ِ

[ِ @i2elly]

" لا يوجد مقصود في أشعاري "
- قراءه مُمتعه للجميع

[ِ @i2elly]

ليلةٍ فيها البراد مغلف اسوار المدينه
والحزن قلط بقايا الشوق بالصدر و تحفى

من رجف قلبه عليك و بينت رجفة يدينه
لو يحط من الحطب فوق اللهايب ما تدفى

خايف ان اسعد ليالينا بقت ذكرى حزينه
و الكلام اللي انولد في ساعه فراقك توفى

[ْ @2lmuti]

«عرفت ما تخفيه في صدرها لي
من واقع النّظرات منّي وْمنها»
- عبدالله بن زويبن

«خلّ الكلام مْن اللسان اخذ الكلام مْن العيون
إلى بغيت تْترجم شعور العرب وإحساسها»
- محمد الشمالي

[لاشي يذكر @A__R75]

ورا أحبك كلام ومن ورا كل الكلام - أشتقت -
عليك الشوق ماخذ عن جميع الناس تفكيري

لو أضمن ياخذك من يستحقك بالبشر ماضقت
ولكن، ما أشوف أن فيه أحد يستاهلك غيري

[ِ @i2elly]

مرت خطاويك على رملة البيد
سيل وصدف في رملة البيد وادي

ماتنلحق مثل العمر والمواعيد
ومثل الدروب اللي على بال غادي

عاثت كفوفك في بياضي تجاعيد
حتى تساوى مع بياضي سوادي

الثقب مابيني ومابينك يزيد
معك العمر لا منصف ولا حيادي

المحزن أن مثلك مثل رابع العيد
لا فرح الديرة .. ولا مر عادي

[Song ♪ @Songmusiic]

أشوف كلٍ مع حبيبه تهنّى

[ِ @i2elly]

راح جل الكلام وطاح كل الملام
يوم ناديته و قال لي عيونه

و انا لعيونه اعلن السلام
كيف عاد العتب و اللوم ؟ يفدونه

مدري اعجاب والا حب والا هيام
حالةٍ عاد مدري وش يسمونها

[ِ @i2elly]

روح ، مايخاف من الدروب الا الضرير
فك ايدك اللي في يدي متجوده

لا عاندت نفسي بتقنع بالمصير
و ان ماقدر قلبي جفاك اعوده

أنا كذا ولا كذا ماني بخير
بتنقص من الجرح ولا تزوده

ماهي بواقفةٍ على الجرح الاخير
مبطي و روحي عن غلاك مهوده

[ِ @i2elly]

ماعاد تغريني ملامح وجهك و ماعدت اغار
عليك لا هب الهوى و اجتاحك و فاح العبير

والذكريات اللي تمررها الطواري و انت مار
ابشرك مرت مرور النور بـ عـــيون الضرير

[ِ @i2elly]

دام باب الموادع حول باب التجافي
لاحدٍ يدري ان بيني و بينك قطيعه

خلها زلة من وافيٍ عند وافي
و اعتبرني رحلت الصبح و الا تبيعه

العرب لا تجافوا يضربون الفيافي
مايصير نتضايق و ارض ربي وسيعه

ماتدوم الظنون ولا تدوم العوافي
خيبة الهقوه اكبر من مقام الفجيعه

[ِ @i2elly]

الله من كثر الهواجيس بالبال
ياليت بـ فراق الهواجيس ساعه

ينساح قلبي من همومٍ و ولوال
متصدع قدله و زاد انصداعه

اخفي الذي بالقلب عن كل نقال
هرجٍ يعامل به سواه البضاعه

[ِ @i2elly]

يا وجهٍ ما وراه إلا جميل ، وعزوة ، وسلوان
تعبت أدورك و أثر الأيادي عنك مكتوفه

إذا فعيونك المنفى و إذا لـ عيونك التحنان
غريرٍ جاك وش ذنبه تشب النار في جوفه

[ِ @i2elly]

حالة العشاق حاله وفارسهم ذليل
وباقي لـ الحب عشاق ماغاب قمره
ㅤ
ساكنٍ بالجوف ونظر على الدوحة مخيل
يلتعج برقه ويرعد ولا هل مطره
ㅤ
ياحبيبي ليه تزعل علي مالك دليل
لا تصدق كل علمٍ يرد لك خبره

[ِ @i2elly]

شعوري يوم احس ان النصيب اقوى من الاهداف
شعور اللي تصيبه في ضلوعه — طلقة المحتل

انا مهما نقلت من الحمول اللي ماهي بـ خفاف
اشوفك " حلم " لا يعلى عليه و لغز ما له حل

مع ان الناس من حولك كثير ولا عليك خلاف
يراودني شعور انك حبيبي يا حبيب الكل

[ِ @i2elly]

مادامك تعرف ان ابتسامك يخطف قلوب
اجل ليه تنجب ضحكهٍ مالها والي ؟

[ِ @i2elly]

تخيرت طيفي نجمٍ يطل نوب و نوب
و تخيرت وجهك شعر ابقيه لـ عيالي

لو ان فيه من زلاتك الواجدات ذنوب
مايستر سنون المبتسم لا تغنى لي

تبقى معاي من الفكر لـ قصايد طوب
لو ان الشغف ماهو مثل و انت تقرا لي

[ْ @2lmuti]

أحنّك مثل ما أحنّ وجهي من المنقود
وأعدّك ليّا عدّيت الأيام ويش جابت .

[ِ @i2elly]

انت حاكم خافقي و انت المفوض
لو غدت كبدك على وصلي غليظه

انت فرصة فالعمر ما هي تعوض
في حياة اللي عسى ربي يعيضه

[ِ @i2elly]

ما تركته في حدود المُمكنه و المستحيله
كنت اداري خاطره لو خاطره مدري علامه

يدري ان الدمعه اللي في طرف عيني ثقيله
و ادري ان عيونه اللي صدت ابلغ من كلامه

[ِ @i2elly]

من تخير دربك المهجور عن باقي دروبه
لاقيٍ بعيونك الثنتين مضياف و كرامة

لا تلومه لو تشوف الصمت ذنبٍ من ذنوبة
وش يقول اللي يشوف احساسه اكبر من كلامه