Top Tweets for #Ruleoflow

Jeshi la polisi mkoa wa Geita linamshikilia mwalimu wa madrasa katika msikiti wa Nyankumbu Mjini Geita Abdulrahman Yasin pamoja na watuhumiwa wengine kwa kosa la kujihusisha na vitendo vya kihalifu. Akitoa ufafanuzi wa tukio hilo Kamanda wa jeshi la polisi mkoa wa Geita Kamishna msaidizi mwandamizi Safia Jongo amesema taarifa zilizokuwa zinasambaa kwenye mitandao ya kijamii kuwa mwalimu huyo wa madrasa amepotea katika mazingira ya kutatanisha si za kweli, isipokuwa jeshi la polisi linamshikilia kwa tuhuma ya kujihusisha na vitendo vya uhalifu. Kamanda huyo wa polisi amesema hadi sasa uchunguzi unaendelea na utakapokuwa umekamilika mtuhumiwa pamoja na wenzake watafikishwa mahakamani kwaajili ya kujibu tuhuma zinazowakabili.