🔻🐝 Hasan Zayedحسن زايد

مسلم عربي مصري
If you don’t play, you can’t win
If You Don't Let Us Dream, We Won't Let You Sleep
أهلاوي ابن زملكاوي

[🔻🐝 Hasan Zayedحسن زايد @hassanzayed25]

@Radwan6655 ده هروب جماعى لسيولة ، المصريين هروب لدولار او للمعادن و بالنسبة للاجانب الهروب للخارج
مش لاقى تفسير منطقى غير ده و لو انا غلط حد يصححلى

[Mohamed Ameen | محمد أمين @mohamedameen_io]

دجل «التحليل الفني»..
ــــــــ
من يومين قلت هنا: «مفيش حاجة اسمها التحليل الفني. ده مش علم وملوش أي أسس وملوش أي لازمة.» ومكنتش أعرف إن دي تعتبر hot take هنا على X. التحليل الفني في مصر والعالم بقى صناعة كاملة ليها كورسات، وجروبات «توصيات» على تليجرام وواتساب، وصنَّاع محتوى بيرسموا خطوط ومثلثات وموجات على الـChart عشان يتوقعوا السهم رايح فين. في رأيي أكتر من ٩٥٪ من اللي بيتقدم للناس تحت اسم «التحليل الفني» ملوش أي أساس علمي، والـ٥٪ الباقيين حاجة مختلفة تمامًا عن اللي بيتباع في الكورسات وجروبات التوصيات، وهي مجرد رياضيات مالية تقليدية ملهاش أي علاقة بما يتم ترويجه للناس تحت مسمى «التحليل الفني». وعشان كدة «التحليل الفني» التقليدي بالشكل المنتشر على الإنترنت مش بيتم استخدامه في إدارة الاستثمار أو المضاربة في صناديق التحوط والمؤسسات الاستثمارية العملاقة، ولا بيتم تدريسه في برامج العلوم المالية في الجامعات الكبرى. في البوست ده هاشرح ليه أغلب الكلام ده مش علمي وملوش أي قيمة، وايه هو الجزء الصغير اللي ممكن يكون ليه قيمة فعلًا، وازاي تفرَّق بنفسك بين الاتنين.
ــــــــ
قبل ما أبدأ، أنا محمد أمين، معايا ماجستير في الذكاء الاصطناعي من @GeorgiaTech وماجستير في العلوم المالية من @SOAS، ومتخصص في Quantitative Finance، أو بناء النماذج الرياضية اللي بنقدر من خلالها نحلل أسواق المال ونضارب ونستثمر في الأصول المختلفة. أنا trader ومستثمر ناجح بقالي أكتر من ٨ سنين، وبادير حاليًا في @amwalai محافظ استثمارية لعدد كبير من العملاء. فيعني عندي الخلفية الأكاديمية، وكذلك الخبرة العملية اللي تأهلني أتكلم في الموضوع ده.
ــــــــ
يعني ايه «تحليل فني» أصلًا؟
التحليل الفني ببساطة هو محاولة التنبؤ بحركة السعر في المستقبل من خلال دراسة حركته في الماضي. دراسة حركة السعر نفسه، وأحجام التداول، والمؤشرات المحسوبة من الحركة والأحجام، بغض النظر عن أي مؤشرات مالية أو اقتصادية أخرى. في رأيي «التحليل الفني» ممكن يتقسم لنوعين:

– النوع الأول Subjective: ده بيتضمن كل الاستراتيجيات والمؤشرات اللي ملهاش تعريف دقيق، وبتعتمد على عين المحلل وتفسيره الشخصي لحركة السعر. النوع ده يندرج تحته نماذج الـChart الكلاسيكية (الرأس والكتفين، والقمة المزدوجة، والمثلثات وخلافه)، وخطوط الدعم والمقاومة والاتجاه اللي بتترسم بالإيد، وموجات إليوت (Elliott Waves)، ومستويات فيبوناتشي (Fibonacci levels). المؤشرات دي ملهاش نقاط بداية ونهاية واضحة وصريحة نقدر نطبقها على أي Chart، عشان كدة ممكن اتنين محللين يبصوا على نفس الـChart ويطلعوا باستنتاجات مختلفة تمامًا.

– النوع الثاني Objective: ده بيتضمن كل الاستراتيجيات والمؤشرات اللي ليها قواعد واضحة وتعريف دقيق وبتدي إشارات واضحة مفيهاش تأويل شخصي، زي مثلًا: «اشتري لما السعر يقفل فوق متوسط الـ٢٠٠ يوم، وبيع لما يقفل تحته.» النوع ده يندرج تحته المتوسطات وبعض المؤشرات اللي بتعتمد على الانحراف المعياري (زي Bollinger Bands مثلًا)، وكذلك بعض مؤشرات الزخم (Momentum indicators)، والارتداد قصير المدى (Short-term Mean Reversion). الفكرة في المؤشرات دي إن ليها قواعد وتعريف واضح ممكن يتكتب في صورة معادلات أو كود برمجي، وممكن يتم اختبارها تاريخيًا على بيانات سنوات ماضية (اللي هو الـBacktesting)، ومن خلال هذا الاختبار نعرف أداءها بالضبط.
ــــــــ
طيب ايه المشكلة في النوع الأول من التحليل الفني الذاتي أو الـSubjective Technical Analysis؟
المشكلة الأساسية هي إن هذا النوع من المؤشرات و«النظريات» غير قابل للاختبار علميًا، أو يعني يفتقد فكرة الـFalsifiability بمصطلح كارل پوپر. عشان نقول على أي نظرية أو مؤشر أو ادعاء إنه غلط أو صح، لازم يكون هذا الادعاء قابل للاختبار. لو هذا الادعاء غير قابل للاختبار، لا يتم الالتفات ليه أصلًا. لكن في حالة «التحليل الفني»، بدل ما يتم تجاهُل هذه «المؤشرات» وتجاهُل أصحابها، بيتم التعامل معاها وكأنها محصَّنة ضد أي دحض. جملة من نوع: «السهم عند منطقة دعم قوية، لو كسرها هيستهدف مستويات أقل، ولو فضل ثابت عندها هيطلع لمستويات كذا.» فهنا السهم لو طلع المحلل هيقول أنا كنت صح، ولو نزل هيقول برضو أنا كنت صح. الجملة دي ملهاش أي معنى لأنها جملة صحيحة في كل الأحوال. وأغلب «التحليلات» اللي بنشوفها كل يوم بتكون مكتوبة بالشكل ده. وده مش بس بيحصل مع الأسهم، ده بيحصل حتى مع الذهب والعملات وحتى عوائد السندات اللي بتكون العوامل اللي بتؤثر في حركتها معقدة جدًا وداخل فيها أسباب سياسية واقتصادية، وعادي جدًا ييجي خبر يغير حركة السعر تمامًا في لحظات.

مثال آخَر على المشكلة دي هو موجات إليوت (Elliott Waves). النظرية دي بتقول إن حركة الأسعار في كل الأسواق ماشية على نمط واحد من ٨ موجات (٥ في اتجاه الترند و٣ تصحيحية)، وإن هذا النمط بيتكرر في موجات داخل موجات، من موجات بتستمر دقايق لموجات بتستمر عشرات السنوات، وكله مربوط بأرقام فيبوناتشي والنسبة الذهبية. كمان بعض مؤيديها بيقولوا إن نفس النمط بيفسر حتى صعود وسقوط الحضارات!

القواعد المطاطة وفكرة الموجات المتداخلة بتدِّي المحلل حرية إنه يعدّْ الموجات بشكل يناسب أي فترة في تاريخ السوق. ولو التوقُّع فشل، التفسير الجاهز دايمًا هو إن المحلل «عدّْ الموجات غلط»، مش إن الطريقة نفسها فيها مشكلة، وبعدين تتم إعادة رسم الموجات دي عشان تناسب الحركة الجديدة للسعر، وهكذا.

ولذلك النوع ده من التحليل هو بالنسبة لي دجل وتنجيم مش أكتر، حاجة لازم تؤمن بيها إيمان أعمى، لإن مفيش أي طريقة علمية تخليك تصدقها بالدليل.

طيب لو التحليل الفني ملوش أساس، ليه ملايين الناس بتصدقه ومقتنعين بيه؟
الإجابة ببساطة هي إن عقل الإنسان مُصمم إنه يدور على الـPatterns أو الأنماط المتكررة في كل شيء، لإن ده بيخلي حياته أسهل، بغض النظر عن صحة هذه الأنماط. السؤال اللي المفروض نسأله لنفسنا مش «هل الأنماط دي بتظهر في حركة أسعار الأسهم والأصول الاستثمارية المختلفة؟»، السؤال المفروض يكون: «هل بتظهر برضو في بيانات ملهاش أي معنى؟» لو بنشوف الأنماط دي في أي بيانات عشوائية، مش بس في بيانات أسعار الأسهم، يبقى احنا اللي بنخترعها وبنقنع نفسنا بيها، ويبقى الأنماط دي ملهاش أي قيمة مضافة حقيقية في التنبؤ بحركة الأسهم والأصول الاستثمارية.
ــــــــ
ناخد مثال: لو عرضت الـChart اللي في الصورة دي على أي محلل فني، غالبًا هيقولك حاجة زي: «السهم كان في ترند صاعد قوي، وأكّد الصعود بتقاطع ذهبي لما متوسط الـ٥٠ يوم تخطَّى متوسط الـ٢٠٠ يوم. وفي الطريق للقمة التاريخية ظهر تشبع شرائي واضح على مؤشر RSI، وعلى القمة بالظبط شفنا نمط رأس وكتفين كلاسيكي (Head & Shoulders Pattern). السهم كسر خط الاتجاه الصاعد، وبعدها بأيام كسر خط العنق لنمط الـH&S. ولما نزل، ارتد من عند مستوى فيبوناتشي ٧٨,٦٪، وبعد كام يوم جه تقاطع الموت يأكد إن السهم تحول لاتجاه هابط، والسهم رجع ينزل تاني.»

التحليل ده يبدو منطقي وواقعي جدًا، وكل خطوة فيه مشيت زي ما الكورسات بتشرح بالظبط، صح؟
دي مش بيانات حركة سهم أصلًا، دي محاكاة لـcoin-flip أو يعني بالعربي لعبة ملك وكتابة، مليون مرة. لو العملة نزلت «ملك» السعر يطلع ٠,١٪، ولو نزلت «كتابة» ينزل ٠,١٪، وكل ١٠٠ رمية بيمثلوا شمعة يومية على الـChart، يعني المليون رمية بيطلعوا ١٠,٠٠٠ يوم تداول، حوالي ٤٠ سنة من «تاريخ السوق.»
هذه العملة المُتخيلة نزلت «ملك» ٤٩٩,٦٠٠ مرة و«كتابة» ٥٠٠,٤٠٠ مرة، يعني عملة عادلة تمامًا. ومع ذلك، «السهم» الوهمي ده عمل خلال ٤٠ سنة كل حاجة بيعملها أي سهم حقيقي. طلع من ١٠٠ لحد ٢٢٧ (أكتر من الضعف)، وبعدين خسر ٨٣٪ من قمته ونزل لحد ٣٩. يعني فقاعة، وفيه انهيار، وفيه سنين «تجميع» وسنين «تصريف»، وكله صدفة وعشوائي تمامًا وملوش أي معنى.

طيب ما «السهم» نزل فعلًا بعد كدة؟
ممكن حد يقول: «بس نمط الرأس والكتفين أو Head & Shoulders اشتغل فعلًا، والسهم كمل نزول لحد ٣٩!» ده بالظبط هو فخ التحليل الفني اللي باتكلم عنه. لو بصينا على البيانات كلها، الـ٤٠ سنة كاملين، هنلاقي نمط الرأس والكتفين اتكرر ٢٣ مرة، اشتغل زي ما التحليل الفني بيتوقع فعلًا في ٧ مرات بس (٣٠٪) وفي الـ١٦ مرة الباقيين السعر كمل صعود بعدهم عادي، يعني النمط دا ملوش أي قدرة تحليلية. أنا اخترت النموذج اللي قدامنا ده تحديدًا عشان شكله مثالي، زي ما كتب وكورسات التحليل الفني بتختار أمثلتها. لو السعر في المثال ده كمل صعود المحلل الفني هيقولك: «ما ده عشان نمط الرأس والكتفين جه بعده ارتداد من مستوى فيبوناتشي.» في كل الأحوال، المحلل الفني هيطلَّع نفسه صح.

طيب مش ظهور الأنماط دي في بيانات عشوائية بالشكل ده دليل على أهميتها؟
لاحظ إني مش بانفي ظهور النمط نفسه، أنا باحاول نفي قدرته على التنبؤ. إحنا بنتخيل إن البيانات العشوائية لازم تكون متلخبطة ومفيهاش أي اتجاه واضح. لكن في الواقع حتى البيانات العشوائية، زي حركة الملك والكتابة وزي (إلى حد كبير) أسعار الأسهم في البورصة، بيظهر فيها أنماط متكررة طول الوقت. انت لو جبت جنيه فضة دلوقتي وفضلت تلعب بيه ملك وكتابة ممكن تلاقيه بينزل على ملك ١٠ مرات ورا بعض، ده نمط حقيقي أهو وأي تكرار زي ده بنشوفه «ترند» ليه زخم ولازم يكمل، لكنه في الحقيقة ملوش أي معنى أو قدرة تنبؤية تخليك تقدر تقول الرمية الجاية هتبقى ملك ولا كتابة. التجربة دي مش هدفها إثبات إن التحليل الفني بيفشل في السوق، التجربة بتثبت إن «الدليل» اللي بيقدمه المحلل، إنه شافه بعينه اشتغل على الـChart، ملوش أي قيمة أو قدرة تنبؤية، لإن نفس المشهد بيتكرر بنفس الانتظام في بيانات ملهاش أي معنى.
ــــــــ
طيب لو ٩٥٪ من التحليل الفني دجل فعلًا زي ما باقول، ايه هي الـ٥٪ اللي ليها لازمة؟
عشان أكون منصف، أنا مش بقول إن الأسواق الحقيقية عشوائية تمامًا زي الـcoin-flip بالظبط. الأسواق قريبة جدًا من العشوائية، لكن فيها انحرافات بسيطة، ودي الـ٥٪ اللي باتكلم عنها. الفرق الجوهري بين الـ٥٪ دي والـ٩٥٪ الدجل هي إنها مفيش حاجة فيها بتقولك السعر رايح فين بكرة. الـ٥٪ دي نوعين:

أولًا: انحرافات إحصائية يتم الكشف عنها رياضيًا، مش بالنظر للـChart بالعين المجردة:
١. الزخم وتتبع الاتجاه (Momentum / Trend Following): الأصول اللي كان أداؤها إيجابي خلال الفترة اللي فاتت بتميل إلى الاستمرار في التحرك الإيجابي، والعكس. دي من أكتر الظواهر اللي تم توثيقها في أبحاث التمويل والعلوم المالية. التفسير المنطقي ليها هو إن المؤسسات الاستثمارية الكبرى بتبني مراكزها على مراحل (تشتري، تستنى، تشتري تاني أو تبيع)، وإن الناس العادية بتتأخر في استيعاب الأخبار، لذلك عمليات الشراء والبيع بتحصل على مراحل، مش كلها مرة واحدة، وده بيساهم في استمرار الترند. لكن الميزة دي صغيرة وهامشية جدًا وصعب حسابها بدقة، والأنظمة اللي بتعتمد عليها بتمر بفترات تراجع طويلة ومؤلمة.

٢. نمذجة التذبذب (Volatility Modeling): الفكرة الأساسية وراء حسابات ونمذجة التذبذب هي حساب حجم الحركة المتوقعة للسعر في فترة محددة (يوم، أو أسبوع، أو شهر، إلخ). النماذج من هذا النوع بيتم الاعتماد عليها في إدارة المخاطر وتسعير عقود الخيارات.

٣. الارتداد قصير المدى (Short-term Mean Reversion): الأسهم اللي انخفضت بشكل كبير في كام جلسة بتميل إلى الارتداد في الجلسات التالية. الميزة دي كمان صغيرة وهامشية، وغالبًا العمولات وفروق الأسعار بتخلي استغلالها لتحقيق الربح صعب جدًا وغير متاح للمستثمر العادي (Retail investor).

ثانيًا: استخدام الـChart بيساعدك في إدارة المخاطر، مش في اختيار الصفقات أو التنبؤ بحركة السعر:
الاستخدام الوحيد للـChart هو إنك تحدد فين جني الأرباح ووقف الخسارة (Take Profit & Stop Loss) وايه الحجم المناسب للمركز نفسه. لكن فكرة الصفقة نفسها لازم تيجي من خارج الـChart تمامًا، من الأساسيات، أو من حركة رؤوس الأموال، أو من الأخبار، أو خلافه. الـChart بيساعدك تنفذ فكرة الصفقة، مش تطلع بالفكرة أصلًا.
ــــــــ
ازاي تختبر أي «محلل فني» قبل ما تتابعه أو تدفعله فلوس؟
أي حد بيبيعلك توصيات أو كورس عليه مسؤولية إن كلامه يكون ليه أساس، والأساس الوحيد المقبول هو الدليل الموضوعي. دي ٦ أسئلة ممكن من خلالها تعرف مبدئيًا إذا كان اللي بيتكلم فاهم فعلًا ولا لأ:

١. هل طريقتك في المضاربة ليها قواعد واضحة ممكن تتكتب كمعادلات أو كود برمجي؟ لو اتنين محللين ممكن يطبقوا نفس الطريقة على نفس الـChart ويطلعوا باستنتاجات مختلفة، يبقى دي طريقة Subjective، ومستحيل نعرف إذا كانت فعَّالة أصلًا ولا لأ.

٢. ايه هي تفاصيل نظام إدارة المخاطر اللي بتعتمد عليه؟ على أي أساس بتحدد حجم كل مركز؟ بتخاطر بكام في المية من رأس المال في كل توصية؟ عدد أطول سلسلة من التوصيات الخاسرة المتتالية؟

٣. ازاي ممكن أختبر إذا كانت توقعات المحلل ده صح ولا غلط؟ التوقع الحقيقي بيحدد سعر ومدة واحتمالية «احتمال بنسبة كذا إن السهم يتحرك لمستويات كذا خلال كذا يوم أو شهر». ده بيديلك مساحة تختبر صحة هذا التوقع بسهولة، إنما التوقعات المُرسلة اللي بتحمل أكثر من معنى فهي بتتقال بالشكل ده عشان المحلل يطلع في كل الأحوال يقول «أنا قلتلكوا بس انتوا مسمعتوش!»

٤. هل فيه سجل حقيقي لعدد مضاربات كبير (أكتر من ١٠٠ مضاربة على مدار سنة أو سنتين على الأقل) بناءً على هذه القاعدة؟ فيه قواعد كتير ممكن يتم استنتاجها واختبارها تاريخيًا (عن طريق الـBacktesting) ويكون أداءها التاريخي ممتاز، لكن لما يتم اختبارها في السوق الفعلي تفشل تمامًا.

٥. في أي سوق تحديدًا النظام اللي بتعتمد عليه بينجح؟ وفيه أي سوق بيفشل؟ هل القاعدة اللي بتستخدمها بتنجح فقط في فترات الصعود؟ هل فعَّالة في فترات الهبوط؟ هل فعَّالة فقط في الأسواق عالية التذبذب (high vol markets)؟ إلخ.

٦. فين سجل التوصيات غير الناجحة؟ وايه سبب فشل كل توصية منهم؟ مهم جدًا تشوف سجل كامل فيه توصيات ناجحة، لكن كمان فيه توصيات غير ناجحة ولكل توصية منهم تفسير منطقي لسبب فشلها.
ــــــــ
الخلاصة
يبقى احنا عندنا ٤ مشاكل أساسية في التحليل الفني:
١. التحليل الفني الـSubjective (نماذج الـChart، والخطوط المرسومة بالإيد، وموجات إليوت وفيبوناتشي وخلافه) مش قابل للاختبار أصلًا، وبالتالي هو ليس علمًا، وليس له أي قيمة حقيقية.

٢. الأنماط دي بتظهر حتى في البيانات العشوائية. أي حد ممكن يلاقي أنماط ويرسم خطوط وأشكال حتى في البيانات العشوائية. حتى في بيانات رمي العملة (Coin-flip) هتلاقي تقاطعات ذهبية، ورؤوس وأكتاف، وقمم مزدوجة، وارتدادات فيبوناتشي.

٣. أي «تحليل» ممكن يستخدم لإقناعك بالشيء ونقيضه ملوش أي معنى. لو قواعد «التحليل الفني» ممكن يتم استخدامها على نفس الـChart لإقناعك بإن الاتجاه التالي هيكون صعود، ونفس القواعد ممكن تقنعك إن الاتجاه التالي هيكون هبوط، يبقى القواعد دي ملهاش أي قدرة تنبؤية، وملهاش أي لازمة.

٤. الاختبار التاريخي (Backtesting) والاختبار في السوق (Forward testing) هما اللي بنحكم من خلالهم على صحة نظام المضاربة وفعاليته. لازم قبل ما تحط فلوسك في أي نظام للمضاربة، تشوف Backtesting مُحكم في ظروف مختلفة، وتشوف كمان Forward testing في السوق الحقيقي لمدة مُعتبرة، ووقتها بس ممكن تجرب تحط فلوسك.
ــــــــ
قبل ما تمشي ورا حد ويضيعلك فلوسك، اسأل نفسك الأول إذا كان الكلام اللي بيقوله هذا الشخص واقعي ومنطقي فعلًا؟ ولا أقرب للتنجيم والدجل؟!

[🔻🐝 Hasan Zayedحسن زايد @hassanzayed25]

@estebansarrazol @RPerengano En cuanto a los Hermanos Musulmanes, ¿tiene usted alguna prueba de que sean un grupo extremista o de que hayan participado en operaciones terroristas? No encontrará ninguna. Todo son mentiras de los medios sionistas.

[🔻🐝 Hasan Zayedحسن زايد @hassanzayed25]

@estebansarrazol @RPerengano Los grupos extremistas islámicos surgieron como una invención estadounidense. Esto es un hecho conocido por todos, y el propio Trump lo afirmó.

[🔻🐝 Hasan Zayedحسن زايد @hassanzayed25]

@nayelshafei ان شاء الله 2027 مفاش ( عفتر +حميدتى + ابو ماذن + نينياهو و هنخلى القوس مفتوح لعل وعسى يكون معاهم الزعيم الملهم
عوزين نرش شويه تفائل فى الجو الكئيب ده

[🔻🐝 Hasan Zayedحسن زايد @hassanzayed25]

@Jan_Waheed1 @dexterawy سهم الخزف و الصينى ،اى نظرة على الموقف المالى المعلن هوريك انها شركة منهارة حرفيا (2/3 من المخزون معيب+انهيار ادارى +مشاكل ضريبية مزمنة) بس سهما بيرتفع ، مفيش اى سبب منطقى للموضوع ، بس التحليل الفنى مش هيقول ده
2/2

[🔻🐝 Hasan Zayedحسن زايد @hassanzayed25]

@Jan_Waheed1 @dexterawy التحيل الفنى مفيد لما يكون الاساس المالى متماسك و التداول طبيعى مش ضغط الميكر و تسويق فرصة الارتفاع السريع ، انا بحكم شغلى مهتم جدا بتحيل المالى ، ولاسف عارف انه بيكون فى المرحلة الثانية للمساهم ، علشان كده بحتقر بيع اوهام التحيل الفنى لاسهم الشركات الضعيفة ماليا 1/2

[🔻🐝 Hasan Zayedحسن زايد @hassanzayed25]

@Jan_Waheed1 @dexterawy صعود او هبوط ليه سبب فنى & مالى، و طبيعى ان الاسهم تتحرك ،محدش اختلف على كده ، بس لازم يكون فيه منطق واضح، هل طبيعى يكون سهم قرة و قبله تايكون و بينهم الاسكندرية للخدمات الطبية هو الاعلى تداول و هو مش ضمن EGX30 او EGX100 و اسهم رائدة تكون مش فى الاعلى تدول ؟

[🔻🐝 Hasan Zayedحسن زايد @hassanzayed25]

@Jan_Waheed1 @dexterawy EGX30 & EGX100

[🔻🐝 Hasan Zayedحسن زايد @hassanzayed25]

@Jan_Waheed1 @dexterawy انفجار سعري لسهم الشركة متوقفة عن نشطها الرئيسى (حقائق مش رأى شخصى) و تقيم السهم ب34 قرش يتم المضاربه عليه الى 41ج؟
ان انا عارف انه سهم مضاربه بس الموضع مش طبيعى و لا منطقى طبقا لأى تحيل مالى او فنى
ولاسف فيه ناس اتحبست فى السهم و خسرت كتير

[🔻🐝 Hasan Zayedحسن زايد @hassanzayed25]

@WagdyOmar38853 @dexterawy الجواب الواضح ده ايه؟
ايه سبب انخفاضات شهر 9 مثلا ؟
ايه الى يخلى سهم ما يطلع 20% فى اول 5 دقائق بالجلسة مع ان مفيش اى خبر او تحليل مالى او فنى يبرر الارتفاع ؟
حضرتك ملاحظ Automation فى السوق؟
مفيش خبير قال ان السوق هيقع ، الاغلبية قاله تصحيح بس محدش كان عارف سبب منطقى واضح

[🔻🐝 Hasan Zayedحسن زايد @hassanzayed25]

@dexterawy السنة الى فاتت ممكن،بس لو سائلته عن سهم قوى (طلعت مصطفى &السويدى)يقع فجئة بدون مبرر فنى او مالى ؟ مش هتلاقى اجابه مقنعة مبنية على تحليل مالى& فنى
ليه سهم شركة مجهولة( تايكون) يطلع 20% فى اليوم و يكرر ده لمدة 10 جلسات فى الشهر ، مش هتلاقى اجابه مقنعة مبنية على اى تحليل مالى&فنى

[🔻🐝 Hasan Zayedحسن زايد @hassanzayed25]

@Kamilsalamah @mamoun1234 خلاص احنا نعمل من دولقتى مدرسة اسمها الرئاسية الابتدائية المشتركة

[🔻🐝 Hasan Zayedحسن زايد @hassanzayed25]

@mamoun1234 انا عندى تخيل مختلف تماما
هنفترض وجود 50 مرشح و دخولهم فعلا الى معسكر التدريب 30 شهر ، واحد منه فقط سيفوز بالمنصب ، مش كده سيناريو مسلسل اسكواد جيم ولا انا متهيئلي

[🔻🐝 Hasan Zayedحسن زايد @hassanzayed25]

@JacobWeinbergR

[🔻🐝 Hasan Zayedحسن زايد @hassanzayed25]

@JacobWeinbergR

[🔻🐝 Hasan Zayedحسن زايد @hassanzayed25]

@mohamedfares07 هى المهلة انتهت فعلا ، يا خبر ابيض ، كده الموضوع ممكن يكبر و نشوف بيان رابع
هههههههههههههههههههههههههههههههههه

[🔻🐝 Hasan Zayedحسن زايد @hassanzayed25]

@qiraatafrican كالعادة مقالات المجلة تتميز بقدر كبير من الجودة و بلغة عربية رصينة و بسيطة