Hasan Jouni

👨🏻‍⚕️ اتحدوا يا عمال العالم

[Hasan Jouni @hsnjouni]

اذا ما رجعت الشمس بإيدك، بكرا العتمي بتمحيك
#ثورة

[الغالي @smynymwn11]

يا خي زيارة فخامة الرئيس جوزيف عون للنبطية اذا ما نفعت ، ما بتضر ، وفيها جرعة أمل ولو بسيطة ،،
لكن بتضل أفضل بمليون مرة من زيارة محمود قماطي السابقة للضاحية لما قال للناس خدوا اغراضكم وارجعوا مطرح ما كنتوا ،،
يعني على اساس الناس كانت نازحة بأوتيلات وشاليهات عالبحر والجبل !!

[H @hsbor94]

مع المد والجزر بمفاوضات اميركا وايران بعد في ناس متأملة يصير تسوية كبرى وتشملنا ويجي مصاري…انطروا شوي لتتأكد الناس بما لا شك فيه، انو ولا بأي سيناريو ممكن اسرائيل تضهر نهائيا من لبنان طالما حزب الله ما اعلن تسليم سلاحه وانو ما في مصاري خلص، وشوفوا كيف الناس حتقوم عحزب الله…
مش رح يبقى بالحزب الا المستفيد والحمار…

ومش عم بحكي انتخابات، ميقاتي بينجح بالانتخابات بطرابلس بس ما حدا بطيقه

اللي قاعد بالمدرسة ومهجر وما معو ياكل مشرحيثور ويقول لا انا ما بنشرى وما بعرف شو، حيبيع صوته نهار الإنتخابات ويقول خير من دقنن ويسبلن بقلبه..فالإنتخابات بالمجتمع الفقير مش معيار….شوفوا مناسبات واحتفالات حزب الله…تشييعات الشهدا ( اللي بعد مفروض الها هالة) مش عم يكون فيها حدا

[Hasan Jouni @hsnjouni]

@iHady_ عقبال المية أستاذ هادي

[H @hsbor94]

تذكير وللتاريخ، حزب الله قبل ب، وسكت عن، ورضخ ل، وطبع مع احتلال اسرائيل٥٠٠ كلم٢ من ارض الجنوب. وقد مضى شهر على آخر عملية قام بها وتبناها رسميا ضد العدو الإسرائيلي ولن يقوم بأي عملية الى أن يأمره الحرس الثوري بالدخول الى معركة بتوقيته ولمصالحه الخ��صة

[Hasan Jouni @hsnjouni]

@hibazinati مشان هيك مافي متل نهر حومين

[Hasan Jouni @hsnjouni]

@hibazinati الف مبروك

[Hiba Zinati @hibazinati]

النزوح السباتعشر الف و٨٦٥ مرة لأهل الجنوب

[H @hsbor94]

عشرات الغارات الحربية
مئات القذائف المدفعية
قصف فوسفوري على علي الطاهر
عشرات الغارات من مسيرات
اكتر من ٤٠ شهيد
بين ال٤ وال٨ اسرى
استمرار احتلال ٤٠٠ ل٥٠٠ كلم٢
حصيلة ٤ ايام من وقف اطلاق النار

الفرفور ذنبه مغفور، تخيلوا لو هيدي كانت حصيلة ٤ ايام من وقف اطلاق النار حسب اتفاق كانت الدولة طرف فيه…شو كان بخلصنا من تعواية ونفاق جلابيط وجلاميق محور الممانعة الكذاب

[H @hsbor94]

يعني هلق اذا تم الإتفاق حسب بنوده الصريحين والكل التزم فيه، وبعد شهرين قامت اسرائيل بشن حرب واسعة على غزة او الضفة…شو بكون موقف حزب الله؟ اذا بدو يتدخل ويسند غزة معناها ما عندو نية للإلتزام ببنود الاتفاق ومش محل ثقة، واذا ما بدو يتدخل تحت حجة انو الظروف والحفاظ على دم الشيعة وحقن الدماء وهالقصص، معنا اسناده لغزة منو اسناد مبدئي عقائدي، وكل خزعبلات الاخلاق والإنسانية واذا جارك عم يتعرض وما بعرف شو هيدي كذب ونفاق ورياق
طالما الشغلة بتخضع لظروف وما بتنعمل بكل الأحوال ولازم الواحد يحسب تبعات افعاله، معناها لازم حزب الله بتحاسب على كل شي صار من ٨ اكتوبر لليوم وليش ما فكروا بنفس الطريقة وقتها

[H @hsbor94]

هيدي المسيرات شغالة…والمدفعي شغال( هيدي حتى بال١٥ شهر ما كانت موجودة)

بالمقابل الحزب التزم بعدم قصف اسرائيل وعم يقصف على الجيش الإسرائيلي بالداخل اللبناني كتثبيت لمعادلته انو لا عودة لما قبل ٢ آذار أي حرية حركة اسرائيلية بدون رد

عظيم، شو دفع حقها؟ ٥٠٠٠ شهيد، ١٥ مليار دولار من كيس اهل الجنوب، ١٢٠٠٠ جريح، وحبة الكرز احتلال ٤٠٠ ��يلومتر مربع من ارض لبنان

أجحش مقامرة ومراهنة بالتاريخ

[H @hsbor94]

انا من الجنوب من قرية ما احتلها الإسرائيلي، ومفروض بامكاني اطلع عضيعتي وارضي وما في خطورة، وانا على خصومة حادة مع حزب الله وبيئته وخيارات هالبيئة يلي هي بتشكل الأغلبية العظمى من سكان القرى المحتلة، ففيي قول انو هالبيئة عم تدفع ثمن خياراتها وانبسط بطلعتي عضيعتي وما اتأثر ابدا…ومع هيك هالشي مش وارد عندي…مستحي انبسط، وحاسس بالمقت وال��هر وعم فكر ب يلي مش قادر يرجع عبيته ولا ارضه ولا ضيعته وطلعتي ما فيها اي بهجة…وهيدا مش تفوق اخلاقي مني يعني، هيدا الطبيعي لأي حدا عندو ذرة انسانية وعقل وحب لأرضه وبلده

المش طبيعي، الوساخة، الحقارة، السفالة، الوطاوة، الخيانة، العمالة،النجاسة هي انو تحتفل وتعمل مظاهر احتفالية ونصر هو الإسرائيلي عم يكزدر ببلدك ودم الناس بعدو ما نشف

[H @hsbor94]

بتعمل اسرائيل حرب بتحقق ٨ من اصل ١٠ اهداف بتخلص الحرب منعلن الإنتصار لأن اسرائيل فشلت في تحقيق اهدافها

منفتح حرب ب ٥ اهداف:
١-وقف القصف
٢-الإنسحاب
٣- عودة الاهالي الى القرى
٤-عودة الاسرى
٥-اعادة الإعمار

منحقق بس اول هدف من الأهداف الخمسة…منعلن الإنتصار

محور ��حش البراري

[H @hsbor94]

منكرر للمرة التريليون، حزب الله بده يقر بهزيمة او اقله يتقبل انو في خساير تكبدها وبدو يدفع ثمن كبير
وهيدا الاقرار مصرين عليه مش تشفيًا ولا شي، هيدا السبيل الوحيد لإنقاذ ما تبقى من لبنان والشيعة وشيعة الجنوب على وجه الخصوص

لما تروح عالكازينو تلعب قمار وتخسر، اذا ما وصلت لمرحلة تستوعب انك خسر�� ولازم تقوم وتفل وتحاول بالباقي تعمل شي مفيد، حتسخر اكتر…لان مستحيل تعوض طالما بالكازينو، لا بل خسايرك حتزيد اكتر ويتعقد وضعك اكتر…

الشرق الأوسط بعد ٧ اكتوبر ليس كما بعده، لا لبنان لبنان بسطوة وهيمنة حزب الله، ولا سوريا هي ذاتها ولا فلسطين ولا اسرائيل!! محاولة وجنون وأضغاث أح��ام حزب الله بالعودة للماضي مستحيلة التحقق…العودة لانو يكون لبنان كلو تحت هيمنة الحزب ومن خلفه ايران انتهت الى غير رجعة…حزب الله كان مش بس حاكم الدولة، فارض ادبياته، فارض خطاب معين، فارض حدود وحاطط قواعد اللعبة وخطوط حمر حتى لألد خصومه…هيك اشيا متى ما انتهت ما بترجع ابدا

يعني هلق كل خطاب الحزب مزيج من مظلومية على تخوين على استغراب من الجو العام بالبلد من التفاوض للخطاب الإعلامي والشعبي اللي كسر تابوهات كتير، للتنسيق الأمني والإجراءات اللي بدها تقوم فيها الدولة ومهسترين كيف فلتت الدولة من ايدن وهلق مثلا حسن الدر عم يحكي بمنع استيراد الالياف الضوئية وما ��عرف شو ويا غيرة الدين وكيف هالخونة بيعملوا هيك وبنفذوا اوامر اسرائيل

خيي، في تفصيل زغير كتير هلقد، حضراتكن مش منتبهينلو، انو استعداء اسرائيل شي، وحتى الابتعاد عن الجو العربي والخليجي تما قول استعداء( نع انو الحزب بدو استعداء بسلوكياته قد ما جحش) هيدول شي، واستعداء اميركا شي تاني
اميركا اقوى امبراطورية انوجدت على هالكوكب، وهالشي مش عم قوله انبهارا ولا اعجابًا ولا عقدة الرجل الأبيض والبنفتحي، بالعكس هي أقوى امبراطورية لأنها اوسخ امبراطورية وما بتحاربك بس بالسيف والصاروخ والمدفع..اميركا بتجوّع…
يعني بتضلكن تطالبوا الدولة الدولة وما تتخاذلي وايران بتحب شعب لبنان، وكونوا مع ايران بالمفاوضات واستندوا عليها بتكسبوا…بدي روح للآخر وافترض حسن نوايا ايران، وحقيقة قوتها وانو قادرة تحقق وقف اطلاق نار شامل وانسحاب اسرائيلي غير مشروط، وبقي سلاح المقاوم�� معها وانتصرنا والله اكبر…طيب وبعدين؟ مرحلة ما بعد الحرب شو؟ نحنا قادرين نعيد الإعمار؟ لاء
قادرين نتحمل عزلة عربية ودولية، وعداء سوريا مضاف الى عداء اسرائيل؟ فينا نعيش متل كوبا؟ فنزويلا اكبر احتياطي نفط بالعالم ماتوا الجوع
ايران اللي عندها مقومات تكون اقوى دولة بالمنطقة، شعبها ميت جوع وبمناطق كتير عايشين ببيوت تراب، الناتج القومي تبعها انجق اكتر من قطر اللي اصغر منها بالمساحة ب ١٧٠ مرة وبالسكان ب ٩٠ مرة

لبنان بيحمل عقوبات واخراج من سويفت ولوايح رمادية وما بعرف شو وتضييق عالمغتربين بحجة مكافة تبييض الأموال وغيره، وكل ما يمكن ان تتفنن به اميركا؟ لا ما بيتحمل، اللي بدو يعيش كربلائي وزاهد هو حر عقيدته وحر فيها، بس منو لحالو بالبلد…الأغلبية الساحقة ما بدها ولا بتقدر تعيش هيك وتتحمل هيك…المزايدات الإعلامية والهوبرات والحكي بالشعارات كتير هينين، بس وقت الجد، السيناريوهات الج��يي كتير سوداوية كيف ما يبرمها الواحد اذا ضل عايش بحالة انكار…اذا ما اقر الحزب انو خسر، وبدو يكنّ ويهدى ويقدم تنازلات، لبنان والشيعة تحديدًا رايحين عالسحق

[Hasan Jouni @hsnjouni]

@khodrelmasri عقبال المية

[H @hsbor94]

دبين وزوطر وما بعرف شو سقطوا بدون مقاومة تُذكر…وحتى لو كان في مقاومة فخساير اسرائيل كانت اقل من عادية…وحاليا الحزب عم يضرب محلقات انقضاضية مصور الأعراس بيقدر يضربها

قوة حزب الله واللي كان بيتميز فيها عن الجيش اللبناني او اي جماعة مسلحة تانية حابة تدافع عن لبنان هي بالصواريخ النوعية اللي قادرة تضرب عمق اسرائيل، الكورنيت والتصديات البرية…طيب انت لما ما تستعمل كورنيت ولا تضرب صواريخ عاسرائيل، ولا تحقق اي شي يذ��ر بالتصدي للاجتياح البري( بأحسن الأحوال تأخير العدو عدة ايام)…شو القيمة المضافة الك كحزب مسلح بتدعي انك رادع اقوى قوة عسكرية بالمنطقة؟

اذا فكرك هيك بتحرر بتكون حمار، واذا معول عإيران طيب منيح…سد بوزك وكنّ وقول سلمت امري لإيران تركها تحقق الإنسحاب بس بتكون وقفت حمام الدم…

[Malak @Malakfakih3]

يلي مش معاجبه الاتفاق يروح يقاتل المشوار مش بعيد هياهن بقلعة الشقيف الاسرائيلي وخلي الكلمة للميدان شهرين زمان بصير الحزب يضرب مسيرات عالميركافا عند شمسين خلدة ونبيه بري بيرجع يبعت علي حسن خليل يبكي بالدوحة والسعودية انو رجعولنا الاسرائيلي من نهر الأولي على نهر زوطر ومنوقع اتفاقية سلام

[Ali Makki @Alimakki83]

بتحسّ هالممانعين مشوّبن منظر انتشار الجيش اللبناني ورفع العلم اللبناني بدبّين أكتر ما شوّبن منظر الجيش الإسرائيلي ورفع علمو بزوطر والشقيف

[Freddie @soduimdioxyde]

العتبان عا ايران هو حدا جريئ اكتر بشوي من الي صرله سنتين قاعد يقلنا قدي اسرائيل مجرمة بس نغمة التذكير باجرام اسرائيل صارت مملة ف بنروح بنلوم ايران.
التنين عم يلومو انظمة عندها اجندة تا يتهربو من انه يسمو الاشيا بمسمياتها، نحن كشيعة الي نصب حاله مسؤول عننا كان الحزب، الي صاير فينا نتيجة سلسلة خيارات اطلقت يد الاسرائيلي و عطته فرصة يستثمر تفوقه ال��سكري بانه يعمل علينا عقاب جماعي تا نتخلى عن فكرة تهديد امن المستوطنين.
بدك تلوم الحزب، لوم السيد الي كان مستعد يضحي ب ميات الالوف الي ساكنين جنوب الليطاني يخسرو ارضن و ارزاقن و يصيروا مشردين بالخيم كرمال ما كان قادر يقول لا للاجندة الاستعراضية الي اعتمدتها ايران بعد ٧ اكتوبر.
سبب الي انت فيه هلق هو قرار من السيد، سبب الوضع الي زاد و صار مأساوي اكتر هلق هو تبعية الحزب ل ايران و آنن كانوا مستعدين يسددوا فاتورة الدعم الي صرله ٤٠ سنة و ينزلو بيان انتقام للخامنئي مقابل انه مليون و نص شيعي يعيشو نكبة و يخسرو ارضن.

الي بده يحكيني ما ورائيات و يعملي السيد معصوم و ان�� الي عم نعمله بحالنا هو تكليف من الله، بحب قله انه الله بعد ما هداني لهالمستوى من التنور و غود لاك ذو منيح انه عم تلاقي مبرر لكل هالمعاناة.

[H @hsbor94]

ولاد الأحبة اللي بدن السلطة اللبنانية تنسحب من مفاوضات العار، شو رؤيتهن وخططهم لما بعد الإنسحاب من المفاوضات؟ يعني صحيح ما في ورقة قوة بالمفاوضات…انتو شو عندكن وراق قوة يا ولاد الجحاش؟ يعني ال٤٠٠ أسير اللي عندنكن هني اوراق القوة او ٢٠٠٠ كيلومتر مربع اللي احتليتوهن بالجليل مثلا ؟ خلاص استحوا العمى بقلب قلبكن شو وقحين