچر' کا نام سنا ہے اور انکو دیکھا ہے؟ اور یہ کہ ضلع تھر پارکر صوبہ سندھ انکی آخری کالونی ہے؟ وڈیو میں ایشین کنگ ولچر یا ایشیائی راجا گدھ کو انکے قدرتی مسکن میں دیکھا جاسکتا ہے۔ یہ پرانے اور عمر رسیدہ درختوں کی چوٹی پر گھونسلے بناتے ہیں۔ تولیدی سیزن نومبر سے اپریل تک رہتا ہے اور مادہ ایک انڈہ دیتی ہے۔ بچوں میں شرح اموات زیادہ ہوتی ہیں جس کی وجہ اسکا گھونسلے میں اکیلا رہنا کیونکہ والدین حصول خوراک کے لیے گئے ہوتے ہیں۔ لاحق خطرات میں مسکن کی تباھی اور نادان تحقیق دانوں کی طرف سے اسکے انڈے چرا لینا ہے۔ مزید تلخ حقائق یہ بھی ہیں کہ زیادہ تر ایشیائی اور دنیا کے کئی ملکوں میں انسانی اقدامات کی وجہ سے ولچرز اپنی بقا کی جنگ میں ہیں اور جدید سائنسی دور میں "وائیلڈ لائیف کنزرویشن" کی علامت بن چکے ہیں۔ دھرتی پر لگ بھگ 23 گدھ اسپشیز ہیں جن میں پاکستان میں 9 اسپشیز پائی جاتی تھیں، سب کا ایک ہی کارگر اکالاجیکل کردار یعنی "ماحولیاتی خاکروب" کا ہے۔ تباہ کن اقدامات میں زراعت و ڈیری فارمنگ میں جانوروں میں مضر دوائوں کا استعمال، مسکن کی تباہی وغیرہ شامل ہیں۔ مرے ہوئے مویشی یا گوشت کے لیے ذبح کیے گئے جانوروں کی آلائشوں کو جب کھلی فضا میں پھنک دیا جاتا ہے تو ان میں زھریلی دوائیوں کی باقیات موجود ہوتی ہیں۔ ایسی زھریلی باقیات کو جب اسکونجرز اور کیڑے مکوڑے کھاتے ہیں تو زھر کہ اثرات ان جانداروں کے لیے خاموش دشمن بن جاتے ہیں، اسطرح نا صرف گدھ بلکہ دیگر زمینی اسکونجرز، حشرات یہاں تک کہ آوارہ کتے بھی اثرات کا شکار ہوجاتے ہیں۔اور انکے وجود کو مختلف خطرات لاحق ہو جاتے ہیں۔ کچھ ناقدین کی رائے کے مطابق ناول "راجہ گدھ" سے سائنس، منطق، عقل اور جدیدیت کو نقصان پہنچا کیوں کہ حیاتیاتی علوم میں گدھ کو "برا" نہیں بلکہ ایک صفائی کرنے والا مانا جاتا ہے جو مردار کھا کر زمین کو بیماریوں سے پاک رکھتا ہے۔ لیکن اس حقیقت سے بھی انکار نہیں کہ ادب میں جانوروں کی صفات کو انسانی رویوں سے جوڑنا ایک قدیم روایت ہے، جیسا کہ طرح شیر کو بھادری، طاقت اور انصاف اور گیدڑ کو بزدلی اور مکاری کی۔ ایسی تشبیہات سائنسی طور پر درست نہیں ہوتیں، لیکن علامتی لحاظ سے یہ ایشیائی ادب کا ایک وجود رکھنے والا نظریہ مانا جاتا ہے۔ جنگلی حیات و ایکو سسٹم کے تحفظ کی بات درحقیقت نسل انسانی کے تحفظ کی بات ہے، شراکت داروں جن میں مقامی کمیونٹیز، این جی اوز، الیکٹرانک، پرنٹ و سوشل میڈیا، سرکاری اداروں اور لیڈرشپ کو حیاتاتی تنوع اور ایکوسسٹمز کی سائنسی تشریحات و نظریات کے مطابق سوچنا اور اقدامات کرنا ہونگے۔ #SindhWildlife🇵🇰 #Asian_king #Red_headed #Vulture #Ecosystem #Ecology