Majid Alotiby

[خالد ال سليم @khalid_aly3mi]

حايد لحالك .. وانا مانيب حول الحياد
يامدعّي بالعقل .. ماعاد لـ العقل دور

اصحى من النوم .. يانايم سرقك الرقاد
العام عذرك معك واليوم م انت معذور

ماحن بـ في حاجتك والوضع سلم وبراد
ان كان ماثرت .. ورصاص البنادق يثور

جاهد من اجل الوطن مهما يكون الجهاد
بالشعر ، بالصوت ، بالبندق ، بصدق الشعور

قد ضحو " اجدادنا " بـ ارواحهم للبلاد
واليوم من ماكر" الاجداد " حنا الصقور 🇸🇦

[فيصل العبدالكريم @f_alabdulkarim]

المجتمع في المملكة العربية السعودية من شمالها لجنوبها ومن شرقها لغربها نسيج واحد، عائلة واحدة يفدون وطنهم وقيادتهم وكل شبر من أرضهم بأرواحهم ودمائهم.

#ارواحنا_دونك_ياوطن

[حمدان الديحاني , @de7anii]

يحـبّكم كـلّ مـتشـرّف بـ مجدٍ تلـيـد
ويبغضكم الحاسد اللي مالقوا له دوا

والله ما نستضـيق .. ان راح منّا شهيد
بالعكس .. تكريم ربّاني على مسـتوى

دون #السعودية نقـدّم حبال الوريـد
عينين في راس والبيرق يشم الهوى

اقول ماقال اخو نوره من اوّل واعيد
إما بقينا سوا .. والا فنينا سوا 🇰🇼🇸🇦

[بندر الجلعود @Bandaralgaloud]

لك في صدور الشعب ريف ومداهيل
وجيش يدك المحكمات المقافيل

#محمد_بن_سلمان‌
#المملكة_العربية_السعودية

[أيمن الرويلي @ARowili]

ياجزمة الفرس لو ضاقت بك الحيلة
ماشفت سطوة ولي العهد والعاهل

الجاهل نْجمعه على مهابيله
ونْولّع النار بالمهبول والجاهل

مايوقف القصف لية من ورى ليلة
حتى لو الحمل ماله عندكم كاهل

نوعدكم الذيل مايوقف على حيله
وان الخطا مايجي ويروح بالساهل

الميّت ارتاح .. واللي عاش ياويله
ماشاف له شي واللي شاف يستاهل.

[TURKI ALALSHIKH @Turki_alalshikh]

🇸🇦🔥

[الحاكم @_alhakm]

شاعر الوفاء مزيد الوسمي بلسان كل مسلم وعربي شريف:

يا مملكة عبدالعزيز السعودي🇸🇦
الحب مايعرف مواطن ولا شيخ

عنك وعن تاريخ الأمجاد ذودي
مافيه غيرك يكتب المجد تاريخ

وعلى مناف العز روحي وعودي
لو يزرعون ارضك شباك ومفاخيخ

عدوّك المتخفي اللا وجودي
ذكر الحرم لأمثاله اشدّ توبيخ

إذا النبي موسى من الطور نودي
انتي مهابط الانبيا ف التواريخ

ما طاولك نصراني ولا يهودي
كنتي ولا زلتي عصية شماريخ

[عبدالله البندر @a_albander]

السعودية تستضيف 70 وزير طاقة من حول العالم في الرياض، والأمير عبدالعزيز بن سلمان خلال كلمته القوية يطمئن الجميع:

"الرياض هي عاصمة أمن الطاقة، والإمدادات العالمية في أمان" 🇸🇦

[مسعود آل شعفول @masuod974]

يذوب السلاح الناعم من الكلام الصلب
لو انك تقول ان عاد نيرانكم حيه

تحالف عيال ابليس مع َ عيال …..
ما يصنع من (( اذناب العرب )) ذات اهميه :)

سوى ان في زمان الامن ولا زمان السلب
يموت الفتى من دون دينه و اراضيّه

جبال الحجاز اطول حجا من جبال الالب
يكفي انها مهد الرساله الآلهيه

مثل ما مصير الادمي مرتبط فالقلب
مصير العروبه مرتبط فالسعوديه

[محمد بن ماجد @imoh656]

يا ملاذ الادميّة ، و بنت الفرقدين
و امّ عزمٍ ما توانى ، و نورٍ ما غرَب

وش يقول اللي تربّى يحبّك ، فرض عين
لو مشاريبك من الموت ، سمّاك و شرَب

ان تبنيتيه جندي يضحّي بالسنين
و ان تبنيتيه شاعر ، يغنّي لك طرب🇸🇦

يالسعوديّة مغنّ الحقيقة ، و اليقين
سارعي ، مادام للعزّ في قفرك مرَب

ما عليك من المعادين و من الحاسدين
و انتي ارجائك طموحات و حدودك سرب

ديرةٍ مالت على الحزم بالراي المكين
الله اللي حطّ فيها من الضيق ، مهرَب

قطعة من السبع جنّات للناس اجمعين
فيك ، لا بالٍ تضايق ، و لا قلب اغترب

تحت ظلّ موضّح الحقّ ، وضّاح الجبين
سيّدٍ ، من كلّ هامات الامجاد اقترب

ماندوّر في ظلاله على الدنيا ، عوين
مرتضين الامر عنده ، لا حبّ ، و لا حرَب

طاعته دمٍّ يورّث و كسب رضاه دين
غصب عن سوّامة النفس و اشباه العرب

[د. مشعل بن محماس @MASHAL_ALHARTHY]

يا موطني كَثْر العداء والهَجَمات
تزيدنا فوقك ثَبات وعَزيمة

وطن وطن ما فوق مثْلك كرامات
ولا على غيرك شهادة وشِيمة

[وزارة الداخلية 🇸🇦 @MOISaudiArabia]

سلامة الإنسان مسؤولية مشتركة، والتبرع بالدم أحد أوجه التكامل التي تسهم في تعزيز الجاهزية وإنقاذ الأرواح.

#حملة_ولي_العهد_للتبرع_بالدم

[مبارك بن رادعه @MBnradah]

علم من يحاول ، يحاول يجاريه
في كل علم وكل موقف وقمه

العز ، في وجهه تشعشع مواريه
واللي يهم الشعب كله ، يهمه

من حب شعبه له، يفاخر بـ طاريه
و من حبه لـ شعبه تبرع بـ دمه

#حملة_ولي_العهد_للتبرع_بالدم

[ضيف الله السميري @Otb_822]

الله جعل عز العروبه بسلمان
ما للعروبه غير سيد عربها

ومحمد محمد عمى كل خوّان
ليثٍ ليا هاز الكتايب غلبها

اللي دعس طهران واذناب طهران
العقرب اللي سمها في ذنبها

منّا السما تمطر قنابل ودخان
للحوثي اللي خطوته ماحسبها

من لا يحشّم لحيته قدر الامكان
لا جا لها الجيش السعودي تربها

[عبدالله العيادة @alayyadah]

..

دمعت البنوتة في مباراة اليمن ضايقتنا وقالت "السعودية وطني الثاني" ف حبيت اني اسعدها ❤️

#السعودية #اليمن

[محمد مناور النفيعي @mhmd_mnawr]

يوم ابتلت خلق الله ب حب الظهور
وصار الفعل ما عاد يقرن بالاسم

ذر الشعيب اللي منول فالجحور
اليوم ما خلوا على البيداء رسم

يجادلون الناس حتى ف الشهور
لو ما ورى طلعة سهيل الا الوسم

اذا شهد لاهل الهوى شهاد زور
وراحت مدورة المعاوش تقتسم

حنا تعاف نفوسنا بعض الامور
لو فعلنا يتعب ومنطقنا يسم

مهما يدور الوقت فينا .. ماندور
نواجه ظروف الليال و نبتسم

[سداح العتيبي @saddahalotaibi]

للأسامي شهرة ٍ في كل ديره
والعتيبي ماركتنا العالميّه

بالدلايل ماهو هياط ٍ نثيره
الحقيقه ما دخلها عنصريّه

اسمنا مشهور في شبه الجزيره
بالفعول الطيّبه والقابليّه

فازت عتيبة بشعبيّه كبيره
خلت العالم لها .. يضرب تحيّه

[محمد بن غازي التوم @mo7md_2m]

-

كيف ما حبك ؟ و حنا كلنا فـ ارضك حبايب ؟
وكيف مالبي نداك ؟ و كيف انا ماجيك كلي ؟

اقف بيومك و ميقافي على منبرك صايب
من يضاهيني و انا شاعر ووقف في محلي ! 🇸🇦

#اليوم_الوطني_السعودي_٩٦