Top Tweets for #KpscDroha

ಚಂದಾಪುರದ ಘಟನೆ ಹಿನ್ನೆಲೆಯಲ್ಲಿ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಉನ್ನತ ಅಧಿಕಾರಿಗಳು ಇಂದು ಸಭೆಯೊಂದನ್ನು ಆಯೋಜಿಸಿ ನನ್ನನ್ನು ಆಹ್ವಾನಿಸಿದ್ದರು. ಸ್ವಾಭಿಮಾನಿ ಕನ್ನಡಿಗರ ಪರವಾಗಿ ನಮ್ಮ ಹಕ್ಕೊತ್ತಾಯಗಳ ಕುರಿತು ಈ ಸಭೆಯಲ್ಲಿ ಚರ್ಚಿಸಿದೆ. ಸುಮಾರು ಮುಕ್ಕಾಲು ಗಂಟೆಯ ಕಾಲ ಎಲ್ಲ ಅಧಿಕಾರಿಗಳನ್ನು ನನ್ನ ಮಾತುಗಳನ್ನು ಆಲಿಸಿದರು ಮತ್ತು ಸಕಾರಾತ್ಮಕವಾಗಿ ಸ್ಪಂದಿಸಿದರು. ನಮ್ಮ ಹಕ್ಕೊತ್ತಾಯಗಳ ಕುರಿತು ಚರ್ಚಿಸಿ ಹದಿನೈದು ದಿನಗಳ ಒಳಗೆ ಸೂಕ್ತ ಪ್ರತಿಕ್ರಿಯೆಯನ್ನು ನೀಡುವುದಾಗಿ ಅವರು ಹೇಳಿದರು. ಚಂದಾಪುರ ಶಾಖೆಯಲ್ಲಿ ನಡೆದಂಥ ಘಟನೆಗಳು ಮತ್ತೆ ಜರುಗದಂತೆ ನೋಡಿಕೊಳ್ಳುವುದಾಗಿ ಅವರು ಭರವಸೆ ನೀಡಿದರು. ಸಭೆಯಲ್ಲಿ ನಾನು ಮಂಡಿಸಿದ ವಿಷಯಗಳು ಹೀಗಿವೆ: 1.ಕನ್ನಡಿಗರಿಗೆ ಶೇ.80 ರಷ್ಟು ಉದ್ಯೋಗ ಮೀಸಲಾತಿ. 2.ಕನ್ನಡ ಮಾತನಾಡಲು ನಿರಾಕರಿಸುವ ಅಧಿಕಾರಿ - ಸಿಬ್ಬಂದಿ ವರ್ಗಾವಣೆ. 3.ಕನ್ನಡ ಭಾಷಾ ತರಬೇತಿ ಮತ್ತು ಸಾಂಸ್ಕೃತಿಕ ಸಂವೇದನೆ ಕಾರ್ಯಕ್ರಮಗಳು. 4.ಕನ್ನಡ ಜಾರಿಗೆ ನೋಡಲ್ ಅಧಿಕಾರಿಗಳ ನೇಮಕ. 5.ಕನ್ನಡ ಭಾಷಿಕರನ್ನು ಮಾತ್ರ ನೇಮಕ ಮಾಡುವ ನೀತಿ. 6.ಚಂದಾಪುರ ಘಟನೆಯಂತಹ ಘಟನೆಗಳನ್ನು ತಡೆಗಟ್ಟಲು ಕಠಿಣ ಕ್ರಮಗಳು. 7.ಗ್ರಾಹಕರಿಗೆ ಕನ್ನಡದಲ್ಲಿ ಸೇವೆ ಒದಗಿಸುವ ಖಾತರಿ. 8.ಎಸ್ಬಿಐನಿಂದ ಕನ್ನಡ ಭಾಷೆಯ ಜಾರಿಗೆ ಸಂಬಂಧಿಸಿದ ಸ್ಪಷ್ಟ ನೀತಿಯ ರಚನೆ. 9.ಕರ್ನಾಟಕದ ಎಸ್ಬಿಐ ಶಾಖೆಗಳಲ್ಲಿ ಕನ್ನಡದ ಬಳಕೆಯನ್ನು ಕಡ್ಡಾಯಗೊಳಿಸುವ ಕಾಲಮಿತಿಯ ಒಪ್ಪಂದ. 10.ಕನ್ನಡಿಗರ ಭಾವನೆಗಳಿಗೆ ಗೌರವ ನೀಡುವ ಮತ್ತು ಸ್ಥಳೀಯ ಭಾಷೆಯನ್ನು ಉತ್ತೇಜಿಸುವ ಎಸ್ಬಿಐನ ಬದ್ಧತೆಯ ಸಾರ್ವಜನಿಕ ಘೋಷಣೆ. ಇವತ್ತಿನ ಸಭೆ ಆಶಾದಾಯಕವಾಗಿತ್ತು. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಮಾತ್ರವಲ್ಲ, ರಾಷ್ಟ್ರೀಕೃತ ಬ್ಯಾಂಕ್ ಗಳು ಮತ್ತು ಖಾಸಗಿ ಬ್ಯಾಂಕ್ ಗಳಲ್ಲೂ ಕನ್ನಡಿಗರಿಗೆ ಆಗುತ್ತಿರುವ ಅನ್ಯಾಯ, ಅವಮಾನಗಳು ನಿಲ್ಲಬೇಕಿದೆ. ಇದಕ್ಕಾಗಿ ಕರ್ನಾಟಕ ರಕ್ಷಣಾ ವೇದಿಕೆ ಮುಂಬರುವ ದಿನಗಳಲ್ಲಿ ವ್ಯಾಪಕವಾದ ಅಭಿಯಾನಗಳನ್ನು ನಡೆಸಲಿದೆ. ಇವತ್ತಿನ ಸಭೆಯಲ್ಲಿ ಎಸ್ ಬಿಐ ಬೆಂಗಳೂರು ವೃತ್ತದ ಮಹಾಪ್ರಬಂಧಕರಾದ ಶ್ರೀ ಸುಶೀಲ್ ಕುಮಾರ್ ಸಿಂಗ್, ವೃತ್ತ ಅಭಿವೃದ್ಧಿ ಅಧಿಕಾರಿ ಶ್ರೀ ರಾಜೇಶ್ ಚೌರೆ, ಸಹಾಯಕ ಮಹಾ ಪ್ರಬಂಧಕರಾದ (ಸುರಕ್ಷತೆ) ಶ್ರೀ ಪದ್ಮನಾಭ ಕುಲಕರ್ಣಿ, ಪ್ರಬಂಧಕರಾದ ಶ್ರೀ ಚನ್ನಬಸವ, ಉಪಪ್ರಬಂಧಕರಾದ ಶ್ರೀ ಗಿರಿರಾಜ್ ಕೆ.ಎನ್ ಮತ್ತು ಇತರ ಉನ್ನತ ಅಧಿಕಾರಿಗಳು ಪಾಲ್ಗೊಂಡಿದ್ದರು.

ಇಲ್ಲಿ ಮಲೆಯಾಳಂ ಭಾಷೆಯ ಬೋರ್ಡ್ ಒಂದೇ ಇದ್ದಿದ್ದರೆ ಬಹುಶಃ ಇದನ್ನು ನಾನು ಕೂಡ ವಿರೋಧಿಸುತ್ತಿದ್ದೆ... ಆದರೆ ಮಲೆಯಾಳಂ ಭಾಷೆಯ ಮೇಲೆ ಕನ್ನಡದಲ್ಲಿ ಬರೆಯಲಾಗಿದೆ. ಮತ್ತು ಕೊಲ್ಲೂರು ಮೂಕಾಂಬಿಕೆಯನ್ನು ಎಲ್ಲ ಮಲೆಯಾಳಿಗಳು ಕುಲದೇವಿಯೆಂದೇ ನಂಬುತ್ತಾರೆ, ಕನ್ನಡಿಗರಿಗಿಂತ ಹೆಚ್ಚಿನ ಸಂಖ್ಯೆಯ ಭಕ್ತರು ಕೇರಳದಿಂದ ಬರುತ್ತಾರೆ ಎಂಬುದು ಅಷ್ಟೇ ಸತ್ಯ ಸಂಗತಿ. ನಮ್ಮ ರಾಜ್ಯದ ಅತಿಥಿಗಳಿಗೆ ಗೌರವ ಸೂಚಿಸುವುದು ಅವರಿಗೆ ಸಂವಹನಕ್ಕೆ ಅನುಕೂಲವಾಗುವಂತೆ ವ್ಯವಸ್ಥೆ ಮಾಡುವುದು ನಮ್ಮ ಕರ್ತವ್ಯ. "ನೀರು ಕೇಳಿದರೆ ಹಾಲು ಕೊಡುವವರು" ಎಂದು ಕನ್ನಡಿಗರನ್ನು ಹಳೆಗನ್ನಡ ಕಾವ್ಯಗಳಲ್ಲಿ ವರ್ಣಿಸಲಾಗಿದೆ, ಆದರೆ ಇತ್ತೀಚಿನ ದಿನಗಳಲ್ಲಿ ಕನ್ನಡದ ಹೆಸರು ಹೇಳಿಕೊಂಡು ನಮ್ಮ ರಾಜ್ಯದ ಅತಿಥಿಗಳನ್ನು ಅವಮಾನಿಸುವ, ರಾಜಕೀಯ ಮಾಡುವ ಮತ್ತು ನಮ್ಮ ನಮ್ಮವರ ಮಧ್ಯದಲ್ಲೇ ಬೆಂಕಿ ಹಚ್ಚುವ ಜನರ ಸಂಖ್ಯೆ ಅತಿಯಾಗಿದೆ. ತಿರುಪತಿಯ ದೇವಸ್ಥಾನದಲ್ಲಿ, ಶಬರಿಮಲೆ ದೇವಸ್ಥಾನದಲ್ಲಿ, ಅಯೋಧ್ಯೆ ರಾಮಮಂದಿರದಲ್ಲಿ ಹಾಗೂ ದೇಶದ ಇತರೆ ಪ್ರಮುಖ ದೇವಸ್ಥಾನಗಳಲ್ಲಿ ಕನ್ನಡದ ಫಲಕ ಕಂಡಾಗ ಹೆಮ್ಮೆಯಾಗುತ್ತದೆ ಆದರೆ ನಮ್ಮ ರಾಜ್ಯದ ದೇವಸ್ಥಾನಗಳಲ್ಲಿ ಪರ ರಾಜ್ಯದ ಭಕ್ತರಿಗೆ ಅನುಕೂಲವಾಗಲು ಬೇರೆ ಭಾಷೆಯ ಫಲಕ ಹಾಕಿದಾಗ ಕೆಂಡಾಮಂಡಲವಾಗುವುದು ಇಬ್ಬಗೆಯ ಮಾನಸಿಕತೆಯಲ್ಲದೆ ಇನ್ನೇನು? ನಾವು ಹಿಂದೂಗಳು ವಸುದೈವ ಕುಟುಂಬಕಂ ಇಡೀ ವಿಶ್ವವನ್ನೇ ನಮ್ಮ ಕುಟುಂಬ ಎಂದು ನಂಬುವವರು ಆದರೆ ಇಂತಹ ಭಾಷಾ ರಾಜಕೀಯ ಮಾಡು ಹಿಂದೂಗಳ ಮದ್ಯೆ ಒಡಕು ತರಲು ಸತತವಾಗಿ ಪ್ರಯತ್ನ ಮಾಡುವ ಇವರು ಉರ್ದುವಿನ ವಿಷಯ ಬಂದಾಗ ಮೂಕರಾಗಿ ಬಿಡುತ್ತಾರೆ. ನಿಜವಾಗಿಯೂ ಕನ್ನಡಕ್ಕೆ ಕಂಟಕವಿರುವುದು ಉರ್ದು ಭಾಷೆಯಿಂದ, ಕನ್ನಡ ನಾಡಿನಲ್ಲಿ ಉರ್ದು ಭಾಷೆಗೆನು ಕೆಲಸ? ಒಂದು ಪರಕೀಯ ಭಾಷೆಯನ್ನು ನಾವೇಕೆ ಕನ್ನಡ ನಾಡಿನಲ್ಲಿ ವಿಜೃಂಭಿಸುತ್ತಿದ್ದೇವೆ? ಅಪಾರವಾದ ರಾಜ್ಯದ ಹಣವನ್ನ ಉರ್ದುವಿಗಾಗಿ ವ್ಯಯ ಮಾಡುತ್ತಿದ್ದೇವೆ, ಆದರೆ ಇದರೆ ಬಗ್ಗೆ ಕನ್ನಡದ ಹೆಸರು ಹೇಳಿಕೊಂಡು ಹೋರಾಟ ಮಾಡುವವರಿಗೆ ಏಕೆ ಜಾಣ ಕುರುಡು ಎಂಬುದು ಯಕ್ಷ ಪ್ರಶ್ನೆ.