Top Tweets for #MinorityMarch

اقلیتی حقوق مارچ 𝟏𝟎 اگست 𝟐𝟎𝟐𝟓 پاکستان بھر میں — برابر کی شہریت کے مطالبے کے ساتھ 🇵🇰 گزشتہ دو سالوں کی طرح اس سال بھی ہم سڑکوں پر نکلیں گے، اور یومِ اقلیت پر انصاف، وقار، اور مساوی شہریت کے حق کے لیۓ آواز بلند کریں گے۔ موجودہ حالات کے پیش نظر یہ فیصلہ کیا گیا ہے کہ اب اقلیتی حقوق مارچ 10 اگست 2025 دوپہر 2:30 بجے کو ہوگا۔ جہاں حکومتِ پاکستان کی طرف سے مذہبی اقلیتوں کو ان کے مخصوص دن پر بھی چھٹی دینے سے انکار کیا گیا ہے۔ اگر کوئی اپنے قومی دن پہ غیر حاضر ہو، تو ان کے موجودہ روزگار (جو کہ پہلے ہی محدود اور غیر یقینی ہیں) بھی خطرے میں ڈال دیے جاتے ہیں۔ پاکستان میں مذہبی اقلیتیں آج بھی منظم امتیاز، جبر، اور بڑھتے ہوئے تشدد کا شکار ہیں۔ کم عمر بچیوں کو اغواء کر کے زبردستی مسلمان بنایا جاتا ہے، ان کی مرضی کے خلاف شادی کرائی جاتی ہے۔ ان سے ان کا بچپن اور اختیار چھین لیا جاتا ہے۔ اسکولوں میں اقلیتی برادریوں کے بچوں کو اکثر تنہا کر دیا جاتا ہے، تہواروں میں شامل نہیں کیا جاتا، اور انہیں محفوظ و شمولیتی تعلیمی ماحول میسر نہیں۔ یہاں تک کہ وہ تعلیمی ادارے جو اقلیتی برادریوں نے خود قائم کیے تھے، آج ان کی رسائی سے دور ہیں۔ ہماری عبادت گاہیں غیر محفوظ ہیں، ہماری آوازیں دبا دی جاتی ہیں، اور ہمارے حقوق کو مسلسل نظر انداز کیا جاتا ہے۔ لیکن 10 اگست کو ہم مارچ کریں گے۔ ہم برابری اور وقار کے لیے مارچ کریں گے۔ ہم جبری تبدیلی مذہب کے خلاف مارچ کریں گے۔ ہم اپنے بچوں کے لیے غیر امتیازی، شمولیتی تعلیم کے لیے مارچ کریں گے۔ ہم اپنی عبادت گاہوں اور برادریوں کے تحفظ کے لیے مارچ کریں گے۔ ہم ایک ایسے پاکستان کے لیے مارچ کریں گے جو تمام شہریوں کے لیے برابر ہو۔ ہمارا ساتھ دیں۔ ہمارے ساتھ چلیں۔ انصاف کے لیے آواز بلند کریں۔ پاکستان سب کے لیے! #MinorityRightsMarch2025 #MinorityRightsMarch #MRM #StopForcedConversions