Top Tweets for #afghando

انٹیلی جنس بیورو ڈویژن اور سی ٹی ڈی کی مشترکہ کارروائی میں جوڈیشل کمپلیکس جی–11 اسلام آباد پر حملے میں ملوث فتنہ الخوارج کے دہشت گرد نیٹ ورک کے چار اہم کارندے گرفتار کر لیے گئے۔ تفتیش میں انکشاف ہوا کہ ساجد اللہ عرف شینا، جو خودکش حملہ آور کا ہینڈلر تھا، نے اعتراف کیا کہ اسے فتنہ الخوارج کے کمانڈر سعید الرحمن عرف داداللہ، جو چرمانگ باجوڑ کا رہائشی اور اس وقت افغانستان میں موجود ہے، نے ٹیلیگرام کے ذریعے اسلام آباد میں خودکش حملہ کروانے کا حکم دیا تاکہ قانون نافذ کرنے والے اداروں کو بھاری نقصان پہنچایا جاسکے۔ داداللہ نے خودکش بمبار عثمان عرف قاری کی تصاویر بھی بھیجیں، جس کا تعلق شینواری قبیلے سے تھا اور وہ نگرہار کے علاقے اچین، افغانستان کا رہائشی تھا۔ پاکستان پہنچنے کے بعد شینا نے اسے اسلام آباد کے نواحی علاقے میں ٹھہرایا، جبکہ داداللہ کی ہدایت پر پشاور کے اکھن بابا قبرستان سے خودکش جیکٹ حاصل کرکے اسلام آباد منتقل کی گئی۔ حملے کے روز شینا ہی نے بمبار کو جیکٹ پہنائی۔ فتنہ الخوارج کی افغانستان میں موجود اعلیٰ قیادت ہر قدم پر اس نیٹ ورک کی رہنمائی کرتی رہی۔ خوش قسمتی سے یہ پورا سیل گرفتار ہوچکا ہے، جبکہ آپریشنل کمانڈر سمیت تمام چار دہشت گرد پکڑے جا چکے ہیں۔ تحقیقات جاری ہیں اور مزید انکشافات اور گرفتاریاں متوقع ہیں۔