Top Tweets for #SaveBM

احتجاجی ریلی کے حوالے سے پمپلیٹنگ بلوچستان کے تعلیمی اداروں کی ملٹرائزیشن ، بلوچ طالبعلموں پر ریاستی کریک ڈاون اور بولان میڈیکل کالج کی بندش کے خلاف کل بروز جمعہ ایک احتجاجی ریلی نکالی جائے گی، جس‌ کے حوالے سے آج کوئٹہ کے مختلف علاقوں( بروری، بازار ، اے ون سٹی ، اُدّہ ، سریاب) میں پمپلیٹنگ کی گئی اور مختلف مکتبہِ فکر کے لوگوں کو احتجاجی ریلی میں شریک ہونے کی دعوت دی گئی۔ کوئٹہ کی سخت سردی میں 16 دن احتجاجی کیمپ میں گزارنے کے باوجود ابھی تک صوبائی حکومت اور کالج انتظامیہ کی جانب سے طالبعلموں کے مطالبات کی شنوائی نہیں ہوئی ہے۔ ریاستی ہٹ دھرمی کا اندازہ کریں کہ ایک طرف احتجاجی دھرنا جاری ہے تو دوسری طرف بلوچستان کے دیگر تعلیمی اداروں کو بند کرنے کا بھی سلسلہ جاری یے جس میں ابھی بلوچستان یونیورسٹی کے ہاسٹلز کو سیل کیا جارہا ہے جبکہ دوسری طرف بلوچ طالبعلموں پر کریک ڈاون اور جبری گمشدگی کے واقعات دن بدن تیزی سے بڑھتا جارہا ہے۔ اس احتجاجی کیمپ کے توسط سے ہم بلوچستان بھر کے عوام ، طلباء و طالبات ، سیاسی کارکنان کو پیغام دینا چاہتے ہیں کہ بلوچستان کے تعلیمی اداروں کی ملٹرائیزیشن، تعلیمی اداروں اور ہاسٹلوں کی بندش سوچی سمجھی ریاستی سازش اور پالیسیاں ہیں جس کے تحت طالبعلموں پر بدترین کریک ڈاون کا آغاز کیا جارہا ہے۔ اس کے خلاف طالبعلم احتجاجی تحریک چلا رہے ہیں۔ آپ تمام لوگوں سے درخواست کرتے ہیں یہ صرف ایک میڈیکل کالج کے اسٹوڈنٹس کا مسئلہ نہیں ہے بلکہ بلوچستان کے تمام طالبعلموں کے مستقبل کا سوال ہے۔ اگر آج آپ مزاحمت نہیں کریں گے تو کل بلوچستان کے تمام طلباء اس ریاستی بربریت کا نشانہ بنیں گے۔ بلوچستان کے تعلیمی اداروں کی ریاستی ملٹرائیزیشن، بولان میڈیکل کالج کی بندش کے خلاف ایک احتجاجی ریلی نکالی جائے گی جس میں ہم تمام مکتبہِ فکر کے لوگوں سے شرکت کی اپیل کرتے ہیں۔ تاریخ اور وقت: 13 دسمبر 2024 بروز جمعہ دن 12 بجے جگہ:- بولان میڈیکل کالج تا بلوچستان اسمبلی طلباء تنظیمیں بلوچستان