Top Tweets for #TMDA

▪️Mamlaka ya Dawa na Vifaa Tiba (TMDA)Yamkamata Kinara wa Kuzalisha na Kusambaza Dawa Bandia Kipawa Jijini Dar es Salaam Mamlaka ya Dawa na Vifaa Tiba (TMDA) kwa kushirikiana na Jeshi la Polisi limefanikiwa kumkamata Bw. William Japheti Mwangile (39) Mkazi wa Kata ya Kipawa, Halmashauri ya Manispaa la Ilala kwa tuhuma ya kuzalisha na kusambaza dawa bandia kwa mfumo wa makopo kinyume cha kifungu 76 cha Sheria ya dawa na vifaa tiba sura 219. Akizungumza jijini Dar es Salaam Mkaguzi wa Dawa kutoka Mamlaka ya Dawa na Vifaa Tiba (TMDA) Kanda ya Mashariki, Jafari Mtoro, amesema kuwa mtuhumiwa huyo amekamatwa tarehe 14/4/2023 nyumbani kwake maeneo Kipawa na baada ya kufanyiwa upekuzi katika nyumba yake, wamekamata aina mbalimbali za nebo za dawa 537 zikiwa tayari zimeandikwa majina. Bw. Mtoro amesema pia wamekamata viroba vitatu vya unga, kimoja kikiwa na rangi ya njano, viwili vikiwa na rangi nyeupe ambazo vinazaniwa ni malighafi za dawa. “tarehe 15/4/2023 usiku wa manane tumekwenda nyumbani kwa wazazi wake kwa ajili ya kufanya upekuzi na kubaini uwepo wa vitu mbalimbali ikiwemo nebo za dawa 142” amesema Bw. Mtoro. Amefafanua kuwa kukamatwa mtuhumiwa Mwangile kumetokana na kukamatwa kwa baadhi ya dawa ambazo tayari zimesambaza ambazo ni bandia, huku akieleza kuwa baadhi ya watuhumiwa ambao alikuwa anashirikiana tayari wanashikiliwa na Jeshi la Polisi.