جيّاش

[جيّاش @i447q]

ماهوب حقي تقفي وتبطي في جفاك
انا حقي كسرة العود من نفح الشذا .

- محمد العايد

[جيّاش @i447q]

هاذي ثلاث سنين دافنها ورا الضلع القصير
إلى متى تزرع وتحصد في ضلوعي نبتها .

[جيّاش @i447q]

ماهوب حقي تقفي وتبطي في جفاك
انا حقي كسرة العود من نفح الشذا .

- محمد العايد

[جيّاش @i447q]

عد انقطاع اخر امل في رجعتك هاك الذبيل
اخذ الكلام اللي ما كنت ابغي اقوله واسمعه

انا عشقتك عشق ما يقدره ابو قلب ذليل
وانت الوحيد اللي معه حبل المحبه واقطعه

لا تحسبني بـ انتظر رجعتك هذي مستحيل
والله ولو ذقت العزاير يا وصالك ما طمعه

حتى ولو ان الغلا باقي وفي بطنك جميل
ماني براجي منك رد لـ الجميل ومنفعه

انا اعتبرني مثل من جاء لك وهو عابر سبيل
كرم عقب شاف الجفا منك وكمل في سنعه

وانا تراني بـ اعتبر شرواك في الدنيا قليل
لانك قدرت اتلين القلب القوي وتطوعه

دام انتهت قصة محبتنا وجاء وقت الرحيل
ليت الغلا لا راح راعيه يقفي به معه

[جيّاش @i447q]

الوقت خلاني على وضع السكوت
ناوي على نيه ولا ادري وش نوى

والفرصه اللي كنت ابيها ماتفوت
أقفى عليها الليل يوم انه ضوى

باقي معي ضحكه لكن بدون صوت
حاول يشوها الزمان ولا قوى

واللي سمع يونس وهو في بطن حوت
ماهو بناسيني وانا اشم الهوى .

[جيّاش @i447q]

فاقدك و الكون بـ غيابك كئيب
لا أحد قبلك ولا بعدك أحد

عفت خلق الله من بعيد وقريب
و إعتزلت الناس بعدك للأبد

كل واحد صار بـ عيوني غريب
ما فقدتك . . كنّ فاقد لي بلد

كل همي في حياتي لا تغيـب
الحياه بدون ضحكاتك نكد

ماني أول شخص فاقد له حبيب
بس بـ غيابك أنا أكثر من فقد .

[جيّاش @i447q]

سلام الله على اللي حبها ما فارق الاعماق
وقلبي من غلاها فيه شقر وفيه ماريه

تعمدني غلاها لين حبيت و عرفت أشتاق
و أنا ما كنت ألين من العلاقات الغراميه

صحيح انه صدفني غيرها لكن على الاطلاق
بعدها كن مابه ذات حسن وذات اهميه

عليها حزن قلبي مثل ما حزنة من الدناق
يا شين الحزن في دناقة البنت السنافيه

توادعنا الضحى وعيونها فيها حزن وفراق
وجاني عقبها عصرية ماهي بـ عصرية

- علي الدعيه

[جيّاش @i447q]

اقربي يام القبال اللي ملى الدنيا رحابه
واضحكي حتى لو انه لاحقٍ قلبك مضره

مانتي اللي لو يغيب .. سنين ماطوّل غيابه
انتي اللي لو غيابه .. يوم واحد .. مت حرّه

لا يغرك قلبي اللي فيه طغيان وصلابه
والله ان ادنى ما يأثر فيه وادنى ما يسرّه

وجهك الوضاح شمس وثغرك الباسم سحابه
وعينك النجلا ملاذ .. وعاتقك للّه درّه

من كثر مابينك وبين القمر رابط قرابه
لو رفعتي يدك يمه صافحت يدك المجره

كل يوم اصحى وافكر فيك وادور اجابه
لين تأه العقل فيك ومالقى لك حل مرّه .

[جيّاش @i447q]

اسجنيني في عيونك وخليني سجين
العيون النعس ودي اعيش خلف اسوارها

وش ابي ف الارض و العالم الناقدين
دام ان دنياي بغيابك تطفي أنوارها

حياتي في غيابك أقسى من ما تتخيلين
دوله طاح حاكمها واعلنو استعمارها

تعال رجعني لحياه العالم الضاحكين
تعبت احارب الفرقا وعاني أضرارها

شفني ليا سجو وجتمعو السامرين
أجالسهم جسد ولا دري وش اخبارها

اسفر معا طيوفك عندي صار روتين
نفسي معا طيفك تعيش بستقرارها

ي عديل الروح الدار عقبك حزين
تعال وطرد وحشها و اشعل أنوارها

والله اني عقبك اعيش مثل الحزين
اللي اثيابه من الفقد قطع أزرارها .

[جيّاش @i447q]

بعد انقطاع اخر امل في رجعتك هاك الذبيل
اخذ الكلام اللي ما كنت ابغي اقوله واسمعه

انا عشقتك عشق ما يقدّره ابو قلبٍ ذليـل
وانت الوحيد اللي معه حبل المحبه واقطعه

لا تحسبني بـ انتظر رجعتك هذي مستحيل
والله ولو ذقت العزاير يا وصالك ما طمعه

حتى ولو ان الغلا باقي وفي بطنك جميل
ماني براجي منك ردٍ لـ الجميل ومنفعه

انا اعتبرني مثل من جاء لك وهو عابر سبيل
كرم عقب شاف الجفا منك وكمل في سنعه

وانا تراني بـ اعتبر شرواك في الدنيا قليل
لانك قدرت اتلين القلب القوي وتطوعه

دام انتهت قصة محبتنا وجاء وقت الرحيل
ليت الغلا لا راح راعيه يقفي به معه .

[جيّاش @i447q]

لي سنه وأكثر وأنا حالتي حالة أسير
كل كلمه تستعيد الأمل يحتاجها

لا التطم موج الطواري بـ تأنيب الضمير
ودكت الذكرى دبشها ولج اخلاجها

انطوي طي السواني على عرقات بير
واختلي بالنفس عن ما يثير ازعاجها

دورولي ذاكرة داله ونومة غرير
لين احرر ضيقة ما عرفت اعلاجها .

[جيّاش @i447q]

ليلة البارح حزين ومبتعد عن كل صوت
بين تأنيب الضمير وبين ذكرى وأمنيات

مادريت ان الضجيج يزيد لاطال السكوت
لين لجة صرخة أوهامي من الاربع جهات

ولا جهلت أن الليالي بين حد وبين موت
لو جهلت ب ليلة فيها شبعة من الممات

عاد انا الي عادتي حسن التصرف والثبوت
صرت ادور في وجيه العابرين ادنى ثبات

والله اني يوم اصايد فرصة العمر وتفوت
كن في صدري ونين وكن في عيني شتات

يا وجودي وجد من ضاقتبه وساع الخبوت
منهزم من كل صوب ومنكسر من كل ذات

طايب من كل شي إلا القوافي والبيوت
كن في قافه يجر الذكريات المرمسات

ولاعاش بين الذكريات إلا خيوط العنكبوت
الي تمثل في زوايا البال ( دور الذكريات ) .

[جيّاش @i447q]

من متى كانت أجابتنا على قد السؤال
ومن متى كانت سوالفنا سوالف بارده

ومن متى الوعد يتأجل ويتاجل الإتصال
ومن متى اسولف على عينك وعينك شارده

ومن متى كلمة أحبك شهر كامل ما تقال
تكسر جناحي من عنادك وأنا اللي فارده

للأسف كنت الفراق أشوفه أقرب للخيال
صرت أشوفه واقعي جدا وفكره وارده .

[جيّاش @i447q]

من باب الاعجاب لا تسأل عن اعجابي
اسألني تحب وبجاوبك حبيتك

اي والله إني عشقتك يا آخر أحبابي
وصديت عن مجمل الناس من جيتك

في وجه غيرك مسكر عيني وبابي
غالي و زاد الغلا يوم إني أغليتك

شفني ليا مر طيفك فزّت أهدابي
وشلون لا منّك ندهت إسمي ولبيتك .

[جيّاش @i447q]

كني من دون الغلا لا كيان ولا وجود
الغياب غيابها والوجود وجودها

ذاك له في داخلي لا حدود ولا قيود وان
عرفت حدودها ماتعدى حدودها

لو تبسم فاح عطر الزهر ويا الورود
ونحكت الله در الشفاء وخدودها

خصها رب الملابالعيون السود سود
كنها اللي غير فعيونها مع سودها

ماخذه من ديرة اليعربي عز وجود
ومن بلاد الغرب مابيحت بسدودها

اعشقه واغليه وافديه يا عين الحسود
انبغى في نقصها ونبغى في زودها

اتبعه ما زعله وارضيه يا كل الوجود
هذي اللي لا تمايل وهزت عودها

هزت الشاعر وهبت عليه النود نود
بس انا ماهمني ريحها مع نودها

لاني اللي ريحها لاني اللي له وجود
لاني اللي ساكن ابروحها ووجودها

لو تجيب ايامي افراقها ولا الصدود
مانويت افراقها ولا نويت أصدودها

لو تضيق اضيق لعيونها ظبي النفود
فيمنت في عشقها وستباحت جودها

ليتني في صدرها عقد لولو امعقود
البلا في نحرها اللي يزين اعقودها

رزها رب الملابالوقوف وبالقعود
الله در وقوفها لله در اقعودها

لو نقول ان الغلافي نزول وفي صعود
فارقه بنزولها فارقه بصعودها

في ملامح وجهي عشق المراجل والصمود
والردي ما تقبله لو تحن ارعودها

رمشها يحكي لنا هيمنت عاد وثمود
ومن سواد ارموشها أسلمت يهودها

ريحها عنبر وكادي ومسك وطيب عود
لا بسه تاج الشهامه وعز اجدودها

بس انا في عشقها لا قيود ولا حدود
الحدود احدودها والقيود اقيودها .

[جيّاش @i447q]

انا لا تباطيتس علي الوله ينشاف
يبين على العاشق وينشاف فـ عيونه

أحبتّس جعل حبٍ من بعدتس يْعاف
وأنا حالفٍ حبتس مع الوقت ما اخونه

ليا شفت وجهتس والله ان ماعلي اخلاف
فلا تنشد اللي شاف غايته وش لونه

عيونتس مثل مجدٍ قصر دونه اللي خاف
وانا اللي يحب المجد ويموت من دونه .

[جيّاش @i447q]

جرح جرحني وجارح الجرح جراح
يجرح جروح الجرح والجرح جارح

صبرت لين الصبر من وجدي انزاح
والقلب من كثر الالم صاح صايح

آخفي وجوعي والليالي تبي الباح
والدمع لو خان المدى صار فاضح

ان كان طب الجرح فرقاك يرتاح
وشلون أطبة وانت في الروح سارح

ما عاد ينفع بينا كلمت سماح
دام الوفا مات والهوى صار بارح

خذ ما بقى لك من غلا الروح وارتاح
ما عاد قلبي للمشاعر مسامح .

[جيّاش @i447q]

على طاري سنة فرقاك و الله لا يعوق بشر
ضحكت ومادريت ان الهوى مثل الجمر لاظي

تجاوزناك ياللي مادريت إن السنين تفر
على اللي وده انه يبني أمجاده من أنقاضي

أنا يوم أتجود فيك من شيمه وود وبر
أعرف إن الليالي دايره والحظ متقاضي

تفك أيدك من إيدي كنك تفك أيدك من الضر
وأشوفك واتبسم بسمة المسجون للقاضي

عط الدنيا قفاك و روح مرواح الظبي لا فر
تعشم بالسراب وصد عن مفلاه في رياضي

وأنا أدري انك علي بيوم من الايام راح تمر
وأنا في وقتها مشغول وأنت بوقتها فاضي

تجيني لا ربيع منتشر لا غيمة تجتر
مجي العابر اللي شايفه من قبل فالماضي

يطيرك الهوى وتطير مثل السنبله والذرّ
وأنا مانيب لا زعلان منك ولاني براضي .

[جيّاش @i447q]

ياسفينة نوح انا غرقان في بحر امنياتي
ما بقى للعمر مرسى واكثر أحلاامي غريقة

لاهتوى وقتي مطيحي واعتذر مني ثباتي
وش يصبر قلبي الي عروته ماهي وثيقه

اقفت الدنيا ولادري وش بقا من تضحياتي
كل يوم ادفع خفوقي في طريق ما يطيقه

لا قدرت اكبت ملامي ما قدرت اضمن نجاتي
وان بغيت اضمن نجاتي مالقيت لها طريقة

والشعور الي مع حلول المسا ينثر شتاتي
اعتلا عرش الخفوق ولبس الشريان ضيقه

وينه .. الي حطه الله قبلة لـ اربع جهاتي
العفيف الي ملاذه من سنا الورد ورحيقه

ما يبدد ضيقتي ويلم شملي مع حياتي
لين اصافح خده الي يفلق الظلما بريقه

غيبته زجرة عذاب موجها بالحزن عاتي
وشوفته مثل الخيال اليا كتبه الله حقيقه

لو على دربه عناي ولو على كفه مماتي
له علي اني ما جنب عن هواه وعن طريقه

وان عصاه الوقت لا يبدي ملام ولا يحاتي
ماوراه الا الرفيق الي حفظ عهدة رفيقه .