َ

﴿ رَبِّ اغْفِرْ لِي وَلِوَالِدَيَّ ﴾

[َ @i1mr_]

« يا واسع المغفره يالله عظيم الجلال
أدعيك دعوة ضعيفٍ ممتلي باليقين

يالله عفوك ولطفك يا كريم الفعال
وتوفَّني مسلمًا وألْحقني بالصالحين »

[َ @i1mr_]

اسبوع مر ولا وصل منك مرسال
ياقوّ قلبك ! كيف تقطعني اسبوع

الجوع كافر وانت ماترحم الحال
وانا عليك من الوله ميتٍ . . جوع !

[َ @i1mr_]

ماني بحب الـموادع لا تـودعني
رح فجاه أو قول برجع لـوّ . . ما ترجع

لا رحت أفـكَّر متى الله فيـك يجمعني
والفكره هذي ترى بلحـالها تـوجع

[َ @i1mr_]

اللي يعرف ان الغلا لو إن مالله خلقه
ماكان لحظات التلاقي مثل لحظات الوداع

- محمد بن الذيب -

[َ @i1mr_]

وأحاول اغيب ، وابعد ، واقطع الإتصال
وأجعل غيابي عن اللي ينتظرني ، يطول

- مبارك بن رادعه -

[َ @i1mr_]

يقال إن كل ما حبيت شخص من أقصى قلبك تطلع لك أشياء تذكرك فيه

فـ طرا على بالي هادي بن جابر يوم قال

« مع هبوب النـود يأتيني طيفه اللي مبطيٍ عنه
كل ما قبل والزعل فيني إن تبسّم أستحي منه »

[َ @i1mr_]

« لن تجدني موذياً أبداً حتى إن خاب ظني فيك
سأغادرك بلطف ، فأنتهاء الرغبه أشد من الكره »
- نجيب محفوظ

" لي قلب من شيمته لا من جْفته القلوب
صد ومعه كلمةٍ تجرح . . ولا قالها "
- مطلق الجبعاء

[َ @i1mr_]

- بقايا ذكرى -

وش رجع الذكرى و أنا أكره طريق الإنهزام
و اكره اكون اللي يناظر لـورا و الراحلين

[َ @i1mr_]

ماقد تطرقت الطواري عنك و العالم تشوف
لكنك أكثر من تربع وسط عيني ( و أتضح )

[َ @i1mr_]

أقوي عزمي كـن . . معاد عندي فيه
وأنا والله اني مونسٍ البلا وأكناه

عروق الحشا ما تنبـت إلا على طاريه
تنامى على قربه و تـهجر . . على فرقاه

[- @8alvu2]

إذا مُت
سامحوني وحللوني واسترو عيوبي وادعو لي بالرحمه والمغفره وتذكرو الصحبه ولو اني أخطيت انسوا خطاي واذكرو جميل صفاتي لا تتركوني تعلمون اني لااحب الوحده تحدثو معي بالدعاء واجعلو قبري نوراً

[َ @i1mr_]

صبّحك باشواقي اللي ودّها تسْرح بك
لين ترسي بك على بحر الغلا من حدرى

يا حبيبي كل صُبح وكل يوم افرح بك
غير لاتنشد عن اسباب الغلا وانت ادرىّ

- علي الدعيه -

[َ @i1mr_]

حالياً شعوري مثل شعور بندر بن عوير يوم قال

على من رحيله هدم هامه وكسر عزوم
ولابي بعد فرقاه حيلٍ ولا همه

وجودي على شوفه ولو ساعه من يوم
واخلي عيوني ترتوي منه و اضمه

[َ @i1mr_]

- صباح الخير -

على ذمة الارسال . . يـا خدمة الإرسال
سلامي على اللي غا ا ا ب و انقطعت أخباره

[َ @i1mr_]

يالله اغفر ما سبق من كل ذنب وما توخر
ما طلب عبدك رضاك ومغفرتك الا مخافه

- علي الدعيه -

[َ @i1mr_]

" مسميٍ طيفك — رفيق المشاوير
والله ماهوب اللي ليا مر عدّا "

_جابر النشيرا

[َ @i1mr_]

« ملا صدري غلا وأقفى وأنا ضامي فواد وعين
لو انه مير وادعني عليّ اشوا من الروعه »

[َ @i1mr_]

تجرح وعندك جرح الاحساس عادي
وتنام واليا قمت تسأل متى قمت ؟

اسألني بـ كل شيّ . . إلاّ رقادي
انا على حطت يد الجرح مانمت

[َ @i1mr_]

غديت مثل اللي بالع جمّره — وساكت

[َ @i1mr_]

عارفين لما أحد يسوي حادث ويقولون له

" الحمدلله على سلامتك ، الحديد يتعوض

تماماً بالضبط هي نفس فكرة كل شخص
خارج دائره أهلك و عائلتك المقرّبه فهو
مجرد " حديد "

ومهما كان شكله وسعره فهو " يتعوض "
فالحمدلله على سلامتنا فعلاً (:

[َ @i1mr_]

احس اني ارجي شي ما ودك بطاريه
و ابي القرب وانت لنيـة الصده مبيّت