Hovig Nazarian

إن لم تكن ذئباً أكلتك الذئاب

[Hovig Nazarian @hovanaz1]

أرخص شي بالفرن الخبز ..

وأرخص شي بالدكان الملح ..

وهنّي أغلى شي عند ولاد الأصل ..

[Hovig Nazarian @hovanaz1]

وفي شخص عندو الميّ حاسدها المطَر
وفي ناس ميّ للشرب ما بْ ترتويش

في فرق واضح بين تفكير البشَر
أبطال عمّ بِ تموت تَ يعيش الوطن

وزعران عمّ تقتُل وطن حتّى تعيش…

[Hovig Nazarian @hovanaz1]

بين المنيح الفرق واضح والوحيش
متل الفرق بين الزنابق والحشيش

لْ منيح متيقّن عَ حكم القدَر
ولْ وحيش متيقّن عَ كيف الحشيش

لْ وحيش مزعج والنكد مِنّو صدَر
ولْ منيح فوق الحقّ صوتو بْ يعتليش

لْ وحيش باع رواح تَ يكفّي السكَر
ولْ منيح صابر عَ مصابو بْ يشتكيش

[Hovig Nazarian @hovanaz1]

هيدي بلدنا الكلّ في عندو خبَر
فيها جماعة مدَولبي وفيها درويش

في شخص بِ البرتيل والمال إنشهَر
وفي شخص ليرة بِ الغلط ما بْ يرتشيش

وفي شخص عمّ بْ يسهر عَ ضوّ القمَر
وفي شخص عندو الكهربا ما بْ تنطفيش

وفي ناس سفرتهُن بْ تِغني النظَر
وفي ناس عاشت عَ البطاطا والمناقيش

[Hovig Nazarian @hovanaz1]

بلادي ضاع من قلبها السكينِه
من حكّامها و كلّ القيادِه
وإذا القبطان ما هدّا السفينِه
لا القبطان رح يبقى محلّو
ولا موج البحر رح بِ ضلّ هادي

#انفجار_مرفأ_بيروت
#انفجار_بيروت
#لن_ننسى

[Hovig Nazarian @hovanaz1]

بِكِت شمس المحبِّه والسعادِه
على ينبوع مثل الدمع نادي
وقَع من عينها دُرَّة ثمينِه
إجِت عَ الأرض سمّوها بلادي

بلادي يا دُرّة الشرق الحزينِه
على الخدّين دمعِك صار بادي
يا وردِه عُطرها قلّها رشقيني
عَ وجه الطفل تَ يعيش بْ سعادِه

#انفجار_مرفأ_بيروت
#انفجار_بيروت
#لن_ننسى

[Hovig Nazarian @hovanaz1]

بدّي يسحبوا من هالعجينِه
شعرِة عدل لَ لِ نالو الشهادِه
بِ مرفأ كان بِ هالشرق زينِه
بْ سواد الظُلم صار الشطّ غادي

ما بدّي يكون في حالِة حصينِه
بِ مجلس ضاع عن درب المبادي
صفَعني الحِكم صفعة عَ جبيني
لِ أنّو شعب ما عندو إرادِه

#انفجار_مرفأ_بيروت
#انفجار_بيروت
#لن_ننسى

[Hovig Nazarian @hovanaz1]

تعبان ……عايش بالاسم
بس انا والميت سوا…

[Hovig Nazarian @hovanaz1]

جيابو بِ الإسم في جياب
صارت مع الفتحات مخلوطه
خيطانو داقوا أسى مرّ العذاب
وزرار مهرِهره تخمين مشلوطه

زافو شَعر ختيار كلّو شاب
شراشيب مع بعض مخبوطه
الفقر ما تركلي صحاب
ما عاد عندي بِ الخزانة ثياب
وخزانتي من دون سقوطه…

يا ربّ رحمتك 🙏🏻

[Hovig Nazarian @hovanaz1]

أضحى مبارك وينعاد على الجميع
بس تذكّر صديقي بِ العيد
في ناس ما عندها ثياب
الله يكون بِ عَون الفقير:

من كثر ما تغسّل بنطلوني داب
صارت قماشتو تفتّش عن خيوطا
وصارت الفتحات شبابيك وبواب
مجموعة شقف مع بعض مربوطه👇🏻

[Hovig Nazarian @hovanaz1]

بدّك ما تخسر صاحبك ما تدّينوا

بسّ المصاري بْ تعمل صحابك عِدا

عند المصايب كلّهُم بِ بينوا

وعن جدّ صاحب ما رح تلاقي حدا

#خربشات✍️

[Hovig Nazarian @hovanaz1]

لِ أنّو الحرص واجب على كلّ إنسان

بِ تلاقي ما حدا عايش غير الحرصات …

[Hovig Nazarian @hovanaz1]

@MerhiHassan ولمّا سمعتو شو حكي تمنّيت

أوقف حرس لَ ثغرك البسّام

أحلى ما يهجُم يآكلو كلّو…

يا هلا بِ أحلى صاحب قلم 😘

[Hovig Nazarian @hovanaz1]

تعلّمت إنّو الفقر مش إفلاس
كلّ ما الكرامِه عمّ تجوهِر معدني
هيذا الغِنى ما بْ يحمُل إلتِباس
مَنّو الغِنى بِ كياس مال مزّينِه
وهيدا إلَك يا صاحبي أشرف لِباس
حافظ على لِباسَك لَ حتّى تغتِني..
#خربشات✍️

[Hovig Nazarian @hovanaz1]

الفقر والغنى

من يوم ما فتَّحت عيني عَ الدني
ما كِنت أعرف شو فقير وشو غني
ولمّا كِبرت وصرت شوف الناس
عرِفت إنّو الناس صورة ملّونِه

ترّبيت عَ الأخلاق والإحساس
وسمعَه حميدِه صرت فيها إعتني
ترّبيت أعمُل للعَقل متراس
تَ إغتني بِ النفس والعمر الهني

[Hovig Nazarian @hovanaz1]

حُبّي لَ بَيّي ما إلو نهاية
بْ يعكُس فخر قدّام المراية
قلتا قبل وبْعيدها هلّق
عَ قدّ ما حُبّي إلو حَلَّق
أكبر قلب خَيّطت توصاية…

[Hovig Nazarian @hovanaz1]

مضمون شعري اليوم غالي كثير
والشعر حَظّو اليوم صَفّى كبير
قدّ الدني أوزان عمّ يشمُل
كَوْنو إنكَتَب لِلأب هالتعبير

بِ الوزن ما بقصُد أنا معنى
وْلا بقصُد موشّح وَلا مَغنى
بِ الوزن بقصُد قيمة الآباء
قيمة وجودُن ما بْ تِدَنّى

[Hovig Nazarian @hovanaz1]

ومهما بِ عمري يشقَعو الأيّام
رح ضلّ جنبَك طفل عمّ دادي
وبِحمُل من العزِّة لِ فيك زوّادة
ومهما يزيدو بْ عمرَك الأعوام
بِ تضلّ جسر البيت والمقدام

وبِ تضلّ عينَك ساهرة لَ ننام
وبِ فيض كفَّك جود عَ ولادي
إنشالله سنينَك يكثرو زيادة..

[Hovig Nazarian @hovanaz1]

الإنسان معرّض لِلظلم والقهر
ونسيج الدهر ياما آلم حيَّك
وبِ السرّ أو بِ العلَن والجهر
عندَك أخي أو من ضمن حَيّك
في ظلم والبعض عندو عُهر

صديقي إنصح إذا قدرت خيَّك
وبيَّك إذا إجتاز وقت الضهر
وعلى بيَّك كان قاسي الدهر
ما تكون إنت والدهر على بيَّك