صلِّ يا ذا العُلا لربّك وانحر
كلُّ ضدٍ وشاني لك أبتَر
/
أنت أسمى… من أن تكون
أضاحيك قروماً من الجمالِ تُعَفّر
/
بل قروماً… من الملوك ذوي
السؤدد تيجانهم من أمامك تُنثر
/
كلما خرَّ ساجداً لكَ رأسٌ منهُمُ
قال سيفك… الله أكبر
نستذكر في اليوم الوطني، ما قامت عليه هذه الدولة المباركة بفضل من الله ثم بعزم وقيادة الملك المؤسس عبدالعزيز بن عبدالرحمن - طيب الله ثراه - وسواعد أبناء الوطن المخلصين من أُسس راسخة لحفظ العقيدة وإقامة العدل، ونسأل الله أن يديم على بلادنا أمنها واستقرارها وازدهارها.
أن تكون نبيلاً يعني أن تقبل بقلّة الأصدقاء، أو ان��دامهم،
يقول أبي فراس الحمداني:
بِمَن يَثِقُ الإِنسانُ فيما يَنوبُهُ
وَمِن أَينَ لِلحُرِّ الكَريمِ صِحابُ؟
وَقَد صارَ هَذا الناسُ إِلّا أَقَلَّهُم
ذِئاباً عَلى أَجسادِهِنَّ ثِيابُ
تفجّر ورا صدري ، مشاعر فرح وأحزان
لي شهور وأنا داخل " الصدر كاتمها "
عسى الله يعين إللي تعود على الكتمان
" تجي ساعةٍ " ما عاد يقدر يقاومها
- حزمي بن سعد
يافتنة الجيل .. ما رجلي بمرتاحه
على مساعيك " كن الله مسلطها "
مشاعر الحب ( جيّاشه وفضاحه )
ان جيت بـ اصدّ .. تربطني روابطها
العين تاخذ فـ زينك .. رحلة سياحه
لو اضبط النفس عيني مقدر اضبطها
انتي معك خصر ماقد جرّب الراحه !
وانا معي قلب .. رايح في خرايطها ):
ليا مرّني " طاريك " فالمجلس المليان
أخاويه و أترك هيكل الجسم متراكي !
_ ضيدان بن قضعان
هذي نهاية كل من والف هنوفٍ مترفه
يضحك مع العالم و تفكيره و قلبه يمّها
_ عجب المسردي
.
يا ( فخر شعبك ) و ( ياصمام أمان ) بلادك
مستواك أكبر من التعبير .. ويش نسوي ؟
.
لو لقينا ( كتاب ) يستوعب جميع أمجادك
مالقينا له ( غلاف ) الا الغلاف الجوي 👍
.
#محمد_بن_سلمان#كاس_العالم_2034
على طاري غرامك ياحبيبي هاك ما ينقال
على البحر الطويل يسوقها موجي ومجدافي
حبيبي لا تضايق من عتبنا لك على الجوال
هذا حبك وهذا منزلك في قلبي الوافي
يعيش الحب بين اللي محبتهم وفاء و وصال
ويموت الحب من فرقاء القلوب ��من جفى الجافي
امانه ياحبيبي كل ما تشعر بـ ضيقة بال
تعال اضم حزنك في زوايا صدري الدافي
وانا مافي نظامي حب يومين وجفى واهمال
وجاك من المحبه و المعزه و الغلا الكافي
هذا نبض الشعور اللي كتبته لك على استعجال
فديت اسمك ولبى معدنك المعدن الصافي
علي الدعيه
من محرم جيتك انقل جروحي يا رجب
ما قدرت ازن خطاي من كثر الطعون
يدلهم الليل وتغني همومي طرب
و تستميل الهاشميه على صوت اللحون
ليت عقلي ما ثبت ليت عمري من كتب
قبل اطالع ربعي بدون سبه يرحلون
قبل لا شمس المواصيل عنا تنحجب
قبل روح الصداقة تموتها العيون
هو ردا ولا كبر هو زعل ولا عتب
هي محبه هي ضغينه تكون اللي تكون
ما تخلوني و تمشون وجروحي تصب
انتم بتمشون من جد ولا تمزحون
كانها مزحه خلاص انتهاء وقت اللعب
كانها من جد فولو وش اللي تخسرون
قولو يا نايف لو الدم ياصل لركب
ما رجعنا و السبب فضفضو باللي تبون
داخلي صوت يردد و متعبني تعب
صوتً يثير الهواجيس ويثير الضنون
قال ربعك يكرهونك . لا والله تعقب
يكرهوني كيف!! لا لا وش اللي يكرهون
- نايف الردعي
- حزمي بن سعد :
آستوى المسرا على برق المزون العقربيّه
العقال منكسه لـ الخلف و الطرقه طويله
فوق فرديّ الوصوف اللي وصوفه عالميّه
ما حلم فيه الفقير .. اللي مداخيله قليله
لا مشى في غطرسه م��يعطي الناس آولويّه
كنه اللي عايشً في جيل : ماهو مثل جيله
كن لونه تحت شمس العصر خدة مغربيّه
من نظافة بديه يغسلون غيره من غسيله
من غلاه يحن من طوي الدروب السرمديّه
ودك يشيلك شوي و تاقف شوي و تشيله
السڤن مقلوب في وجهيّته " رمز الهويّه "
حط جنبه تو زيرو ون تعرف كم مديله !
يستحق أنك بـ دهن العود !.. تملا تانكيّه
و يستحق تطيّبه بـ العود الأزرق كل ليله
ذاخره يوم الخوي يذخر على الشده خويّه
ما تريّح لين اشوف القاع الاشهب مستوي له
لا استوى لي قمت اغني بـ البيوت الأكلبيّه
يا جميله قام يطوي الحال طاوي يا جميله
فيّ جرح و فيّ حزن و فيّ شوق و فيّ كيّه !
و في عيوني جمرةٍ حمرا و في كبدي مليله
ما ينظم زحمة أفكاري ( مرور الناصريّه )
بين عاكس سير متهوّر .. و عابر في سبيله
آتركوني في متاهات .. الخيال الجرهديّه
لين أسوي صلح بين الممكنه و المستحيله
عيني تسوي لـ روس الناس إشاعه مقطعيّه
و قلبي يحلّل نوايا قلوبهم بـ أهون وسيله !
إختلاف الناس !.. عادي فـ الأمور العايديّه
من يشوف انه وكيل آدم ترا ماهو وكيله !
لا تحاول تقنع الناس ( بـ قناعه داخليّه )
كل زورٍ فيه شور !.. و كل راسٍ فيه حيله
فيه ناس تشوف الأشياء المستطيله دايريّه
و فيه ناس تشوف الأشياء الدايريّه مستطيله
ودك الرجال يطلع فيه ( نسبة عنصريّه )
ماتعديه الحدود !.. ولا تضوّي له فشيله
أترك اللي فزعته مثل .. الرياح الموسميّه
و أنحر اللي فزعته عجله مثل برق المخيله
ان وقف ما ��قف الا . فـ الامور المفصليّه
و ان برك ما يبرك الا لأجل يشتال الثقيله
مجلسه ياخذ رحابه من صدر نجد العذيّه
مدهل أصحاب السمو و مدهل أصحاب الفضيله
الرجل منّا !.. ليا صدّع يسوي ( شاذليّه )
ولا ابو نايف ليا صدع يسوي له .. جميله
الكفوف الحاتميّه .. و الكفوف المتعبيّه
لو نحلّل دمها نلقاه من نفس الفصيله !
اسمنا إللي نفتخر فيه و نحطه فـ الهويّه
لو نحطه فوق ظهر طويق مايقدر يشيله
محزم الغلبا الجويد بـ كل شان و كل هيّه
الفخر .. دايم تداعبنا ( نسايمه العليله )
من يوقف في نحانا في .. سنين الجاهليّه
كنه إللي بانيً له بيت في بطن ( المسيله )
الجماد !.. يصير له في ظلّنا هيبه قويّه
القبر يمّن دخيله : و الجذع يمّن دخيله
وضعنا بين العرب ماهوب وضع المزهريّه
مثل وضع الفارس المقدام في ظهر الكحيله
من يحاربنا نقول أختار في هذي .. و ذيّه
نتركه ( يختار ) يا أما نزلزله !.. ولا نزيله
مالنا .. في ماضي الدنيا " وزارة خارجيّه "
نتفاوض بـ الرماح و بـ المراهيف الصقيله
كل يومً فـ التليفون أخاطب لي سفيه
مملٍ في طيب جدانه إللي .. عقّبوه
و أقتنع من عذر الأول و عذر إللي يليه
و النتيجه كلها قلت آلوه : و قال آلوه
و المهيلب .. والله إن الردا يحرم عليه
مثل ماتحرم عليه أخته من أمه و أبوه
قبل تخلق فايهة شكسبير .. و سيبويه
سارو الركبان بـ إسم الشريف و فوّهوه
يوم متني ثقل حمله و أنا ما آحتلت فيه
جيت أبيه يشيل نصفه و شاله كل أبوه
_ مدغم أبو شيبه مدح في المهيلب
..
انا اللي لاتكلم في ( كلامه ) حزن !.. ما ينشاف
لعل ( الحزن ) قبل اروح فيها .. يستحي ويروح
ماكنت اكره ضيوفي قبل اصير لـ ضيقتي مضياف
وانا اللي .. ما يريح باله الا ( دمها ) المسفوح
ياذاك الوجه !.. لا يطري عليك تطري المنكاف
بعد ما صرت في نصف الطريق ارجع بلا مصلوح
تذكر يوم كنت اصيح لك في " عالي المشراف "
مصيحٍ !.. ما وراه الا العذاب اللي يهد الروح
تقبلت الجروح اللي من ايدك لين .. صرت اخاف
اعيش اللي مضى لي منجرح و ابطي و انا مجروح
لو انك تخالف ضلوعي ضلوعك !.. ماعلي خلاف
كثر ما تخلف وعودك !.. و أقول مقدر ومسموح
ياحلو اعروق يدْك اللي عليها ( جلدك الشفاف )
مثل ضوح البروق اللي لها عرض السحابه ضوح
تعال .. و قول احبك لو ما تنطق غير احبك حاف
تكفّيني مثل .. مايكفي القى ( وجهك المملوح )
أتناول قهوتي أمام الخيل وتحت الغيوم، وتطري علي أبيات عبدالله السراهيد:
فتنتني فتنة القابض على دينه
انا بليت بـ هواك وطحت متواسي
ما قد ضميت لعيونٍ ما لها عينة
"الا وجدتُ خيالًا منك في الكاسِ"
محبوبة الغيم والورد وبساتينه
من غير طيفك يشاركني بهوجاسي؟